شہداء نے اپنے لہو کا نذرانہ دیکر دین حق کی پاسداری کی، علامہ مقصود ڈومکی
اشاعت کی تاریخ: 8th, October 2025 GMT
جیکب آباد میں مختلف شخصیات سے گفتگو کرتے ہوئے علامہ مقصود ڈومکی نے کہا کہ سات اکتوبر وہ دن ہے جب عرب و مسلم حکمرانوں کی قبلۂ اوّل سے خیانت کے مقابلے میں، خدا کے عاشقوں نے اسرائیلی ظلم و استکبار کیخلاف ایک عظیم تحریک کا آغاز کیا۔ اسلام ٹائمز۔ مجلس وحدت مسلمین پاکستان کے مرکزی سیکرٹری نشر و اشاعت اور ایم ڈبلیو ایم صوبہ سندھ کے آرگنائزر علامہ مقصود علی ڈومکی نے کہا ہے کہ شہدائے راہ حق نے اپنے لہو کا نذرانہ دے کر دین حق کی پاسداری کی۔ ان شہداء کا پاکیزہ خون یزیدیت کی ذلت و رسوائی کا باعث بنا۔ شہداء ہمارے محسن ہیں، ہم ان کے مشن اور مقصد کو پایۂ تکمیل تک پہنچائیں گے۔ یہ بات انہوں نے ملاقات کے لئے آنے والے وحدت یوتھ ونگ لاڑکانہ ڈویژن کے صدر اللہ بخش میرالی کی قیادت میں وحدت یوتھ ونگ اور آئی ایس او ضلع جیکب آباد کے ایک وفد سے گفتگو کرتے ہوئے کہی۔ ملاقات میں شہدائے سانحہ شبِ عاشور جیکب آباد کی دسویں برسی کے موقع پر منعقد ہونے والی لبیک یا رسول اللہ ﷺ ریلی اور عظمتِ شہداء کانفرنس کے انتظامات و دعوتی امور پر تفصیلی مشاورت کی گئی۔
اس موقع پر گفتگو کرتے ہوئے علامہ مقصود علی ڈومکی نے کہا کہ سات اکتوبر وہ دن ہے جب عرب و مسلم حکمرانوں کی قبلۂ اوّل سے خیانت کے مقابلے میں، خدا کے عاشقوں نے اسرائیلی ظلم و استکبار کے خلاف ایک عظیم تحریک کا آغاز کیا۔ وہ تحریک جو آج عالمی انقلابی تحریک کی صورت اختیار کر چکی ہے۔ ان عظیم انسانوں نے کربلا سے درس ایثار لیتے ہوئے اپنا گھر، اولاد، جان اور مال سب راہ خدا میں لٹا کر ایک نئی تاریخ رقم کی۔ غزہ عصر حاضر کی کربلا ہے۔ انہوں نے کہا کہ ہم اس سال عظمت شہداء کانفرنس کے موقع پر فلسطین، لبنان، یمن، ایران اور امت مسلمہ کے ان عظیم شہداء کو بھی خراج عقیدت پیش کریں گے جنہوں نے بیت المقدس کی آزادی کے لئے غاصب اسرائیل سے لڑتے ہوئے اپنے خون کا نذرانہ پیش کیا۔
علامہ مقصود علی ڈومکی نے حاجی شاہ مراد خان ڈومکی، مظفر علی ٹالانی، استاد عبدالفتاح، احمد علی ٹالانی، استاد رفیق احمد و دیگر سے گفتگو کرتے ہوئے کہا کہ برسی شہداء کے موقع پر لبیک یا رسول اللہ ﷺ ریلی اور عظمت شہداء کانفرنس میں شیعہ سنی مسلمانوں کی کثیر تعداد شرکت کرے گی۔ یہ اجتماع اتحاد بین المسلمین اور تحریک آزادی فلسطین کی حمایت کا عملی مظہر ہوگی۔ علاوہ ازیں مجلس وحدت مسلمین ضلع جیکب آباد کے صدر نذیر حسین جعفری، نائب صدر استاد خادم حسین برڑو، سٹی صدر عمران علی برڑو، غلام شبیر، اھل سنت عالم دین مولانا غلام عباس کرمی، پیر طریقت، انجینیر عید محمد ڈومکی، میر گل حسن ٹالانی، آل ڈومکی اتحاد کے رہنماء رحمدل ٹالانی، نثار گورگیج، زوار غلام مصطفیٰ ڈومکی و دیگر نے علامہ مقصود علی ڈومکی سے ان کے چچا مرحوم ڈاکٹر در محمد ڈومکی کی وفات پر تعزیت کی، اور مرحوم کی مغفرت اور بلندی درجات کی دعا کی۔
ذریعہ
ذریعہ: Islam Times
کلیدی لفظ: علامہ مقصود علی ڈومکی گفتگو کرتے ہوئے جیکب آباد ڈومکی نے شہداء کا نے کہا کہا کہ
پڑھیں:
ستاروں کی روشنی میں آپ کا آج (جمعے) کا دن کیسا رہے گا ؟
ستاروں کی روشنی میں آپ کا آج (جمعے) کا دن کیسا رہے گا ؟
برج حمل ، سیارہ مریخ، 21 مارچ سے 20 اپریل
آپ کو آج اپنے معاملے میں بہتری لانے کےلئے کچھ فیصلے تو کرنے ہوںگے اور کوشش کرنی ہے کہ اب جو بھی فیصلہ ہو اس پر قائم رہیں کسی طرح بھی اب واپسی نہ کریں تو بہتر ہے۔
برج ثور، سیارہ زہرہ، 21 اپریل سے 20 مئی
آپ ایک بڑی اچھی تبدیلی کی زد میں ہیں اور لوگ اسی کوشش میں رہتے ہیں مگر آپکے نصیب میںجو ایسا ہو رہا ہے اب پوری ایمانداری سے اسے حاصل کر لیں تو بہتر ہے۔
برج جوزہ، سیارہ عطارد، 21 مئی سے 20 جون
صورتحال آج آپ کے حق میں جا رہی ہے اس لئے بسم اللہ کر کے قدم اٹھائیں قسمت بھرپور ساتھ دے گی جو لوگ عرصہ دراز سے تبدیلی کے خواہشمند تھے وہ تیاری شروع کر لیں۔
برج سرطان، سیارہ چاند، 21 جون سے 20 جولائی
آج کا دن آپ کی مالی مدد کرے گا انشاءاللہ اور کافی دِنوں سے جو تکلیف تنگ کر رہی تھی اس سے نجات حاصل ہو گی، مگر کچھ اپنے اب ساتھ بھی چھوڑتے دکھائی دیتے ہیں۔
برج اسد، سیارہ شمس، 21 جولائی سے 21 اگست
اپنے مزاج کو بدلیں اور سنجیدہ ہو جائیں اس موبائل نے آپ کو کچھ نہیں دیا ماسوائے وقت برباد کرنے کے۔آج جو سامنے آ رہا ہے اس پر اچھی طرح غور و فکر کی ضرورت ہے۔
برج سنبلہ ، سیارہ عطارد، 22 اگست سے 22 ستمبر
ایک بار پھر ماضی کی ایک غلطی سامنے آنے کا اندیشہ ہے اور جن لوگوں سے پہلے بھی دھوکا کھایا تھا وہ دوبارہ کر سکتے ہیں اس لئے آج وہ قریب بھی آئیں تو ان کو دور ہی رکھیں۔
برج میزان ، سیارہ زہرہ، 23 ستمبر سے 22 اکتوبر
آپ کو جن مسائل کا سامنا ہے اُن کے ٹھیک ہونے میں ابھی وقت درکار ہے مگر تھوڑی سی بہتری آج صبح ہی مل جائےگی اور آپ کو اپنے کاموں میں قدرے آسانیاں محسوس ہونگی۔
برج عقرب ، سیارہ مریخ، 23 اکتوبر سے 22 نومبر
ایک ٹینشن ختم ہوتی نہیں ہے کہ دوسری سر پر سوار ہو جاتی ہے،بری طرح جکڑن کا شکار لگتے ہیں آپ کو چاہئے کہ اپنا صدقہ دیں اور سات یوم لگاتار اپنی نظر بھی اتاریں۔
برج قوس ، سیارہ مشتری، 23 نومبر سے 20 دسمبر
آپ کو بار بار وارننگ دی جا رہی ہے کہ اپنے دلی معاملات پر قابو رکھیں اور توبہ کر کے واپسی کا راستہ اختیار کریں۔ آپ کے لئے صورتحال بڑی خراب ہو سکتی ہے یہ وارننگ ہے۔
برج جدی ، سیارہ زحل، 21 دسمبر سے 19 جنوری
دوسروں کی زندگی میں مداخلت نہ کریں اور نا ہی خود کسی کی زندگی میں مداخلت کریں اس طرح آپ نقصان سے بچ جائینگے آج کل ویسے ہی مخالفین بہت خلاف ہو رہے ہیں۔
برج دلو ، سیارہ زحل، 20 جنوری سے 18 فروری
مالی حالات کچھ تو بہتری کی طرف جا رہے ہیں مگر آپ کو ابھی بھی اچھے برے کی تمیز نہیں ہے غلط فیصلے کر رہے ہیں جو خود پر ظلم ہے آج کا دن صرف اپنی عقل استعمال کرنےکا ہے۔
سیارہ مشتری، 19 فروری سے 20 مارچ
اچھا دن ہے آپکو اپنے مسئلے کا حل مل سکتا ہے اور وہ کام بھی ممکن ہو گا جس سے آپ کی ایک بڑی ضرورت پوری ہو سکے گی۔ آج آپ کی صحت میں بھی بہتری آ رہی ہے بندش ٹوٹ سکتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع