ولی عہد شہزادہ محمد بن سلمان نے مکہ مکرمہ میں ”کنگ سلمان گیٹ“ منصوبے کا اعلان کردیا
اشاعت کی تاریخ: 15th, October 2025 GMT
مکہ مکرمہ(اردوپوائنٹ اخبارتازہ ترین-انٹرنیشنل پریس ایجنسی۔15 اکتوبر ۔2025 ) سعودی عرب کے ولی عہد، وزیراعظم اور روا الحرم المکی کمپنی کے چیئرمین شہزادہ محمد بن سلمان بن عبدالعزیز نے مکہ مکرمہ میں ایک عظیم الشان منصوبے”کنگ سلمان گیٹ” کے آغاز کا اعلان کیا ہے یہ جدید ترین تعمیراتی اور ترقیاتی منصوبہ مسجد الحرام سے متصل 12 ملین اسکوائر میٹر تعمیراتی رقبے پر محیط ہوگا جو مکہ اور اسکے مرکزی علاقے کی ترقی میں ایک تاریخی سنگِ میل ثابت ہوگا.
(جاری ہے)
ادارے کی جانب سے جاری بیان کے مطابق یہ منصوبہ زائرین بیت اللہ کے لیے سہولتوں میں اضافہ، مسجد الحرام تک بہتر رسائی، اور لوگوں کے تجربے کو مزید آرام دہ اور خوشگوار بنانے کے لیے تیار کیا جا رہا ہے یہ اقدام سعودی عرب کے زائرین ایکسپیرینس پروگرام کے اہداف سے ہم آہنگ ہے مسجد الحرام کے نزدیک واقع کنگ سلمان گیٹ ایک بڑا کثیر المقاصدی منصوبہ ہے جو مہمانوں کو ترجیحی طور پر بہترین سیاحتی ، رہائشی، تجارتی، اور ثقافتی سرگرمیاں پیش کر ئے گا اس میں اندرونی و بیرونی مقامات پر تقریباَ9 لاکھ نمازیوں کے لیے گنجائش ہوگی. کنگ سلمان گیٹ منصوبہ پبلک ٹرانسپورٹیشن نیٹ ورکس سے بلاتعطل رابطے کے ساتھ مکہ مکرمہ کے تاریخی ورثے اور جدید طرزِ زندگی کو ہم آہنگ کرتے ہوئے شہر کی پہچان کو مزید نکھارے گا اس ضمن میں تقریباً 19 ہزار اسکوائر میٹر پر مشتمل تاریخی و ثقافتی مقامات کی تزئین و آرائش بھی اس منصوبے کا حصہ ہے تاکہ مکہ کے ورثے کو محفوظ رکھتے ہوئے بیت اللہ میں زائرین کے روحانی تجربے کو مزید بہتر بنایا جا سکے ایک تخمینے کے مطابق اس منصوبہ سے 2036 تک 3لاکھ سے زائد ملازمتیں پیدا ہوں گی یہ منصوبہ سعودی عرب کے وژن 2030 کے اہداف سے مطابقت رکھنے کے ساتھ سعودی معیشت کو طویل المدتی ترقی اور بڑی تبدیلی کی جانب گامزن کرے گا. کنگ سلمان گیٹ منصوبہ پر کام روا الحرم المکی کمپنی کی جانب سے سرانجام دیا جا رہا ہے جو پبلک انویسٹمنٹ فنڈ (PIF) کی ایک کمپنی ہے کمپنی کا مقصد پی آئی ایف کے ساتھ تعاون کرکے مسجد الحرام کے گرد جدید شہری ترقی کے منصوبوں کو فروغ دینا اور مکہ مکرمہ کو عالمی معیار کی رئیل اسٹیٹ ترقی کے ماڈل کے طور پر پیش کرنا ہے کمپنی پائیدار وسائل کے موثر استعمال کے لیے جدید اور تخلیقی حل اختیار کرنے کے عزم پر قائم ہے تاکہ مقامی باشندوں ، زائرین اور دیگر آنے والے افراد پر مثبت اثرات مرتب ہوں اور مکہ مکرمہ کے ثقافتی اور تاریخی تشخص کو بھی محفوظ رکھا جائے زوا الحرم المکی کمپنی رئیل اسٹیٹ کے شعبے میں ترقی کے لئے عالمی معیار کے مطابق کام کرنے کے لئے پرعزم ہے تاکہ مکہ آنے والے زائرین کو ایک شاندار اور منفرد تجربہ فراہم کیا جا سکے.
ذریعہ: UrduPoint
کلیدی لفظ: تلاش کیجئے کنگ سلمان گیٹ مسجد الحرام مکہ مکرمہ کے لیے
پڑھیں:
پوٹن امن منصوبے پر بات کو تیار لیکن یوکرین کے لیے وارننگ
روسی صدر ولادیمیر پوٹن نے کہا ہے کہ وہ امریکا کے نئے امن منصوبے کے کچھ پہلوؤں پر بات کرنے کے لیے تیار ہیں، لیکن خبردار کیا کہ اگر یوکرین جنگ بندی کی شرائط قبول نہیں کرتا تو روسی افواج ڈونباس میں پیش قدمی جاری رکھیں گی۔
یہ بھی پڑھیں:پیوٹن کا ’سوجا اور زخمی‘ ہاتھ، روسی صدر کس بیماری کا شکار ہوگئے؟
پوٹن نے یوکرینی صدر وولوڈیمیر زیلنسکی کو قانونی طور پر مزید جائز رہنما نہ ماننے کا بھی دعویٰ کیا، اور کہا کہ یوکرین کے صدارتی انتخابات کی تاخیر معاہدے کو ناممکن بناتی ہے۔
امریکی اور یوکرینی حکام نے منصوبے کا مختصر ورژن تیار کیا ہے، جس پر مبینہ طور پر یوکرین نے رضامندی دی، اور اگلے ہفتے امریکی ایلچی ماسکو جائیں گے تاکہ پوٹن سے مذاکرات کریں۔ پوٹن نے کہا کہ کچھ شقیں ماسکو کے لیے قابل قبول ہیں، لیکن روس پر غیر جارحیت کی پالیسی تحریری طور پر درج کرنے کی شق کو مضحکہ خیز قرار دیا۔
یہ بھی پڑھیں:آن لائن محبوبہ کی طرف سے زہریلی شراب کا تحفہ، روس نے کیسے اپنے افسر کو مارنے کا یوکرینی منصوبہ ناکام بنایا؟
صدر نے یورپی رہنماؤں پر بھی تنقید کی اور خبردار کیا کہ روسی موقف کے خلاف مزید دباؤ ناکام ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی صدر پیوٹن ڈونلڈ ٹرمپ روس روسی صدر یوکرین
وزیر خزانہ کی زیر صدارت اجلاس، اہم سرکاری اداروں میں کلیدی تعیناتیوں اور بورڈز کی ازسرِنو تشکیل کی منظوری