عالمی مالیاتی منظرنامے میں نئی تاریخ رقم، پاکستان دوسری ابھرتی ہوئی معیشت قرار
اشاعت کی تاریخ: 6th, October 2025 GMT
اسلام آباد:
عالمی مالیاتی منظرنامے میں پاکستان کو دوسری ابھرتی ہوئی معیشت قرار دیا گیا، بلومبرگ کے نئے اعداد وشمار نے عالمی اعتماد کی تصدیق کر دی ہے۔
بلومبرگ کے جاری کردہ نئے اعداد و شمار کے مطابق ’’پاکستان ڈیفالٹ رسک میں کمی کے لحاظ سے دنیا میں دوسرے نمبر پر آگیا ہے۔‘‘
جون 2024 سے ستمبر 2025 تک پاکستان نے وہ معاشی کارکردگی دکھائی جو دنیا کی بڑی ابھرتی معیشتیں حاصل نہ کر سکیں۔
کریڈٹ ڈیبٹ سویپ (سی ڈی ایس) کے مطابق دیوالیہ ہونے کے خطرات میں 2200 بیسس پوائنٹس کی غیر معمولی کمی واقع ہوئی۔
بلومبرگ نے پاکستان کو واحد ابھرتی ہوئی معیشت قرار دیا جس نے چار سہ ماہیوں میں اپنی مالی ساکھ میں بہتری دکھائی۔
عالمی درجہ بندی میں پاکستان ترکی کے بعد دوسرا سب سے بہتر ہونے والا ملک بن گیا ہے، یہ پیش رفت عالمی سرمایہ کاروں کے بڑھتے ہوئے اعتماد کی عکاس ہے۔
بلومبرگ کے مطابق مالیاتی نظم و ضبط، اسٹرکچرل ریفارمز، قرضوں کی بروقت ادائیگی، اور آئی ایم ایف پروگرام پر مکمل عمل درآمد نے پاکستانی معیشت کو استحکام دیا ہے۔
حکومت کی موثر پالیسیوں نے نہ صرف مہنگائی پر قابو پایا بلکہ روپے کو مستحکم کرتے ہوئے بیرونی خسارے کو بھی محدود کیا۔ بین الاقوامی کریڈٹ ریٹنگ ایجنسیاں فچ، ایس اینڈ پی اور موڈیز نے پاکستان کے حوالے سے مثبت آؤٹ لک کو برقرار رکھا ہے۔
عالمی سطح پر یہ تاثر مزید مضبوط ہوا ہے کہ پاکستان پالیسی کے تسلسل اور مالی شفافیت کے ذریعے اپنے اقتصادی اہداف کی جانب گامزن ہے۔
پاکستان کی معیشت کی یہ غیر معمولی بہتری اس بات کا واضح ثبوت ہے کہ ملک اب عالمی سرمایہ کاروں کے لیے ایک محفوظ، پُرکشش اور منافع بخش منزل بن چکا ہے۔
.ذریعہ: Express News
پڑھیں:
گزشتہ 18 ماہ میں اقتصادی اشاریوں میں بہتری اور مالیاتی استحکام میں اضافہ ہوا، وزیر خزانہ
وفاقی وزیر خزانہ و ریونیو سینیٹر محمد اورنگزیب نے نائیجیریا کے ریونیو موبلائزیشن الاؤنس اینڈ فِسکل کمیشن (RMAFC) کے 13 رکنی وفد سے ملاقات کی، جس کی قیادت فیڈرل کمشنر بیرسٹر ایمو ایفئنگ اکپان نے کی۔ ملاقات میں وزارت خزانہ اور ریونیو کے اعلیٰ حکام بھی موجود تھے۔
وزیر خزانہ نے وفد کا استقبال کرتے ہوئے پاکستان کی اصلاحاتی پیشرفت، خاص طور پر مالیاتی حکمرانی اور ریونیو اصلاحات میں بین الاقوامی تعاون بڑھانے کے عزم کا اعادہ کیا۔
مزید پڑھیں: وفاقی وزیر خزانہ اور وزیر اعلیٰ گلگت بلتستان کی ملاقات، سیاحت و ترقیاتی منصوبوں پر تبادلۂ خیال
انہوں نے گزشتہ 18 ماہ کے دوران اہم معاشی اشاریوں میں بہتری، بیرونی مالیاتی استحکام، افراط زر میں اعتدال، مالیاتی نظم و ضبط اور مارکیٹ اعتماد میں اضافہ کی کامیابیوں پر روشنی ڈالی۔
وفد کو پاکستان میں ٹیکس بیس کی توسیع، ڈیجیٹلائزیشن، ریئل ٹائم رسک پر مبنی کمپلائنس اور بہتر دستاویزات سمیت ٹیکس اصلاحات کے اقدامات سے آگاہ کیا گیا۔
وزیر خزانہ نے توانائی کے شعبے میں جاری اصلاحات، سرکاری اداروں کی ریفارمز، ہولڈنگ کمپنی ماڈل اور 24 اداروں کی نجکاری کی تفصیلات بھی بیان کیں۔
انہوں نے وفاقی بورڈ آف ریونیو میں جاری مکمل تبدیلی کے اقدامات اور پاکستان کے نجی شعبے کی قیادت میں نمو کے اقدامات کے بارے میں بھی وضاحت دی۔
مزید پڑھیں: پاکستان کی معیشت بہتری کی طرف گامزن، وفاقی وزیر خزانہ محمد اورنگزیب
ملاقات میں وفاقی ریونیو کی تقسیم کے آئینی اور قانونی فریم ورک اور عوامی عہدے داروں کی تنخواہوں کے تعین کے شفاف طریقہ کار پر بھی تبادلہ خیال کیا گیا۔
وزیر خزانہ نے نائیجیریا کے وفد کو یقین دلایا کہ پاکستان دوستانہ ممالک کے ساتھ علمی اور ادارہ جاتی تعاون بڑھانے کے لیے تیار ہے۔
ملاقات کے اختتام پر بیرسٹر اکپان نے پاکستان کی مہمان نوازی پر اظہارِ تشکر کیا اور نائیجیریا کے قومی پالیسی جائزہ میں پاکستان کے تجربات کو شامل کرنے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
RMAFC سینیٹر محمد اورنگزیب نائیجیریا وفاقی وزیر خزانہ
بہار الیکشن میں این ڈی اے کی بڑی برتری، مودی کی ریاست پر گرفت مضبوط