کنگ عبداللہ یونیورسٹی میں ’ٹائمز ہائر ایجوکیشن ورلڈ اکیڈمک سمٹ 2025‘ کا انعقاد
اشاعت کی تاریخ: 8th, October 2025 GMT
کنگ عبداللہ یونیورسٹی آف سائنس اینڈ ٹیکنالوجی (KAUST) نے پہلی بار مشرقِ وسطیٰ میں منعقد ہونے والی ٹائمز ہائر ایجوکیشن ورلڈ اکیڈمک سمٹ 2025 کی میزبانی کی۔
یہ بھی پڑھیں:’سعودی عرب اب میرا گھر ہے‘، رونالڈو
یہ 3 روزہ اجلاس منگل سے شروع ہوا، جس میں 28 ممالک کے 75 اداروں سے تعلق رکھنے والے 750 شرکاء اور 105 کلیدی مقررین شریک ہیں۔
سمٹ کا مرکزی موضوع ’یونیورسٹیاں تبدیلی کی محرک قوت کے طور پر‘ رکھا گیا، جس میں دنیا بھر کے جامعات کے سربراہان، پالیسی ساز، صنعت کار اور ماہرینِ تعلیم شریک ہوئے۔
اجلاس میں یونیورسٹیوں کے کردار پر بات کی گئی کہ وہ اختراعات، معاشی ترقی، پائیداری، ثقافتی تحفظ اور عالمی تعاون میں کس طرح مؤثر کردار ادا کر سکتی ہیں۔
پائیدار شہروں اور نئی نسل کی تیاری پر مباحثےسمٹ کے دوران مختلف موضوعات زیرِ بحث آئے جن میں پائیدار اور مضبوط شہروں کی تعمیر میں جامعات کا کردار، عالمی چیلنجز سے نمٹنے کے لیے اعلیٰ تعلیم کا ارتقا، اور تیزی سے بدلتی ہوئی دنیا کے لیے نئی نسل کی تیاری شامل تھے۔
مقررین نے ریسرچ پر مبنی عملی تجاویز پیش کیں، جن میں صحت، مصنوعی ذہانت (AI)، ماحولیات اور پائیدار ترقی سے متعلق جدید حل شامل تھے۔
’سعودی عرب سائنس و اختراع میں قائد بن رہا ہے‘، سر ایڈورڈ بائرنیونیورسٹی کے صدر سر ایڈورڈ بائرن نے افتتاحی خطاب میں کہا کہ اس تاریخی سمٹ کی میزبانی سعودی عرب کی بڑھتی ہوئی سائنسی و تحقیقی قیادت کی عکاسی کرتی ہے۔
یہ بھی پڑھیں:سعودی پاک انویسٹمنٹ کمپنی پاکستان میں سرمایہ کاری کیسے کر رہی ہے؟
انہوں نے کہا کہ یہ اجلاس اعلیٰ تعلیم کے مستقبل کو تشکیل دینے اور عالمی شراکت داری کو مضبوط بنانے کا موقع ہے۔ KAUST اس لحاظ سے ایک ماڈل یونیورسٹی ہے جو حقیقی اثر پیدا کرنے کے لیے کام کر رہی ہے۔
ٹائمز ہائر ایجوکیشن کے نمائندے کی تعریفٹائمز ہائر ایجوکیشن کے چیف گلوبل افیئرز آفیسر فل بیٹی نے کہا کہ یہ سمٹ اعلیٰ تعلیم کے شعبے کی سب سے بااثر شخصیات کو ایک پلیٹ فارم پر لایا ہے تاکہ آج کے چیلنجز اور مواقع پر تبادلۂ خیال کیا جا سکے۔
ان کے مطابق KAUST کی میزبانی سعودی وژن 2030 کے تحت مملکت کی تحقیق، ترقی اور اختراع سے متعلق ترجیحات کی عکاسی کرتی ہے۔
انہوں نے مزید کہا کہ یہ ترجیحات صحت، ماحولیات، توانائی، صنعت اور مستقبل کی معیشتوں جیسے کلیدی شعبوں کا احاطہ کرتی ہیں۔
عالمی سطح پر KAUST کا ابھرتا ہوا کرداراس سمٹ نے KAUST کو عالمی سطح پر ایک سائنس و ٹیکنالوجی کے مرکز کے طور پر نمایاں کر دیا ہے، جہاں تحقیق اور تعلیم کے ذریعے دنیا کے بڑے مسائل کے حل کے لیے عملی اقدامات کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
KAUST ٹائمز ہائر ایجوکیشن ٹائمز ہائر ایجوکیشن ورلڈ اکیڈمک سمٹ 2025 سر ایڈورڈ بائرن کنگ عبدالعزیز یونیورسٹی.
ذریعہ
ذریعہ: WE News
کلیدی لفظ: ٹائمز ہائر ایجوکیشن سر ایڈورڈ بائرن کنگ عبدالعزیز یونیورسٹی کے لیے کہا کہ
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع