ویمنز ورلڈ کپ میں پاکستان کا بڑا امتحان، انگلینڈ سے ٹکراؤ آج ہوگا
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
آئی سی سی ویمنز ون ڈے ورلڈ کپ میں پاکستانی کرکٹ ٹیم آج ایک اہم معرکے میں انگلینڈ کے خلاف میدان میں اترے گی۔
گرین شرٹس اب تک ایونٹ میں اپنی پہلی کامیابی حاصل کرنے میں ناکام رہی ہیں، تاہم ٹیم کے حوصلے بلند ہیں اور کھلاڑیوں کو امید ہے کہ وہ آج کے میچ میں قسمت کا پانسہ پلٹنے میں کامیاب ہوں گی۔
یہ اہم مقابلہ کولمبو کے پریما داسا انٹرنیشنل کرکٹ اسٹیڈیم میں مقامی وقت کے مطابق دوپہر 3 بجے شروع ہوگا۔
گزشتہ روز پاکستانی ٹیم نے بارش کے باوجود اپنی تیاریوں کو جاری رکھا۔ ٹریننگ سیشن تقریباً دو گھنٹے جاری رہا جس کے دوران کوچنگ اسٹاف نے بیٹنگ اور بولنگ پر خصوصی توجہ دی۔
کھلاڑیوں نے نائٹ سیشن میں نیٹ پریکٹس کے دوران مختلف کمبی نیشنز پر کام کیا تاکہ انگلش ٹیم کے مضبوط بولنگ اٹیک کے مقابلے میں متوازن کارکردگی دکھائی جا سکے، تاہم مسلسل بارش کے باعث فیلڈنگ سیشن منسوخ کرنا پڑا، جس سے ٹیم کی فیلڈنگ پریکٹس پر معمولی اثر پڑا۔
ذرائع کے حوالے سے نجی ٹی وی کی رپورٹ کے مطابق ہیڈ کوچ اور بیٹنگ کنسلٹنٹ نے کھلاڑیوں کو تکنیکی خامیوں پر قابو پانے اور شارٹ گیندوں کے خلاف بہتر ردعمل دینے کے حوالے سے خصوصی ہدایات دیں۔
کپتان ندا ڈار نے ٹیم میٹنگ میں کہا کہ لڑکیاں پُرعزم ہیں اور ان کا ہدف صرف پہلی کامیابی نہیں بلکہ اعتماد کی بحالی بھی ہے۔ انہوں نے کہا کہ انگلینڈ جیسی مضبوط ٹیم کے خلاف جیت حاصل کرنا آسان نہیں ہوگا، لیکن اگر بیٹنگ لائن مستحکم آغاز فراہم کرے تو نتائج پاکستان کے حق میں جا سکتے ہیں۔
انگلینڈ ویمن ٹیم ٹورنامنٹ میں شاندار فارم میں ہے اور اس کے بولرز خاص طور پر پاور پلے میں خطرناک ثابت ہو رہے ہیں، تاہم پاکستانی ٹیم نے عزم ظاہر کیا ہے کہ وہ دفاعی انداز کے بجائے مثبت کرکٹ کھیلنے کی حکمتِ عملی اپنائے گی۔
کوچنگ پینل کا ماننا ہے کہ اسپنرز پاکستان کی کامیابی میں کلیدی کردار ادا کر سکتے ہیں کیونکہ پچ نسبتاً سست ہے اور اسپن کو مدد ملنے کی توقع ہے۔
دوسری جانب ورلڈ کپ کے دیگر مقابلوں میں بارش نے ایک بار پھر شیڈول کو متاثر کیا ہے۔ گزشتہ روز نیوزی لینڈ اور سری لنکا کے درمیان میچ مکمل نہ ہو سکا اور بارش کی نذر ہوگیا، جس سے پوائنٹس ٹیبل پر توازن مزید بگڑ گیا ہے۔
پاکستان کے شائقینِ کرکٹ کی نظریں آج کے میچ پر جمی ہوئی ہیں۔ اگر قومی ٹیم آج کامیابی حاصل کر لیتی ہے تو نہ صرف ایونٹ میں نئی جان پڑ جائے گی بلکہ خواتین کرکٹ میں عوامی دلچسپی بھی ایک بار پھر بڑھ جائے گی۔
.
ذریعہ
ذریعہ: Jasarat News
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا