ٹرمپ کی نئی پالیسی پر اختلاف، درجنوں صحافیوں نے پینٹاگون کے دفاتر خالی کر دیے
اشاعت کی تاریخ: 17th, October 2025 GMT
واشنگٹن: امریکا میں 30 سے زائد معروف نیوز اداروں نے پینٹاگون کی نئی میڈیا پالیسی کو مسترد کرتے ہوئے دستخط کرنے سے انکار کردیا ہے۔
غیر ملکی میڈیا کے مطابق، درجنوں صحافیوں نے محکمہ دفاع کے اندر اپنے دفاتر خالی کر دیے، جس کے بعد پریس ایریا تقریباً سنسان ہوگیا ہے۔
پینٹاگون پریس ایسوسی ایشن نے اس اقدام کو "آزادی صحافت پر سیاہ دن" قرار دیا ہے۔ میڈیا اداروں کا کہنا ہے کہ نئی پالیسی آزادانہ رپورٹنگ کے لیے خطرہ اور آئینی آزادیوں کی خلاف ورزی ہے۔
رپورٹس کے مطابق، پینٹاگون نے صحافیوں کو حساس معلومات شائع نہ کرنے کا حلف نامہ جمع کرانے کا پابند کیا تھا، تاہم تنقید کے بعد لفظ "حلف" کو "Acknowledge" سے بدل دیا گیا۔
امریکی چینلز اے بی سی، سی بی ایس، سی این این، این بی سی، اور فاکس نیوز نے ایک مشترکہ بیان جاری کیا جو سی این این کمیونیکیشن کے سوشل میڈیا اکاؤنٹس پر شیئر کیا گیا۔
بیان میں کہا گیا کہ نئے ضوابط صحافیوں کی آزادی کو محدود کرتے ہیں اور وہ عوام کو قومی سلامتی سے متعلق اہم معلومات فراہم کرنے کی صلاحیت سے محروم ہو جائیں گے۔
دوسری جانب پینٹاگون کے ترجمان نے دعویٰ کیا کہ نئی پالیسی کا مقصد قومی سلامتی کے تحفظ کو یقینی بنانا ہے، نہ کہ میڈیا پر قدغن لگانا۔
.
ذریعہ: Express News
پڑھیں:
حج 1447ہجری کے لیے سعودی حکومت کی جانب سے اقدامات جاری
سعودی عرب کی جانب سے حج 1447ہجری کے لیے بروقت اقدامات جاری ہیں۔
سعودی عرب کے وزیر برائے حج و عمرہ توفیق الربیعہ نے گزشتہ روز حج دفاتر کے سربراہوں کے ساتھ 5ویں حج کانفرنس اور نمائش کے موقع پر نصف سالانہ اجلاس منعقد کیا۔ اجلاس میں اسلامی ممالک کے 100 سے زائد وزرا، مفتیانِ اعظم اور حج دفاتر کے سربراہوں نے شرکت کی، اجلاس میں حج 1447 ہجری کے لیے تیاریوں، حجاج کی خدمت کے لیے تنظیمی اور عملی اقدامات کا جائزہ لیا گیا۔
یہ بھی پڑھیں: سعودی عرب اور پاکستان کے درمیان حج 2026ء کے انتظامات پر معاہدہ طے پا گیا
وزیر حج اس موقع پر گزشتہ حج سیزن میں کامیابی کے لیے حج دفاتر کی کاوشوں اور تعاون کو سراہا اور اُن دفاتر کی تعریف کی جو سال کے آغاز میں ہی اپنے معاہدے مکمل کرچکے تھے۔ انہوں نے باقی دفاتر کو ہدایت کی کہ 15رجب 1447 ہجری تک اپنے معاہدے مکمل کریں تاکہ حجاج کی خدمت کے لیے بروقت تیاری ممکن ہوسکے اور اعلیٰ معیار کی خدمات فراہم کی جا سکیں۔
توفیق الربیعہ نے آئندہ مدت کے لیے اہم ضابطہ کار ہدایات پر روشنی ڈالی، جس میں کیمپ سروس اور مکہ و مدینہ میں رہائش کے معاہدوں کی بروقت تکمیل، حج ویزوں کے اجرا کے لیے درخواستیں وقت پر جمع کرانے اور عوام میں شعوری آگاہی بڑھانے کی ضرورت شامل ہے تاکہ حجاج کو غیر قانونی حج اور استحصال سے محفوظ رکھا جا سکے۔
یہ بھی پڑھیں: 9 سے 12 نومبر: حج کانفرنس و نمائش 2025 کی تفصیلات جاری
انہوں نے کہا کہ ویزا جاری کرنے کے لیے دفتر کے سربراہ اور طبی وفد کے سربراہ کے دستخط شدہ صحت کی اہلیت سرٹیفیکیٹ لازمی ہوگا، قربانی کے جانوروں کی تمام ادائیگیاں صرف سرکاری حج دفاتر اور سعودی پروجیکٹ برائے استعمالِ ہدی وعادی کے ذریعے ہی کی جائیں گی۔
نُسُک کارڈ گرینڈ مسجد اور مقدس مقامات میں داخلے کے لیے لازمی ہوگا، اور انتظامی، طبی اور میڈیا عملے کے اعداد و شمار مقررہ وقت کے اندر اپلوڈ کیے جائیں گے۔ ایئر لائنز کا انتخاب اور فلائٹ سلاٹ کی بکنگ بھی مقررہ تاریخ تک مکمل ہونی چاہیے، جبکہ تمام انتظامی اور مالی لین دین نُسُک ماسر پلیٹ فارم کے ذریعے انجام دیے جائیں گے۔
یہ بھی پڑھیں: پاکستانیوں کے لیے آئندہ حج سستا ہونے کا امکان، سعودی کمپنی نے اخراجات میں کمی کر دی
وزیر حج و عمرہ نے کہا کہ یہ اقدامات حجاج کی خدمات کی کارکردگی کو بہتر بنانے اور متعلقہ ملکی و بین الاقوامی اداروں کے ساتھ رابطے کو مضبوط بنانے کے لیے کیے جا رہے ہیں، اور یہ سعودی عرب کے عالمی سطح پر حجاج کی خدمت میں رہنما کردار کو ظاہر کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شامی صدر احمد الشرعہ کا برازیل میں ماحولیاتی کانفرنس میں شرکت کا اعلان