موٹر سائیکل حادثے میں زخمی معروف بھارتی گلوکار چل بسے
اشاعت کی تاریخ: 8th, October 2025 GMT
بھارت میں پنجابی گلوکار اور اداکار راج ویر جوانڈا بدھ کے روز 35 برس کی عمر میں انتقال کر گئے۔
وہ گیارہ روز قبل بھارتی ریاست ہماچل پردیش میں ایک حادثے میں شدید زخمی ہوئے تھے۔ اطلاعات کے مطابق، وہ سولن ضلع میں موٹر سائیکل پر سفر کے دوران مویشیوں سے ٹکرا گئے تھے۔
راج ویر جوانڈا کے انتقال پر مداحوں، سیاست دانوں اور فنکاروں نے گہرے دکھ کا اظہار کیا ہے۔
This has made my heart go Empty Waking up to this terrible news is unbearable.
My brother Rajvir, your last days were so difficult you showed such strength.
You will forever remain in our hearts, memories, and souls. ???????? #RajvirJawanda pic.twitter.com/T9CNgNdrHY
— Gippy Grewal (@GippyGrewal) October 8, 2025
اُن کے گیت، جو محبت، ثقافتی فخر اور دیہی زندگی کے رنگ اجاگر کرتے تھے، نوجوانوں میں بے حد مقبول تھے۔
ان کے یوٹیوب چینل کے 9 لاکھ سے زائد سبسکرائبرز ہیں اور ان کے گانوں کو کروڑوں بار دیکھا گیا۔
یہ بھی پڑھیں:5 سال کی عمر میں کیریئر شروع کرنے والی بھارتی گلوکارہ کا اقدام خودکشی، حالت تشویشناک
راج ویر جوانڈا کی شناخت صاف ستھری امیج، دل کو چھو لینے والی آواز اور اُن گانوں سے تھی جن میں منشیات یا تشدد کا ذکر نہیں ہوتا تھا۔
وہ ایک شوقین بائیکر بھی تھے اور اکثر شمالی بھارت کے پہاڑی علاقوں میں سفر کی ویڈیوز شیئر کرتے تھے۔
مزید پڑھیں:ریڈیو لاہور: جب بھارتی گلوکار ہنس راج سجدے میں گر پڑے
پنجاب کے وزیراعلیٰ اَمرِندر سنگھ اور عام آدمی پارٹی کے رہنما منیش سسودیا نے اُن کی وفات پر افسوس کا اظہار کرتے ہوئے کہا کہ اُن کی مدھُر آواز ہمیشہ پنجاب کے دلوں میں گونجتی رہے گی۔
راج ویر جوانڈا نے گلوکاری کے ساتھ 9 سال پنجاب پولیس میں خدمات انجام دیں اور بعد میں اپنے آپ کو موسیقی کے لیے وقف کردیا تھا۔
وہ 2020 کے کسان احتجاج میں بھی سرگرم رہے، جہاں انہوں نے اپنے گیتوں سے مظاہرین کا حوصلہ بڑھایا۔ اُن کی موت نے پنجابی موسیقی کی دنیا میں ایک نمایاں خلا پیدا کر دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی گلوکار پنجابی موسیقی پولیس آفیسر راج ویر جوانڈا کسان احتجاج
ذریعہ
ذریعہ: WE News
کلیدی لفظ: بھارتی گلوکار پولیس ا فیسر راج ویر جوانڈا راج ویر جوانڈا بھارتی گلوکار
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا