سنہری الفاظ کو سیاسی رنگ دینا افسوسناک ہے، ثنا میر
اشاعت کی تاریخ: 3rd, October 2025 GMT
پاکستان ویمن کرکٹ ٹیم کی سابق کپتان ثنا میر نے بھارتی میڈیا کی جانب سے ان پر عائد تنقید کو سختی سے مسترد کر دیا ہے۔
سوشل میڈیا پلیٹ فارم ایکس پر وضاحت دیتے ہوئے ثنا میر نے کہا کہ میری بات کا مقصد صرف ایک کھلاڑی کے سفر اور مشکلات کو اجاگر کرنا تھا، اس میں کوئی سیاسی ایجنڈا شامل نہیں۔ براہ کرم اس معاملے کو سیاست سے نہ جوڑیں۔
انہوں نے مزید کہا کہ کمنٹیٹرز کا کام کھلاڑیوں کی جدوجہد اور کہانیوں کو اجاگر کرنا ہے، اور ان کے الفاظ کا مقصد کسی کو تکلیف پہنچانا نہیں تھا۔ ثنا میر نے کرک انفو کی اصل لسٹنگ کا اسکرین شاٹ بھی شیئر کیا۔
It’s unfortunate how things are being blown out of proportion and people in sports are being subjected to unnecessary pressure.
My comment about a Pakistan player’s hometown was only meant to highlight the challenges… pic.twitter.com/G722fLj17C
— Sana Mir ثناء میر (@mir_sana05) October 2, 2025
ثنا میر کا کہنا تھا کہ میں اس اسکرین شاٹ کو بھی منسلک کر رہی ہوں جہاں پر میں زیادہ تر کھلاڑیوں پر تحقیق کرتی ہوں ، چاہے وہ پاکستان سے ہوں یا کسی اور ملک سے۔ مجھے احساس ہے کہ انہوں نے اب تک اسے تبدیل کر دیا ہو گا، لیکن میں نے اسی کا حوالے دیا تھا۔
مزید پڑھیں: ’سیاست سے باز آجائیں‘، بھارتی پراپیگنڈے پر سابق کرکٹر و کمنٹیٹر ثنا میر کا سخت ردعمل
واضح رہے کہ معاملہ اس وقت اٹھا جب ویمنز ورلڈ کپ 2025 کے میچ کے دوران کمنٹری میں انہوں نے کھلاڑی نتالیہ پرویز کے آبائی علاقے کو ’آزاد کشمیر‘ کہا تھا۔
بھارتی میڈیا نے فوری طور پر اسے سیاسی رنگ دیتے ہوئے آئی سی سی سے کارروائی کا مطالبہ کیا۔ انڈیا ٹوڈے اور آج تک کے صحافی راہول راوت سمیت کئی تجزیہ کاروں نے سوشل میڈیا پر ثنا میر کو نشانہ بنایا، جبکہ سینئر صحافی وکرانت گپتا نے بھی سخت ردعمل دیا۔
بحث مزید اس وقت بڑھی جب کرک انفو نے نتالیہ پرویز کے پروفائل میں ان کی جائے پیدائش ’پاکستان ایڈمنسٹرڈ کشمیر‘ درج کر دیا، حالانکہ ابتدائی طور پر وہاں ’بندالہ، آزاد جموں و کشمیر‘ لکھا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ویمن کرکٹ ثنا میر سابق کپتان ثنا میر کرکٹ کمنٹیٹر نتالیہ پرویزذریعہ: WE News
کلیدی لفظ: پاکستان ویمن کرکٹ سابق کپتان ثنا میر کرکٹ کمنٹیٹر
پڑھیں:
حکومت آزاد کشمیر میں جاری احتجاج اور مسائل کو مکالمے اور قانونی راستوں سے حل کرنے کیلئے پرعزم ہے، امید ہے کہ باہمی مکالمے کے ذریعے تمام مسائل مثبت اور پرامن ماحول میں حل ہو جائیں گے،وفاقی وزیر احسن اقبال کی میڈیا سے گفتگو
اسلام آباد (اُردو پوائنٹ اخبارتازہ ترین - اے پی پی۔ 02 اکتوبر2025ء) وفاقی وزیر منصوبہ بندی، ترقی و خصوصی اقدامات پروفیسر احسن اقبال نے کہاہے کہ حکومت آزاد جموں و کشمیر میں جاری احتجاج اور مسائل کو مکالمے اور قانونی راستوں سے حل کرنے کیلئے پرعزم ہے، امید ہے کہ باہمی مکالمے کے ذریعے تمام مسائل مثبت اور پرامن ماحول میں حل ہو جائیں گے۔ جمعرات کو مظفرآباد روانگی سے قبل میڈیا سے گفتگو کرتے ہوئے وفاقی وزیر نے کہا کہ وزیراعظم محمد شہباز شریف کی جانب سے ایک اعلیٰ سطح کی کمیٹی تشکیل دی گئی ہے جو زمینی صورتحال کا جائزہ لے گی اور آزاد کشمیر میں شراکت داروں سے ملاقاتیں کریں گی۔ انہوں نے کہا کہ ہم مظفرآباد کا اعلیٰ سطح کا دورہ کر رہے ہیں تاکہ صورتحال کا قریب سے جائزہ لیا جا سکے اور عوام سے براہ راست بات چیت کی جا سکے، جہاں بھی قانونی حل ممکن ہو گا، حکومت عوام کے جائز مسائل کے حل میں اپنا کردار ادا کرنے کے لیے پوری طرح تیار ہے۔(جاری ہے)
وفاقی وزیر نے آزاد کشمیر کے محب وطن عوام کے جذبات کو تسلیم کرتے ہوئے علاقے میں پرامن رہنے اور تحمل کا مظاہرہ کرنے کی اپیل کی۔
انہوں نے کہا کہ خطے اور دنیا بھر کی موجودہ صورتحال نہایت حساس ہے، کچھ قوتیں پاکستان میں بدامنی کا فائدہ اٹھا کر اپنے مقاصد حاصل کرنا چاہتی ہیں، اس لیے یہ بہت ضروری ہے کہ ہم ایسے حالات پیدا نہ کریں جنہیں ملک کے امن اور استحکام کے خلاف استعمال کیا جا سکے۔ وفاقی وزیرنے یقین دلایا کہ وفاقی حکومت عوام کے مسائل وخدشات سے پوری طرح باخبر ہے اور انہیں پرامن اور تعمیری انداز میں حل کرنے کے لیے ہر ممکن اقدامات اٹھائے جائیں گے۔ انہوں نے کہاکہ ہم آزاد کشمیر کے عوام کے جذبات کا احترام کرتے ہیں اور انہیں یقین دلاتے ہیں کہ ان کے مسائل کو نظرانداز نہیں کیا جائے گا، ہماری امید ہے کہ باہمی مکالمے کے ذریعے تمام مسائل مثبت اور پرامن ماحول میں حل ہو جائیں گے۔
ترقیاتی کاموں کو جلد از جلد مکمل کیا جائے‘ڈپٹی میئر