ایمان مزاری و شریک حیات ہادی علی چٹھہ کو راہداری ضمانت مل گئی
اشاعت کی تاریخ: 23rd, September 2025 GMT
پشاور ہائیکورٹ نے انسانی حقوق کی کارکن ایڈووکیٹ ایمان زینب مزاری اور ان کے شوہر ہادی علی چٹھہ کو راہداری ضمانت دے دی۔
یہ بھی پڑھیں: ایمان مزاری کے خلاف سائبر کرائم کیس میں خصوصی پراسیکیوٹرز مقرر
یہ فیصلہ اس واقعے کے 3 دن بعد آیا جب اس جوڑے کے خلاف اسلام آباد ہائیکورٹ بار ایسوسی ایشن کے صدر سے جھگڑے کے بعد مقدمہ درج کیا گیا تھا۔
پولیس نے ایمان مزاری، ان کے شوہر، زینب جنجوعہ اور تحریک انصاف سے وابستہ متعدد وکلا جن میں نعیم پنجوتھہ اور فتح اللہ برکی شامل ہیں کے خلاف دہشتگردی کے قوانین کے تحت مقدمہ درج کیا تھا۔ بار ایسوسی ایشن کی جانب سے الزام عائد کیا گیا تھا کہ بار قیادت پر ان وکلا نے حملہ کیا اور انہوں نے ریاستی اداروں کے خلاف نعرے بھی لگائے۔
ایمان مزاری اور دیگر نامزد وکلا نے اسلام آباد ہائیکورٹ کے احاطے میں جسٹس طارق محمود جہانگیری کو عدالتی کام سے روکنے کے فیصلے کے خلاف احتجاج کیا تھا۔
منگل کو سماعت کی پشاور ہائیکورٹ کے جج جسٹس سید محمد عتیق شاہ نے کی جنہوں نے جوڑے کو تحفظی (راہداری) ضمانت دی اور ہدایت کی کہ وہ 9 اکتوبر تک متعلقہ عدالت کے سامنے پیش ہوں۔
مزید پڑھیں: جسٹس سرفراز ڈوگر کیخلاف شکایت، ایمان مزاری نے اضافی دستاویزات جمع کرادیں
راہداری ضمانت درخواست پر پشاور ہائیکورٹ میں سماعت چیف جسٹس ایس ایم عتیق شاہ نے کی۔ سماعت کے دوران ایمان مزاری کے وکلا عطاء اللہ کنڈی، جہانزیب محسود، طارق افغان اور ایڈیشنل اٹارنی جنرل ثناء اللہ عدالت میں پیش ہوئے۔
عدالت نے دونوں درخواست گزاروں ایمان مزاری اور ہادی علی چٹھہ کو 9 اکتوبر تک راہداری ضمانت دیتے ہوئے انہیں متعلقہ عدالت میں پیش ہونے کی ہدایت بھی جاری کی۔
درخواست گزار ایمان مزاری اسلام آباد میں وکیل اور سماجی کارکن ہیں جبکہ ان کے وکیل عطاء اللہ کنڈی ایڈووکیٹ نے بتایا کہ ان کے خلاف اسلام آباد میں مقدمہ درج ہے۔
چیف جسٹس ایس ایم عتیق شاہ نے استفسار کیا کہ یہ پہلی بار پشاور ہائیکورٹ آ رہی ہیں جس پر ایمان مزاری نے تصدیق کی کہ یہ ان کا پہلا دورہ ہے۔
چیف جسٹس نے کہا کہ ’چلو آپ ایف آئی آر کے بہانے پشاور تو آ ہی گئیں، آپ لوگ تو ویسے بھی خیبرپختونخواٰ نہیں آتے۔
مزید پڑھیں: ایڈووکیٹ ایمان مزاری اڈیالہ جیل سے رہا
عطاء اللہ کنڈی ایڈووکیٹ نے عدالت کو بتایا کہ ایمان مزاری خیبرپختونخوا اور بلوچستان کے مظلوم لوگوں کی آواز ہیں۔ واضح رہے کہ ایمان مزاری پاکستان تحریک انصاف کی مقید رہنما شیریں مزاری کی صاحبزادی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمان مزاری ایمان مزاری کو ضمانت مل گئی ایمان مزاری کی ضمانت ہادی علی چٹھہ.ذریعہ: WE News
کلیدی لفظ: ایمان مزاری ایمان مزاری کو ضمانت مل گئی ایمان مزاری کی ضمانت ہادی علی چٹھہ پشاور ہائیکورٹ راہداری ضمانت ایمان مزاری اسلام آباد کے خلاف
پڑھیں:
متنازع ٹوئٹ کیس: ایمان مزاری، ان کے شوہر ہادی علی چٹھہ کے وارنٹ گرفتاری منسوخ
اسلام آباد کی مقامی عدالت نے متنازع ٹوئٹ کیس میں ایڈووکیٹ ایمان مزاری اور ان کے شوہر ہادی علی چٹھہ کے ناقابل ضمانت وارنٹ گرفتاری منسوخ کر دیے۔ ایمان مزاری اور ہادی علی چٹھہ کے خلاف متنازع ٹوئٹس کیس کی سماعت ایڈیشنل ڈسٹرکٹ اینڈ سیشن جج افضل مجوکا نے کی۔ایمان مزاری اور ہادی علی چٹھہ عدالت میں پیش ہو گئے، سمیع اللہ وزیر نے ہادی علی چٹھہ کی جانب سے وکالت نامہ عدالت میں جمع کروا دیا۔ایمان مزاری نے استدعاکی کہ انہیں وکیل کرنے کیلئے وقت دیا جائے.جج افضل مجوکا نے ریمارکس دیے کہ ہفتہ کو اپنے وکیل کی پاور آف اٹارنی جمع کروا دیں۔ایمان مزاری نے مؤقف اپنایا کہ جس اسپیڈ سے کیس چل رہا ہے ہمارے حقوق کی خلاف ورزی ہو رہی ہے، ہمیں عدالت فرد جرم پڑھ کر سنا دے، ہمیں سچ بولنے کی سزا دی جارہی ہے۔جج افضل مجوکا نے ریمارکس دیے کہ عدالت تین مرتبہ فرد جرم پڑھ کی وکلا کی موجودگی میں سنا چکی ہے۔ہادی علی چٹھہ نے استدعاکی کہ میرے وکیل آگئے ہیں اسٹیٹ کونسل کو ختم کیا جائے.جج افضل مجوکا نے واضح کیا کہ اسٹیٹ کونسل کو ہم نے مقرر نہیں کیا. جس کمیٹی نے اسٹیٹ کونسل مقرر کیا، وہی اسے ہٹا سکتی ہے۔ہفتہ کو اسٹیٹ کونسل کے حوالے سے دلائل دے دیں فیصلہ کر لیں گے، عدالت نے ہادی علی چٹھہ اور ایمان مزاری کے ناقابل ضمانت وارنٹ گرفتاری منسوخ کر دیے جبکہ کیس کی سماعت ہفتہ 8 نومبر تک ملتوی کر دی۔
یاد رہے کہ گزشتہ روز اسلام آباد کی مقامی عدالت نے متنازع ٹوئٹ کیس میں ایڈووکیٹ ایمان مزاری اور ان کے شوہر ہادی علی چٹھہ کے ناقابل ضمانت وارنٹ گرفتاری جاری کر دیے تھے۔ایڈیشنل ڈسٹرکٹ اینڈ سیشن جج اسلام آباد نے کیس کی سماعت کی تھی.ایمان مزاری اور ہادی علی چٹھہ عدالت میں پیش نہیں ہوئے. عدالتی وقت ختم ہونے تک ملزمان عدالت سے غیر حاضر رہے تھے۔جس پر عدالت نے دونوں کو شوکاز نوٹس جاری کر دیے تھے، جس میں کہا گیا تھا کہ عدالت پیش نہ ہونے پر کیوں نہ ملزمان کی ضمانت خارج کر دی جائے۔
واضح رہے کہ این سی سی آئی اے کی جانب سے درج ایف آئی آر کے مطابق ایمان مزاری اور ان کے شوہر پر الزام ہے کہ وہ سوشل میڈیا پوسٹس کے ذریعے لسانی بنیادوں پر تقسیم کو ہوا دینے کی کوشش کر رہے تھے۔ایف آئی آر میں الزام لگایا گیا تھا کہ انہوں نے خیبر پختونخوا اور بلوچستان میں لاپتا افراد کے معاملات کی ذمہ داری سیکیورٹی فورسز پر عائد کی تھی۔یہ مقدمہ الیکٹرانک کرائم کی روک تھام کے ایکٹ (پیکا) کی دفعات 9، 10، 11 اور 26 کے تحت درج کیا گیا تھا۔
کراچی: ٹریفک کیمروں کی نگرانی کے دوران وائرل تصویروں پر ڈی آئی جی ٹریفک کا بیان آگیا