پاکستانکچھ جماعتیں پاکستان دشمن قوتوں کی آلہ کار ، عمران خان دہشتگروں کے سہولتکار ہیں،رانا تنویرحسین
اشاعت کی تاریخ: 12th, October 2025 GMT
وفاقی وزیر رانا تنویر حسین نے کہا ہے کہ کچھ جماعتیں پاکستان دشمن قوتوں کی آلہ کار ہیں، بانی پی ٹی آئی عمران خان دہشتگروں کے سہولت کار ہیں۔
شیخوپورہ میں میڈیا سے گفتگو میں رانا تنویر حسین کا کہنا تھاکہ افغانستان کو بار بار سمجھایا دہشت گردوں اور فتنہ الخوارج کو روکیں مگرنہیں روکا گیا، کالعدم ٹی ٹی پی کے ٹھکانے ختم کرنے کا کہا مگرافغان حکومت عمل نہ کرسکی، بھارت نے جھوٹے الزام کے تحت حملہ کیا، ہم ثبوتوں کےساتھ کارروائی کررہےہیں۔
انہوں نے کہا کہ کچھ جماعتیں پاکستان دشمن قوتوں کی آلہ کار ہیں، بانی پی ٹی آئی عمران خان دہشتگروں کے سہولت کار ہیں، دہشتگردی کو دوبارہ زندہ کیاگیا۔
ان کا مزید کہنا تھاکہ کے پی کے میں نامزد وزیراعلیٰ کامیاب نہیں ہونا چاہیے، پی ٹی آئی اراکین اگر آزاد ہیں تو ایسے عناصر سے گریز کریں۔
انہوں نے کہا کہ قوم عنقریب معاشی شعبے میں خوشخبری سنے گی، پنجاب حکومت نے سعودی سرمایہ کاروں کو سہولت دینے کا بہترین اقدام کیا ہے۔
ذریعہ: Daily Mumtaz
کلیدی لفظ: کار ہیں
پڑھیں:
بھارت اپنے سہولت کاروں کے ذریعے پاکستان میں انتشار چاہتا ہے، احسن اقبال
وفاقی وزیر منصوبہ بندی احسن اقبال نے خبردار کیا ہے کہ بھارت اپنے خفیہ سہولت کاروں کے ذریعے پاکستان کے اندر انتشار پیدا کرنے کی سازشوں میں مصروف ہے۔ اسلام آباد سے جاری ایک بیان میں انہوں نے کہا کہ بھارت، جو معرکۂ حق میں شکست کھا چکا ہے، اب پاکستان میں داخلی عدم استحکام پیدا کرنے کی کوشش کر رہا ہے۔
احسن اقبال کے مطابق، بھارت کی ان کوششوں میں بعض اندرونی عناصر بھی سہولت کار بنے ہوئے ہیں، جن میں “فتنۂ الخوارج” جیسی شدت پسند سوچ کا کردار خاص طور پر خطرناک اور تشویشناک ہے۔
انہوں نے کہا کہ اس وقت جب غزہ میں مکمل جنگ بندی ہو چکی ہے اور فلسطینی عوام نے سکون کا سانس لیا ہے، ایسے وقت میں پاکستان میں انتشار کی کوششیں مزید سوالات کو جنم دیتی ہیں۔ “یہ سوچنے کی بات ہے کہ ایسے موقع پر بدامنی کی فضا پیدا کرنے کا مقصد کیا ہے اور اس کے پیچھے کن کا ہاتھ ہو سکتا ہے؟”
وفاقی وزیر کا کہنا تھا کہ پاکستان کو اس وقت سب سے زیادہ ضرورت امن، سیاسی استحکام اور معاشی بحالی کی ہے۔ لیکن جو عناصر ملک میں افراتفری پھیلانے کی کوشش کر رہے ہیں، دراصل وہ ملک دشمن ایجنڈے کو فروغ دے رہے ہیں۔
احسن اقبال نے زور دے کر کہا کہ پاکستان کے امن سے کھیلنے والے عناصر نہ صرف ریاست کے لیے خطرہ ہیں بلکہ قومی مفاد کے بھی صریحاً خلاف ہیں۔ انہوں نے کہا کہ ایسی سرگرمیوں کو کسی صورت برداشت نہیں کیا جائے گا۔
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی