پنجاب میں طوطوں کی رجسٹریشن کے لیے ڈیجٹل ایپ تیار، اب سے طوطا پالنے کی فیس بھی دینا ہوگی
اشاعت کی تاریخ: 29th, September 2025 GMT
صوبہ پنجاب میں پالتو طوطوں کی رجسٹریشن کو لازمی قرار دے دیا گیا ہے، جس کے لیے ایک جدید ڈیجٹل ایپلیکیشن تیار کی جاری ہے۔
اس اقدام کا مقصد مقامی طوطوں کی نسل کی حفاظت، غیر قانونی تجارت پر قابو پانا اور ماحولیاتی توازن کو برقرار رکھنا ہے۔ پنجاب وائلڈ لائف اینڈ پارکس ڈیپارٹمنٹ کی جانب سے کابینہ کو پیش کی گئی سمری منظور ہو گئی ہے، جس کے تحت 4 مقامی طوطوں کی اقسام کو قانونی طور پر رجسٹر کرنے کا سلسلہ شروع ہو جائے گا۔
یہ بھی پڑھیے: اسد علی طور کو طوطے کیوں بیچے؟ طوطا فروشوں کے بینک اکاؤنٹس منجمد
اس نئی پالیسی کے تحت طوطا پالنے والے افراد کو اب فی طوطا ہزار روپے کی فیس ادا کرکے آن لائن رجسٹریشن کرنی ہوگی۔ یہ رجسٹریشن نہ صرف کمرشل بریڈرز اور دکان داروں کے لیے بلکہ گھریلو پالتو طوطوں کے لیے بھی لازمی ہوگی۔ محکمہ وائلڈ لائف کے مطابق یہ اقدام طوطوں کی نایاب نسلوں کو بچانے اور غیر قانونی سمگلنگ روکنے میں اہم کردار ادا کرے گا۔
محکمہ وائلڈ لائف پنجاب نے 4 اقسام کے طوطوں پر ایک ہزار روپے رجسٹریشن فیس مقرر کی ہے۔ یہ طوطے الیگزینڈرائن، رنگ روز، سلیٹی اور پلم ہیڈڈ ہیں۔ جن افراد نے پہلے سے طوطے پالے ہوئے ہیں، انہیں بھی لائسنس کے لیے رجسٹریشن کرانا ہوگی۔
رجسٹریشن کا عملپنجاب وائلڈ لائف ڈیپارٹمنٹ کی ویب سائٹ پر دستیاب آن لائن پورٹل کے ذریعے طوطوں کی رجسٹریشن کی سہولت دی جائے گی، جو ایک ہفتے کے اندر عوام کے لیے فعال ہو جائے گی۔ ایپلیکیشن استعمال کرنے والے مالک کو طوطے کی نسل، عمر اور مالک کے پاس پہلے سے موجود طوطوں کی تعداد بتانی ہوگی۔
یہ بھی پڑھیے: کوئٹہ میں طوطا لاپتا، تلاش گمشدہ کے اشتہار آویزاں
تمام معلومات درج کرنے کے بعد، مالک ہزار روپے کی فیس آن لائن ادا کر سکے گا، جس کے عوض طوطے کی رجسٹریشن سرٹیفکیٹ اور لائسنس جاری ہو جائے گا۔ رجسریشن کے بغیر طوطا رکھنے پر جرمانہ یا قانونی کارروائی کا سامنا کرنا پڑ سکتا۔
وائلڈ لائف ماہرین کے مطابق، پنجاب میں طوطوں کی آبادی میں حالیہ برسوں میں نمایاں کمی آئی ہے، جو غیر قانونی تجارت، شکار اور ماحولیاتی تبدیلیوں کی وجہ سے ہے۔ اس پالیسی سے نہ صرف طوطوں کی تجارت کو قانونی شکل دی جائے گی بلکہ بریڈنگ کو بھی منظم کیا جائے گا۔
محکمہ کے ترجمان نے کہا کہ یہ اقدام طوطوں کی نسل کو بچانے کے لیے کیا گیا ہے۔ آسٹریلوی یا دیگر درآمدی طوطے اس نئے ضابطے کے تحت نہیں آتے۔ صوبائی حکومت کے یہ نئے قوانین صرف مقامی نسل کے طوطوں کے لیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایپ پالتو جانور جنگلی حیات رجسٹریشن طوطا.
ذریعہ
ذریعہ: WE News
کلیدی لفظ: ایپ پالتو جانور جنگلی حیات کی رجسٹریشن وائلڈ لائف طوطوں کی کے لیے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا