وافی انرجی کا بڑا اقدام: ری سائیکل شدہ پلاسٹک سے راولپنڈی میں دوسرا ریٹیل اسٹیشن قائم
اشاعت کی تاریخ: 29th, September 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: پاکستان میں شیل کے لائسنس یافتہ ادارے وافی انرجی نے توانائی اور ریٹیل سیکٹر میں پائیداری کے فروغ کی جانب ایک اور سنگِ میل عبور کرتے ہوئے راولپنڈی میں ملک کا دوسرا ری سائیکل شدہ پلاسٹک سے تعمیر شدہ ریٹیل اسٹیشن قائم کر دیا۔
یہ اسٹیشن پولیس لائنز کے قریب تعمیر کیا گیا ہے، جس کی تیاری میں 7,700 کلوگرام پلاسٹک کچرا استعمال ہوا، جو تقریباً 58 لاکھ ناکارہ اشیاء کے برابر ہے۔
اس سے قبل کراچی میں وافی تعمیر (Wafi Tameer) کے سابق طلبہ کے اسٹارٹ اپ Concept Loop کے اشتراک سے پہلا ماحول دوست ریٹیل اسٹیشن بنایا گیا تھا، جس میں 6,500 کلوگرام پلاسٹک کچرا، یعنی 13 لاکھ اشیاء استعمال کی گئی تھیں تاکہ پائیدار کنکریٹ بلاکس تیار کیے جا سکیں۔
وافی انرجی نے اس سے پہلے کراچی ہیڈ آفس کے باہر 730 فٹ طویل پلاسٹک سڑک بھی تعمیر کی تھی، جسے لیوبریکینٹس کی 2.
افتتاحی تقریب میں وافی انرجی کے چیف ایگزیکٹو آفیسر زبیر شیخ نے کہا کہ وافی انرجی میں پائیداری محض ایک وعدہ نہیں بلکہ ذمہ داری ہے۔ ری سائیکل شدہ پلاسٹک سے پاکستان کے دوسرے ریٹیل اسٹیشن کا قیام اس بات کا ثبوت ہے کہ اختراع اور ماحولیاتی ذمہ داری ایک ساتھ چل سکتے ہیں۔ 5.8 ملین پلاسٹک ویسٹ کے دوبارہ استعمال کے ذریعے یہ اسٹیشن صرف فیول اسٹیشن نہیں بلکہ ایک صاف اور سرسبز مستقبل پر ہمارے یقین کی علامت ہے۔
تقریب میں سعودی عرب کے کمرشل اٹیچی نائف اے۔ الحربی، ریجنل پولیس آفیسر راولپنڈی بابر سرفراز الپا، سٹی پولیس آفیسر سید خالد حمدانی اور اوگرا کے سینئر ایگزیکٹو ڈائریکٹر میڈیا ریلیشنز عمران غزنوی نے بھی شرکت کی۔ معزز مہمانوں کی موجودگی نے اس منصوبے کی اہمیت اور حمایت کو اجاگر کیا۔
راولپنڈی میں یہ افتتاح وافی انرجی کے اس عزم کی عکاسی کرتا ہے کہ پاکستان میں پائیدار ریٹیل جدت کو فروغ دیا جائے اور ماحولیاتی تحفظ کے ساتھ ساتھ آنے والی نسلوں کے لیے صاف اور سبز مستقبل کی بنیاد رکھی جائے۔
ذریعہ
ذریعہ: Jasarat News
کلیدی لفظ: وافی انرجی
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار