بانی سے ملاقات نہیں ہو سکی، عدلیہ پر عوامی اعتماد کم ہو رہا ہے: چیئرمین تحریک انصاف
اشاعت کی تاریخ: 7th, October 2025 GMT
راولپنڈی (نوائے وقت رپورٹ) چیئرمین پی ٹی آئی بیرسٹر گوہر نے عمران خان کے ٹرائل پر تحفظات کا اظہار کرتے ہوئے کہا ہے کہ عدلیہ پر عوامی اعتماد کم ہو رہا ہے۔اڈیالہ جیل کے باہر میڈیا سے گفتگو کرتے ہوئے بیرسٹر گوہر نے کہا کہ ان کی آج بانی پی ٹی آئی سے ملاقات نہیں ہو سکی، تاہم امید ہے کہ کل ہو جائے گی۔ انہوں نے بتایا کہ سلمان اکرم راجا، بیرسٹر سیف اور بیرسٹر علی ظفر کی بانی سے ملاقات ہوئی ہے اور وہ شام 4 بجے ایک پریس کانفرنس کریں گے۔بیرسٹر گوہر علی خان نے عدالتی نظام میں تاخیر پر تشویش کا اظہار کرتے ہوئے کہا کہ 2023ء اور 2024ء کی رپورٹ کے مطابق پاکستان میں 24 لاکھ مقدمات التوا کا شکار ہیں، جن میں بانی پی ٹی آئی کا کیس بھی شامل ہے۔انہوں نے کہا کہ ہماری درخواست ہے کہ بانی پی ٹی آئی کے کیسز بھی دیگر مقدمات کی طرح چلائے جائیں اور ان میں وکلا، میڈیا اور عوام کو رسائی دی جائے، کیونکہ اسلام آباد ہائی کورٹ کے واضح احکامات ہیں کہ یہ اوپن ٹرائلز ہیں۔انہوں نے کہا کہ بانی کے مقدمات کے حوالے سے عوام میں شکوک و شبہات پائے جاتے ہیں اور عدلیہ پر اعتماد کم ہوتا جا رہا ہے۔ جس انداز سے ٹرائل چلائے جا رہے ہیں، وہ آزاد عدلیہ پر سوالیہ نشان ہیں۔ ہم ہر تاریخ اور سماعت پر اوپن ٹرائل سے متعلق سوالات اٹھاتے ہیں، کیونکہ ٹرائل میں غیر معمولی تیزی بھی شکوک پیدا کرتی ہے۔بیرسٹر گوہر نے مزید کہا کہ القادر ٹرسٹ کیس میں گزشتہ 8 ماہ سے بانی اور بشریٰ بی بی کی ضمانت تاخیر کا شکار ہے۔ بانی پی ٹی آئی کی بہنوں سے متعلق بعض حلقوں کی جانب سے شکوک کا اظہار کیا جا رہا ہے جس پر انہوں نے کہا کہ ان کا کسی ایجنسی سے نہ صرف کوئی رابطہ نہیں بلکہ کسی تعلق کا شبہ بھی نہیں کیا جا سکتا۔ بات سمجھنے یا کہنے میں غلط فہمی ہو سکتی ہے، لیکن بدقسمتی سے اندر کی باتیں باہر آ جاتی ہیں اور الزامات کا سلسلہ شروع ہو جاتا ہے۔انہوں نے بتایا کہ بانی پی ٹی آئی نے واضح ہدایت دی ہے کہ جیل کے اندرونی معاملات پر اس طرح کی باتوں سے گریز کیا جائے اور جو کچھ ہو چکا، اس پر مزید تبصرہ نہ کیا جائے۔ بیرسٹر گوہر نے کہا کہ پی ٹی آئی کا واضح مؤقف ہے کہ ملک سے دہشتگردی کا خاتمہ ہونا چاہیے۔ اگر خیبرپختونخوا میں کوئی کوآرڈینیٹڈ آپریشن ہو رہا ہے تو اس میں دونوں جانب کسی قسم کا نقصان نہ ہو۔علی امین گنڈا پور کے حوالے سے سوال پر انہوں نے کہا کہ وہ اس وقت تک وزیراعلیٰ خیبرپختونخوا رہیں گے جب تک انہیں بانی پی ٹی آئی کا اعتماد حاصل ہے۔توشہ خانہ کیس سے متعلق بات کرتے ہوئے انہوں نے کہا کہ اللہ کرے ہمیں اس معاملے میں اعلیٰ عدلیہ کے پاس نہ جانا پڑے، ہم چاہتے ہیں کہ اب حالات بہتر ہوں کیونکہ اب بہت ہو چکا ہے۔ کوئی ایسی چیز نہیں ہونی چاہیے جس سے تناؤ میں اضافہ ہو، بلکہ تناؤ کو کم اور ختم کرنے کے اقدامات ہونے چاہییں۔بیرسٹر گوہر نے بتایا کہ سینیٹر مشتاق احمد کی اہلیہ سے رابطہ ہوا ہے اور انہوں نے آواز اٹھانے کی درخواست کی ہے۔ انہوں نے کہا کہ سینیٹر مشتاق احمد کی قربانی اور کاوش پر پوری قوم کو فخر ہے۔ ایکس (سابقہ ٹوئٹر) اکاؤنٹ سے متعلق سوال پر انہوں نے کہا کہ بانی پی ٹی آئی کا اکاؤنٹ جیل سے نہیں بلکہ باہر سے چلایا جاتا ہے۔ ایکس اکاؤنٹ بند کرنے سے متعلق پالیسی کا انہیں علم نہیں ہے۔
.ذریعہ: Nawaiwaqt
کلیدی لفظ: انہوں نے کہا کہ بانی پی ٹی ا ئی بیرسٹر گوہر نے پی ٹی ا ئی کا کرتے ہوئے عدلیہ پر کہ بانی رہا ہے کیا جا
پڑھیں:
تحریک انصاف کے تحت باقی پی ٹی آئی عمران کی سالگرہ منائی گئی
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)پاکستان تحریک انصاف میاں سرفراز ٹاؤن کے زیرِ اہتمام بانیِ تحریک انصاف عمران خان کی 73ویں سالگرہ جوش اور جذبے سے منائی گئی اس موقع پر کیک کاٹا گیا، جس میں میاں سرفراز ٹاؤن کے صدر عدنان خان دیسوالی جنرل سیکرٹری عدیل خان تنولی ڈسٹرکٹ حیدرآباد کے ذمہ داران، حقیقی ایم پی اے نعیم سمیع قریشی، حارث جہانگیری، عماد شیخ اور میاں سرفراز ٹاؤن کے سینئر نائب صدر اویس اجمیری، عدنان خان یوسف زئی، شاہد قریشی ناصر خان سمیت دیگر پارٹی عہدیداران اور کارکنان نے بڑی تعداد میں شرکت کی۔اس تقریب سے خطاب کرتے ہوئے نعیم سمیع قریشی نے کہاہمارے دل کی دھڑکن، ہمارے رہنما، ہمارے قائد عمران خان۔ وہ مردِ درویش جس نے مایوسی کے اندھیروں میں امید کا چراغ روشن کیا۔ ان کی 73ویں سالگرہ صرف ایک عمر کا سنگِ میل نہیں، بلکہ عزم، قربانی اور جدوجہد کے اُس سفر کی یاد دہانی ہے جو قوم کو خودداری اور غیرت کا سبق دیتا ہے۔عمران خان نے کرکٹ کے میدان سے عزت اور وقار کی پہچان بنائی، اور سیاست کے میدان میں قوم کو ایمان، انصاف اور سچائی کا راستہ دکھایا۔ وہ لیڈر نہیں، ایک تحریک ہیں — وہ خواب ہیں جو اقبال نے دیکھا، وہ حوصلہ ہیں جو قائد نے جیا، اور وہ آواز ہیں جو آج ہر پاکستانی کے دل سے نکلتی ہے۔آخر میں تمام شرکاء نے عمران خان کی درازیِ عمر، صحت، سلامتی اور کامیابی کے لیے دعا کی کہ اللہ تعالیٰ اُنہیں ہمیشہ اپنی خاص حفاظت میں رکھے، اور اُن کے مشنِ حق کو کامیابی سے ہمکنار کرے۔ آمین۔
ایم کیو ایم کے تحفظات پر وفاقی حکومت کا کراچی ترقیاتی پیکج پر جلد عملدرآمد کا فیصلہ