کیا کوہاٹ کا منفرد ذائقے والا امرود درختوں سے غائب ہوجائے گا؟
اشاعت کی تاریخ: 14th, October 2025 GMT
کوہاٹ کا امرود اپنے منفرد ذائقے اور مٹھاس کی وجہ سے ملک بھر میں پہچانا جاتا ہے تاہم چند برسوں سے اس پھل کی بقا خطرے میں پڑ چکی ہے۔
یہ بھی پڑھیں: امرود کے حیرت انگیز فائدے
گزشتہ چند برسوں سے امرود پر کیڑوں کا حملہ جاری ہے اور باغات موسمیاتی تبدیلی کے زیر اثر آچکے ہیں۔
علاوہ ازیں کچھے عرصے سے ’کنکریٹ کے جنگل‘ بنانے کی غرض سے باغات کی کٹائی بھی جاری ہے جس کے باعث کوہاٹ میں 3000 سے زائد ایکڑ پر لگے باغات محض 1800 ایکڑ تک محدود ہوچکے ہیں۔
مزید پڑھیں: بالوں کو گرنے سے روکنےکے لیے کون سی غذائیں استعمال کی جائیں؟
محکمہ زراعت بھی امرود کو بچانے سے قاصر ہے۔ ایک طرف کیڑوں کا حملہ تو دوسری طرف زیادہ پیسے کے لالچ کے لیے باغات پر تعمیرات نے کوہاٹ کے امرود کو شدید خطرے سے دوچار کردیا ہے اور لگتا ہے کہ یہاں کے مشہور اس پھل کے بارے میں اگلی نسل کو صرف کتابوں سے ہی آگاہی مل سکے گی۔ دیکھیے ان سلگتے مسائل پر باسط شاہ گیلانی کی ایک چشم کشا ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
کوہاٹ ٹول پلازہ کے قریب دہشت گردوں کا کسٹمز حکام پر حملہ، 2 اہلکار شہید، ایک زخمی
کوہاٹ ٹول پلازہ کے قریب دہشت گردوں نے کسٹمز انفورسمنٹ اسکواڈ پر حملہ کر دیا، جس کے نتیجے میں سپاہی جاوید احمد اور اے ایس آئی ساجد الاسلام جامِ شہادت نوش کر گئے، جبکہ پاکستان کسٹمز کا ایک سپاہی زخمی ہوا، جسے علاج کے لیے اسپتال منتقل کر دیا گیا ہے۔ پاکستان کسٹمز کے مطابق قانون نافذ کرنے والے اداروں کی کارروائیاں جاری ہیں۔
پاکستان کسٹمز کے مطابق دہشت گرد حملے کے بعد سرکاری انفورسمنٹ گاڑی کو آگ لگا دی گئی، جبکہ ملزمان کی تلاش کے لیے سرچ آپریشن شروع کر دیا گیا ہے۔
پاکستان کسٹمز نے شہید سپاہی جاوید احمد اور شہید اے ایس آئی ساجد الاسلام کی عظیم قربانی کو خراجِ عقیدت پیش کرتے ہوئے کہا کہ شہداء نے اسمگلنگ کے خلاف جنگ اور وطن کی معاشی سرحدوں کے تحفظ میں اپنی جانوں کا نذرانہ پیش کیا۔
پاکستان کسٹمز نے شہداء کے اہلِ خانہ سے دلی تعزیت، زخمی اہلکار کی جلد صحت یابی کے لیے دعا اور اسمگلنگ، دہشت گردی و جرائم کے خلاف کارروائیاں مزید مؤثر بنانے کے عزم کا اعادہ کرتے ہوئے کہا کہ ہمارے شہداء کی لازوال قربانیاں قوم کا سرمایہ ہیں، ان کا خون ہرگز رائیگاں نہیں جائے گا، جبکہ پاکستان کسٹمز ملک کی معاشی سرحدوں کے تحفظ اور اسمگلنگ کے مکمل خاتمے کے لیے پرعزم ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم