فیروز خان کی دوسری اہلیہ سے بھی علیحدگی ہوگئی؟ پوسٹ وائرل
اشاعت کی تاریخ: 2nd, October 2025 GMT
پاکستان شوبز انڈسٹری کے معروف اداکار فیروز خان ایک بار پھر دوسری اہلیہ سے متعلق انسٹاگرام اسٹوری کی وجہ سے سوشل میڈیا پر تنازع کا شکار ہوگئے۔
گزشتہ شب فیروز خان کے انسٹاگرام اکاؤنٹ سے ایک اسٹوری شیئر ہوئی جس میں ان کی دوسری اہلیہ ڈاکٹر زینب کو ٹیگ کرتے ہوئے سنگین نوعیت کے الزامات عائد کیے گئے۔
وائرل ہونے والی پوسٹ میں دعویٰ کیا گیا کہ اداکار کو بلیک میل کرکے شادی پر مجبور کیا گیا اور انہیں والدہ اور بچوں کا ساتھ چھوڑنے کے لیے دباؤ ڈالا جا رہا ہے، ورنہ جھوٹے الزامات لگائے جائیں گے۔
View this post on InstagramA post shared by DIVA Magazine Pakistan (@divamagazinepakistan)
اسٹوری میں مزید کہا گیا کہ وہ نفسیاتی علاج کرا رہے ہیں مگر انہیں اپنے ہی گھر والوں کے سامنے بدنام کرنے کی کوشش کی جارہی ہے اور گھر والوں سے دور کیا جارہا ہے۔
یہ اسٹوری سوشل میڈیا پر وائرل ہوتے ہی صارفین کے درمیان قیاس آرائیاں شروع ہوگئیں کہ فیروز خان کی دوسری اہلیہ ڈاکٹر زینب سے بھی علیحدگی ہوگئی ہے۔ تاہم کچھ گھنٹوں بعد فیروز خان نے وضاحت دی کہ ان کا انسٹاگرام اکاؤنٹ ہیک کر لیا گیا تھا اور یہ پوسٹ ان کی مرضی یا علم کے بغیر اپ لوڈ ہوئی جس میں کوئی صداقت نہیں ہے۔
یاد رہے کہ جون 2024 میں فیروز خان نے ماہر نفسیات ڈاکٹر زینب سے شادی کی تھی جبکہ اس سے قبل 2018 میں علیزا سلطان سے پہلی شادی اور 2022 میں علیحدگی ہوچکی تھی۔ تازہ معاملے پر فی الحال فیروز خان یا ڈاکٹر زینب کی جانب سے کوئی باضابطہ بیان سامنے نہیں آیا۔
.ذریعہ: Express News
کلیدی لفظ: دوسری اہلیہ ڈاکٹر زینب فیروز خان
پڑھیں:
کیا شعیب ملک اور ثنا جاوید کی علیحدگی ہونے والی ہے؟
قومی کرکٹ ٹیم کے سابق اسٹار شعیب ملک ایک بار پھر خبروں کی زینت بن گئے ہیں، تاہم اس بار معاملہ کرکٹ نہیں بلکہ ان کی ذاتی زندگی ہے۔
سوشل میڈیا پر ایک وائرل ویڈیو کے بعد شعیب ملک اور ان کی تیسری اہلیہ، اداکارہ ثنا جاوید کے درمیان علیحدگی کی افواہیں گردش کرنے لگی ہیں۔
یہ بھی پڑھیں: شعیب ملک کی حمایت میں متنازعہ پوسٹس، ثنا جاوید نے خاموشی توڑ دی
ویڈیو میں شعیب ملک مداحوں کو آٹوگراف دیتے نظر آ رہے ہیں جبکہ ثنا جاوید لاتعلق دکھائی دیتی ہیں اور بار بار نظریں چراتی ہوئی رخ موڑ لیتی ہیں۔ اس رویے نے سوشل میڈیا صارفین کی توجہ حاصل کرلی اور بحث چھڑ گئی کہ دونوں کے درمیان تعلقات کشیدہ ہیں۔
شعیب ملک اور ثنا جاوید نے گزشتہ سال شادی کی تھی۔ دلچسپ امر یہ ہے کہ اطلاعات کے مطابق شادی میں شعیب ملک کے گھر والوں نے شرکت نہیں کی تھی اور حالیہ مہینوں میں دونوں کو کسی عوامی تقریب میں اکٹھے نہیں دیکھا گیا۔
یہ بھی پڑھیں: ثانیہ مرزا یا ثنا جاوید، دونوں میں سے زیادہ امیر کون ہے؟
یاد رہے کہ شعیب ملک نے 2023 میں بھارتی ٹینس اسٹار ثانیہ مرزا سے علیحدگی اختیار کی تھی، جس سے ان کا ایک بیٹا بھی ہے۔ رپورٹس کے مطابق ثانیہ مرزا نے خلع کے ذریعے شادی ختم کرنے کا فیصلہ کیا تھا۔
فی الحال شعیب ملک اور ثنا جاوید کی جانب سے ان افواہوں پر کوئی ردعمل سامنے نہیں آیا ہے، تاہم مداح اور سوشل میڈیا صارفین ان کے رشتے کے مستقبل کے بارے میں طرح طرح کے قیاس آرائیوں میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ثنا جاوید شعیب ملک طلاق
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت