یوٹیوبر رجب بٹ کو گرفتار کر کے وطن واپس لانے کا فیصلہ ہوچکا، سینیئر صحافی کا دعویٰ
اشاعت کی تاریخ: 17th, October 2025 GMT
معروف یوٹیوبر رجب بٹ کے خلاف جوا اور سٹے بازی سے متعلق غیر قانونی آن لائن ایپس کی تشہیر کے الزامات پر قانونی شکنجہ سخت کر دیا گیا ہے۔ ذرائع کے مطابق رجب بٹ کو گرفتار کرکے پاکستان واپس لانے کا فیصلہ کر لیا گیا ہے، کیونکہ وہ تفتیشی اداروں کے بارہا طلب کیے جانے کے باوجود پیش نہیں ہو رہے۔
سینئیر صحافی منیب فاروق کے مطابق رجب بٹ کے خلاف ایک وسیع پیمانے پر کریک ڈاؤن کا آغاز ہونے جا رہا ہے، جس کے تحت ان کے بینک اکاؤنٹس منجمد کیے جا سکتے ہیں، جائیداد ضبط کی جا سکتی ہے اور پاسپورٹ بلاک کیے جانے کے امکانات بھی موجود ہیں۔
رپورٹس کے مطابق، رجب بٹ پر الزام ہے کہ انہوں نے سوشل میڈیا پلیٹ فارمز پر جوا اور سٹے بازی کی غیر قانونی ایپس کی تشہیر کی، جنہیں تجارتی اور سرمایہ کاری پلیٹ فارمز کے طور پر پیش کیا گیا۔ ان سرگرمیوں کے باعث متعدد شہری اپنی جمع پونجی سے محروم ہو گئے۔
مزید برآں، ان پر غیر قانونی سرمایہ کاری، ممنوعہ آن لائن ایپس کی پروموشن، اور تفتیشی اداروں سے تعاون نہ کرنے جیسے سنگین الزامات بھی عائد کیے گئے ہیں۔
یہ بھی پڑھیں: رجب بٹ سمیت 3 یوٹیوبرز کے خلاف جوئے کی تشہیر کے مقدمات درج
رجب بٹ کے علاوہ دیگر سوشل میڈیا شخصیات، جن میں انس علی اور حریرہ شامل ہیں، ان کے خلاف بھی اسی نوعیت کے مقدمات درج کیے گئے ہیں۔ ان تمام افراد پر الزام ہے کہ انہوں نے فیملی وی لاگز کے پردے میں غیر قانونی اور اخلاقی طور پر مشکوک سرگرمیوں کو فروغ دیا۔
یاد رہے کہ اس سے قبل 17 اگست کو ایف آئی اے کے ذیلی ادارے نیشنل سائبر کرائم کنٹرول اینڈ انویسٹی گیشن ایجنسی (NCCIA) نے علامہ اقبال انٹرنیشنل ایئرپورٹ پر کارروائی کرتے ہوئے یوٹیوبر سعد الرحمان المعروف ’ڈکی بھائی‘ کو گرفتار کیا تھا۔ ان پر بھی آن لائن جوا ایپس کی پروموشن اور مالی فراڈ کے الزامات عائد کیے گئے تھے۔
یہ بھی پڑھیں: افیئرز سے متعلق الزامات پر اہلیہ ایمان کا ردعمل کیا ہے، یوٹیوبر رجب بٹ نے بتادیا
ایجنسی کے مطابق، رجب بٹ، ڈکی بھائی اور دیگر سوشل میڈیا انفلوئنسرز نوجوانوں کو آن لائن جوئے اور غیر رجسٹرڈ ایپس میں سرمایہ کاری کی ترغیب دے کر مالی دھوکہ دہی میں ملوث پائے گئے ہیں۔
رجب بٹ اس وقت بیرون ملک مقیم ہیں اور تاحال سوشل میڈیا پر فعال ہیں، تاہم پاکستان میں ان کے خلاف متعدد مقدمات زیرِ التواء ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جوئے کی تشہیر رجب بٹ رجب بٹ گرفتاری رجب بٹ مقدمات یو ٹیوبر.ذریعہ: WE News
کلیدی لفظ: جوئے کی تشہیر رجب بٹ گرفتاری رجب بٹ مقدمات یو ٹیوبر سوشل میڈیا کی تشہیر کے مطابق آن لائن ایپس کی کے خلاف
پڑھیں:
ایف آئی اے کی کارروائیاں، غیر قانونی کرنسی ایکسچینج میں ملوث 3 ملزمان گرفتار
کراچی:وفاقی تحقیقاتی ادارہ (ایف آئی اے) کراچی زون نے غیرقانونی کرنسی ایکسچینج میں ملوث افراد کے خلاف کارروائیاں کے دوران 3 ملزمان کو گرفتار کرلیا۔
ترجمان ایف آئی اے نے بتایا کہ ڈی جی ایف آئی اے کی ہدایت پرغیرقانونی کرنسی ایکسچینج میں ملوث ملزمان کے خلاف کارروائیاں جاری ہیں اور ایف آئی اے کارپوریٹ کرائم سرکل کراچی نے 3 ملزمان گرفتار کو گرفتار کرلیا، جن کی شناخت مدثر، سجاد علی اور محمد خالد کے نام سے ہوئی ہے۔
ترجمان نے بتایا کہ ملزمان کو سمن آباد کراچی سے گرفتار کیا گیا ہے، گرفتار ملزمان غیر قانونی کرنسی ایکسچینج میں ملوث ہیں اور ان کے قبضے سے مجموعی طور پر 18000 سعودی ریال، 10000 امریکی ڈالر اور 5000 برطانوی پاؤنڈ برآمد ہوئے ہیں۔
بیان میں کہا گیا کہ ملزمان کے قبضے سے 63 لاکھ 45 ہزار روپے بھی برآمد کر لیے گئے، ملزمان کے قبضے سے غیر قانونی کرنسی ایکسچینج سے متعلق شواہد بھی برآمد کرلیے گئے ہیں۔
ترجمان ایف آئی اے نے بتایا کہ ملزمان بغیر لائسنس کرنسی ایکسچینج کا کاروبار کر رہے تھے اور ملزمان برآمد ہونے والی کرنسی کے حوالے سے حکام کو مطمئن نہ کر سکے تاہم ملزمان کو گرفتار کر کے تفتیش شروع کر دی گئی ہے اور ان کے دیگر ساتھیوں کی گرفتاری کے لیےچھاپے مارے جا رہے ہیں۔
سوشل میڈیا انفلوئنسر اذلان شاہ نے دوسری شادی کا اعلان کردیا