کراچی ایئرپورٹ سے گم ہونے والا برطانوی پولیس افسر کا سامان برآمد
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: برطانوی پولیس افسر کا گمشدہ سامان ائیرپورٹ پولیس نے برآمد کرلیا ہے۔
چھٹیوں پر اپنی اہلیہ کے ساتھ کراچی آنے والے برطانوی آفیسر ڈنکن وروی کا قیمتی سامان اور جیکٹ پولیس نے فوری کارروائی کرتے ہوئے بازیاب کرلیا اور انہیں بحفاظت واپس کر دیا۔
ایس ایچ او ائیرپورٹ کلیم موسیٰ کے مطابق برطانوی افسر ڈنکن وروی 5 اکتوبر کو قطر ائیر ویز کی پرواز QR610 سے اپنی پاکستانی اہلیہ کے ہمراہ کراچی پہنچے تھے۔ امیگریشن اور کسٹم کلیئرنس کے بعد وہ پارکنگ ایریا سے روانہ ہوئے مگر غلطی سے اپنی جیکٹ سامان کی ٹرالی پر چھوڑ گئے۔
پولیس کے مطابق جیکٹ میں چابیاں، برطانوی پاؤنڈز، یوکے پولیس سروس کا شناختی کارڈ اور دیگر اہم دستاویزات موجود تھیں۔ شکایت موصول ہوتے ہی پولیس نے فوری کارروائی کرتے ہوئے جیکٹ اور تمام اشیاء برآمد کر لیں، بعدازاں انہیں بحفاظت ڈنکن وروی کے حوالے کر دیا گیا۔ برطانوی افسر نے پولیس کی تیز اور مؤثر کارروائی پر شکریہ ادا کرتے ہوئے ان کی خدمات کو سراہا۔
.ذریعہ: Jasarat News
پڑھیں:
فائیواسٹار ہوٹل کی 28 سال قبل چوری کار کا 10 ہزار کا ای چالان موصول
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک )ٹریفک پولیس کراچی کا نیا جدید وخودکار فیس لیس ای چالان نظام ، نااہل عملہ‘ گاڑیوں کی نمبرز پلیٹس اورریکارڈ میں گھن چکرہوگیا،جدید نظام کے تحت 2001 میں کوئٹہ میں رجسٹرڈ ہونے والی گاڑی کا ای چالان کراچی کے نجی ہوٹل کو بھیج دیا گیا، ای چالان موصول ہونے پر ہوٹل انتظامیہ سر پکڑکربیٹھ گئی، نشاندہی ہونے پر ٹریفک پولیس نے نجی ہوٹل کی انتظامیہ کو جاری کیا جانے والا ای چالان ختم کردیا۔رپورٹ کے مطابق ٹریفک پولیس کراچی کا نیا جدید وخودکار فیس لیس ای چالان نظام ، گاڑیوں کی نمبرز پلیٹس اورریکارڈ میں گھن چکرہوگیا، جدید نظام کے تحت 2001 میں کوئٹہ میں رجسٹرڈ ہونے والی گاڑی کا ای چالان کراچی کے نجی ہوٹل کو بھیج دیا گیا۔ای چالان موصول ہونے پر ہوٹل انتظامیہ سر پکڑ کر بیٹھ گئی ،ہوبہونمبر پلیٹ کی حامل نجی ہوٹل کی گاڑی 28 سال قبل چوری ہوئی تھی، نجی ہوٹل کی گاڑی رجسٹریشن نمبراے اے آر 540 مئی 1997 ء کو فیاض سینٹر کی پارکنگ سے چوری کی گئی تھی اور گاڑی کی چوری کا مقدمہ الزام نمبر 1997/122 صدر تھانے میں 22 مئی 1997 کو درج کیا گیا تھا۔ای چالان کی جانے والی گاڑی کوئٹہ کے شہری رحمت اللہ جو کہ رحمت کالونی کا رہائشی ہے اس کے نام پررجسٹرڈ ہے،۔کوئٹہ رجسٹرڈ گاڑی کا چالان 27 اکتوبر کو حب ٹول پلازہ پر ڈرائیور کے سیٹ بیلٹ نہ پہننے پر کیا گیا چالان موصول ہونے کے بعد ہوٹل انتظامیہ نے ٹریفک انتظامیہ کو گاڑی کی چوری کے حوالے سے آگاہ کردیا۔نجی ہوٹل انتظامیہ نے چالان موصول ہونے کے بعد ٹریفک پولیس کے سہولت گھر سے رابطہ کیا اور28 سال قبل گاڑی چوری ہونے کا بتایاٹریفک پولیس کی جانب سے نجی ہوٹل کو دیے جانے والے ای چالان کو کلوز کردیا گیا تھا۔ترجمان ٹریفک پولیس نے بتایاکہ کراچی ٹریفک پولیس کے نظام میں بتدریج بہتری کا عمل جاری ہے اور اب اے وی ایل سی اور دیگر کرائم ڈیٹا بیسز کے ساتھ مکمل انٹیگریشن ہو چکی ہے۔ اسی وجہ سے پرانے کیسز اب سامنے آسکتے ہیں، تاہم مستقبل میں ایسی غلط فہمیاں نہ ہونے کے برابر ہوں گی۔ٹریفک پولیس نے اس مخصوص چالان کے حوالے سے متعلقہ مالک کو باقاعدہ ریلیف فراہم کیا ہے اور تمام قانونی تقاضے مکمل کیے گئے ہیں کراچی ٹریفک پولیس شہریوں کی سہولت، سیکورٹی اور قانون کی عملداری کو یقینی بنانے کے لیے گاڑیوں کی پوائنٹیشن (flagging) کا عمل جاری رکھے ہوئے ہے۔چالان جاری کرنے کی ایک اہم وجہ یہ بھی ہے کہ بعض گاڑیاں جعلی یا دو نمبر نمبر پلیٹس کے ساتھ بھی چلائی جا سکتی ہیں۔ایسے معاملات میں چالان اور ڈیجیٹل اسکریننگ کا عمل چوری شدہ گاڑیوں کی بروقت نشاندہی میں مددگار ثابت ہوتا ہے اور شہریوں میں قانون کی پاسداری کا شعور پیدا کرتا ہے۔کراچی ٹریفک پولیس اس بات کو یقینی بنا رہی ہے کہ جدید ڈیٹا انٹیگریشن، ڈیجیٹل اسکیننگ اورڈیٹا شیئرنگ کے ذریعے چوری شدہ گاڑیوں، جعلی نمبر پلیٹس اوردیگرغیر قانونی سرگرمیوں کی مؤثر نشاندہی کی جا سکے۔
کراچی، شرجیل میمن کا خواتین کیلئے پنک بس سروس کا نیا روٹ فعال کرنے کا اعلان