آنے والی نسل کو پرامن اور ترقی یافتہ پاکستان دینا ہمارا فرض ہے، وزیر قانون اعظم نذیر تارڑ
اشاعت کی تاریخ: 20th, November 2025 GMT
عالمی یوم اطفال 2025 کی تقریب سے خطاب کرتے ہوئے وفاقی وزیر قانون اور انسانی حقوق سینیٹر اعظم نذیر تارڑ نے کہا کہ نوجوانوں نے پاکستان کو آگے لے کر جانا ہے اور ہم سب کا فریضہ ہے کہ آنے والی نسل کو ایک پرامن اور ترقی یافتہ ملک دیں۔
مزید پڑھیں: دہشتگرد حملوں سے قوم کا حوصلہ پست نہیں ہوگا، اعظم نذیر تارڑ کی اسلام آباد دھماکے کے زخمیوں کی عیادت
وزیر نے کہا کہ ملک کئی مشکل حالات سے گزرا ہے اور ہمیں اپنے بچوں کے بہتر مستقبل کے لیے سوچنا ہوگا۔ انہوں نے زور دیا کہ دہشتگردی کے ناسور کے خلاف سب کو مل کر لڑنا ہوگا تاکہ پاکستان سے اس عفریت کا خاتمہ ہو۔
اعظم نذیر تارڑ نے کہا کہ بچوں کی تعلیم، صحت اور تحفظ ریاست کی اولین ترجیح ہے، اور وفاقی و صوبائی حکومتیں اس سلسلے میں پرعزم ہیں۔
مزید پڑھیں: وزیر قانون اعظم نذیر تارڑ کا انسانی حقوق سے متعلق نیشنل پروگرام شروع کرنے کا اعلان
انہوں نے معاشرے کے تمام طبقات کو بھی چائلڈ لیبر کے خاتمے اور بچوں کی فلاح و بہبود میں حصہ ڈالنے کی ضرورت پر زور دیا۔
وزیر نے مزید کہا کہ پاکستان دنیا کے ان چند ممالک میں سے ہے جہاں نو عمر بچوں کی تعداد زیادہ ہے، اور انہیں محفوظ، تعلیم یافتہ اور بہتر ماحول فراہم کرنا ہم سب کی ذمہ داری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعظم نذیر تارڑ عالمی یوم اطفال 2025 وفاقی وزیر قانون اور انسانی حقوق.ذریعہ: WE News
کلیدی لفظ: اعظم نذیر تارڑ عالمی یوم اطفال 2025 وفاقی وزیر قانون اور انسانی حقوق اعظم نذیر تارڑ کہا کہ
پڑھیں:
عالمی یومِ اطفال 2025: صدرِ مملکت اور وزیراعظم کا بچوں کے حقوق کے تحفظ اور معیاری تعلیم کی فراہمی پر زور
عالمی یومِ اطفال کے موقع پر وزیراعظم محمد شہباز شریف اور صدرِ مملکت آصف علی زرداری نے اپنے علیحدہ پیغامات میں بچوں کے حقوق، تحفظ اور معیاری تعلیم کی قومی و عالمی اہمیت اجاگر کی ہے۔
وزیراعظم شہباز شریف نے اپنے پیغام میں کہا کہ پاکستان دنیا کے ساتھ مل کر بچوں کی فلاح و بہبود، حقوق اور تعلیم کے فروغ کے عزم کا اعادہ کر رہا ہے۔ اس سال یومِ اطفال ’میرا دن، میرے حقوق‘ کے عنوان سے منایا جا رہا ہے، جس کا مقصد بچوں کے انفرادی و اجتماعی مسائل اور ان کے حقوق کی مؤثر تکمیل پر توجہ دینا ہے۔
انہوں نے کہا کہ قوموں کے مستقبل کا انحصار بچوں کی بہتر نشوونما اور تعلیم پر ہے اور اس مقصد کے لیے عالمی سطح پر مشترکہ تعاون ناگزیر ہے۔
وزیراعظم نے بتایاکہ حکومت پاکستان بچوں کی ذہنی و جسمانی نشوونما، تحفظ اور معیاری تعلیم کے لیے جامع حکمت عملی کے تحت اقدامات کر رہی ہے۔
No child should work at the expense of their dreams. ✨
???????? ???????? ???????? ???????? ???????????????? ???????? ????????????????????????
Let’s #EndChildLabour! #WorldChildrensDay
ℹ️ https://t.co/Kn4G4yHrEY pic.twitter.com/pAF4liAN9X
— International Labour Organization (@ilo) November 20, 2025
دانش سکول پراجیکٹ کی رفتار، بینظیر انکم سپورٹ پروگرام کے تحت بچوں کی نشوونما میں معاونت اور تعلیمی وظائف کو قابلِ تعریف قرار دیتے ہوئے ان کا کہنا تھا کہ مزید ہم آہنگی اور مربوط کوششوں کی ضرورت ہے۔
انہوں نے کہا کہ تعلیم کی فراہمی حکومت کی بنیادی ذمہ داری ہے اور اسی لیے ملک میں تعلیمی ایمرجنسی نافذ کی گئی ہے تاکہ ہر بچے کا سکول تک رسائی یقینی بنائی جا سکے۔
صدرِ مملکت آصف علی زرداری نے اپنے خصوصی پیغام میں کہا کہ بچوں کے حقوق کا تحفظ قانونی ہی نہیں بلکہ اخلاقی فریضہ بھی ہے۔ صدرِ مملکت نے والدین، سول سوسائٹی اور میڈیا سے اپیل کی کہ وہ مل کر بچوں کا مستقبل محفوظ اور روشن بنانے میں کردار ادا کریں۔
انہوں نے عالمی یومِ اطفال کو دنیا بھر میں بچوں کی فلاح و بہبود کا دن قرار دیتے ہوئے کہا کہ پاکستان اقوامِ متحدہ کے کنونشن برائے حقوقِ طفل کا پابند ہے، جب کہ آئینِ پاکستان بھی بچوں کے بنیادی حقوق کی ضمانت دیتا ہے۔
This #WorldChildrensDay, we’re calling for a renewed commitment to build the future children deserve, and that is enshrined in their rights.
Let’s listen to children’s voices, and ensure their rights are not only heard, but upheld. pic.twitter.com/mVUqadl171
— Catherine Russell (@unicefchief) November 20, 2025
صدر زرداری نے کہا کہ “My Day, My Rights” کا عالمی موضوع بچوں کی آواز کو نمایاں کرتا ہے۔ انہوں نے مزید کہا کہ بچوں کے استحصال کی روک تھام ریاست اور معاشرے کی مشترکہ ذمہ داری ہے، اور حکومت نے اس مقصد کے لیے مضبوط قوانین، چائلڈ پروٹیکشن یونٹس اور سروس ڈلیوری مراکز قائم کیے ہیں۔
ان کا کہنا تھا کہ پاکستان بچوں کی فلاح کے لیے بین الاقوامی معاہدوں کا پابند ہے اور ان کی زندگی کو متاثر کرنے والے فیصلوں میں بچوں کی شمولیت بھی ضروری ہے۔
دونوں رہنماؤں نے اس عزم کا اظہار کیا کہ بچوں کے حقوق کا تحفظ اور ان کے لیے بہتر مستقبل کی فراہمی قومی ترجیح ہے اور اس کے لیے اجتماعی کوششیں ناگزیر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
world children's day 2025 آصف زرداری بچوں کا عالمی دن شہباز شریف
افغان پھلوں کی ایران کے راستے درآمد کرنے کی کوشش ناکام