اسلام آباد راستے بند، ٹریفک پولیس نےشہریوں کیلئے متبادل ٹریفک پلان جاری
اشاعت کی تاریخ: 10th, October 2025 GMT
اسلام آباد کے داخلی راستے مختلف مقامات سے بند ہونے کی وجہ سے ٹریفک پولیس نے متبادل روٹس جاری کر دیئے ۔ٹریفک پولیس کے مطابق فیض آباد سے مختلف مقامات پر ٹریفک ڈائیورشن ہو گی، شہری متبادل راستے استعمال کریں، ترجمان ٹریفک پولیس نے کہا کہ اسلام آباد میں ہر قسم کی ہیوی ٹریفک کا داخلہ اگلے حکم تک بند ہوگا۔ راول ڈیم چوک سے بجانب فیض آباد دونوں اطراف سے ٹریفک کیلئے ڈائیورشن ہو گی، بہارہ کہو، مری اور اسلام آباد سے راولپنڈی جانے والے راول ڈیم چوک سے پارک روڈکااستعمال کریں، ٹریفک پولیس کا کہنا ہے کہ اسلام آباد ( islamabad ) سے راولپنڈی جانے والے لہتراڑ روڈ،کھنہ اور ایکسپریس ہائی وے استعمال کریں۔ٹریفک پولیس کا کہنا ہے کہ شہری ائیر پورٹ جانے والے براستہ کشمیر چوک سری نگر ہائی وے استعمال کریں،گارڈن فلائی اوور سے بجانب فیض آباد دونوں اطراف سے ٹریفک کیلئے ڈائیورشن ہو گی، آئی ایٹ کے رہائشی زیرو پوائنٹ، سری نگر ہائی وے اور راول چوک سے پارک روڈ استعمال کریں۔
.ذریعہ: Nawaiwaqt
پڑھیں:
اسلام آباد: مطلوب ڈکیت گینگ کی پولیس پر فائرنگ، 1 ڈکیت ہلاک، 2 زخمی
— فائل فوٹواسلام آباد کے تھانہ سنبل کی حدود میں مبینہ طور پر بین الصوبائی ڈکیت گینگ نے پولیس پر فائرنگ کردی۔ فائرنگ کے واقعے میں ایک مبینہ ڈکیت ہلاک جبکہ 2 زخمی ہوگئے۔
اسلام آباد پولیس کے ترجمان کا کہنا ہے کہ ملزمان 70 سے زائد سنگین وارداتوں میں پنجاب اور اسلام آباد پولیس کو مطلوب تھے۔
ترجمان کا کہنا ہے کہ تھانہ سنبل پولیس گرفتار ملزمان کی نشاندہی پر ساتھیوں اور مال مسروقہ کی برآمدگی کے لیے جا رہی تھی۔
پولیس نے دعویٰ کیا کہ ملزمان کے ساتھیوں نے راستے میں پولیس ٹیم پر فائرنگ شروع کردی، تاہم پولیس افسران بلٹ پروف جیکٹ اور حفاظتی اقدامات کی بدولت محفوظ رہے۔
ترجمان کا کہنا ہے کہ ساتھی ملزمان کی فائرنگ سے گرفتار ملزمان میں رحمٰن، عظمت اور عادل زخمی ہوئے۔ زخمی ملزمان کو طبی امداد کے لیے اسپتال منتقل کیا گیا تاہم ایک زخمی ملزم رحمٰن دم توڑ گیا۔
پولیس ترجمان کا کہنا ہے کہ ملزمان سے بھیکی شیخو پورہ سنبل اور گولڑہ تھانوں سے چھینی گئی 3 موٹر سائیکل برآمد ہوئیں، ملزمان سے اسلحہ برآمد کرکے ان کے ساتھیوں کی تلاش کے لیے سرچ آپریشن جاری ہے۔
ڈرون کے ذریعے اسلحے کی مجاہدین کو سپلائی، صہیونی فوج کے لئے لاعلاج درد سر