ڈھاکا ، ہوائی اڈے میں اچانک آگ بھڑک اٹھی، آمدورفت معطل
اشاعت کی تاریخ: 18th, October 2025 GMT
ڈھاکا ، ہوائی اڈے میں اچانک آگ بھڑک اٹھی، آمدورفت معطل
بنگلہ دیش کے دارالحکومت ڈھاکا میں واقع حضرت شاہ جلال بین الاقوامی ہوائی اڈے کے کارگو حصے میں اچانک آگ بھڑک اٹھی، جس کے باعث ہوائی اڈے پر پروازوں کی آمدورفت معطل کر دی گئی۔ یہ واقعہ گزشتہ روز پیش آیا، جب کارگو ایریا میں واقع گیٹ نمبر 8 کے قریب آگ لگ گئی۔
واقعے کے فوراً بعد فائر سروس اینڈ سول ڈیفنس کی 36 ٹیمیں جائے وقوعہ پر پہنچ گئیں اور آگ پر قابو پانے کی کوششیں شروع کر دیں۔ فائر بریگیڈ کے ساتھ ساتھ بنگلہ دیش کی نیوی، ایئر فورس اور بارڈر گارڈ کے دستے بھی امدادی کارروائیوں میں شریک ہو گئے۔ بنگلہ دیش کے انٹر سروسز پبلک ریلیشنز (آئی ایس پی آر) کے مطابق مختلف ادارے آگ بجھانے میں مکمل ہم آہنگی کے ساتھ مصروف عمل ہیں۔
ایئرپورٹ انتظامیہ نے ابتدائی طور پر تمام پروازیں معطل کر دیں اور فضائی حدود شام چھ بجے تک بند رکھنے کا اعلان کیا۔ اس دوران کم از کم پانچ پروازوں کا رخ چٹاگانگ کے شاہ امانت بین الاقوامی ہوائی اڈے اور سلہٹ کے عثمانی بین الاقوامی ہوائی اڈے کی طرف موڑ دیا گیا۔ ڈھاکا سے امریکا اور بنگلہ دیش ایئرلائنز کی دو دو پروازوں سمیت مجموعی طور پر آٹھ ملکی و غیر ملکی پروازیں متبادل ایئرپورٹس پر اتریں۔
ایئرپورٹ کے ترجمان نے بتایا کہ تمام طیارے محفوظ ہیں اور صورتحال کو قابو میں لانے کے لیے ہرممکن اقدامات کیے جا رہے ہیں۔ جیسے ہی حالات معمول پر آئیں گے، متبادل ہوائی اڈوں پر اتاری گئی پروازوں کو دوبارہ ڈھاکا روانہ کر دیا جائے گا۔ واقعے کے بعد حضرت شاہ جلال ایئرپورٹ پر سفر کے منتظر مسافروں کو مشکلات کا سامنا کرنا پڑا، تاہم حکام کا کہنا ہے کہ جلد حالات معمول پر آ جائیں گے۔
ذریعہ: Daily Mumtaz
کلیدی لفظ: ہوائی اڈے بنگلہ دیش
پڑھیں:
ڈپٹی کمشنر بدین کی ہدایت پر اینٹوں کے بھٹوں پر اچانک چھاپا
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت)ڈپٹی کمشنر بدین کی واضح ہدایات پر اسسٹنٹ کمشنر ماتلی ثوبان احمد رانجھا نے ماتلی کے مختلف علاقوں میں قائم آٹھ اینٹوں کے بھٹوں کا اچانک معائنہ کیا۔ اس کارروائی میں محکمہ ماحولیات سندھ کی خصوصی ٹیم اور اعلیٰ افسران بھی ان کے ہمراہ تھے۔بھٹہ مالکان کو قبل از وقت 27 نومبر کی ڈیڈ لائن دی گئی تھی تاکہ وہ اپنے بھٹوں کو ماحول دوست اور صاف ایندھن پر منتقل کریں، تاہم کارروائی کے دوران اس ہدایت کی کھلی خلاف ورزی سامنے آئی۔معائنے کے دوران ان بھٹوں پر پلاسٹک کا کچرا، اسپتالوں کا طبی فضلہ، چکن فیڈ، پرانے کپڑے اور دیگر انتہائی مضر اشیا ایندھن کے طور پر استعمال ہوتی پائی گئیں۔ ماہرین کے مطابق ایسے ایندھن نہ صرف ماحول کے لیے خطرناک ہیں بلکہ قریبی آبادیوں کی صحت کے لیے بھی سنگین رسک ثابت ہو سکتے ہیں۔مزید برآں، بھٹوں پر جبری مشقت کے علاوہ کم عمر بچوں سے مزدوری کے افسوسناک مناظر بھی دیکھنے میں آئے، جن میں بعض بچے محض 4 اور 5 سال کی عمر کے تھے۔ مزدوروں کے لیے حفاظتی سازوسامان کی مکمل عدم دستیابی بھی شدید تشویش کا باعث بنی۔اس صورتحال پر اسسٹنٹ کمشنر ماتلی ثوبان احمد رانجھا نے سخت برہمی کا اظہار کرتے ہوئے بھٹہ مالکان کو واضح طور پر تنبیہ کی کہ انسانی جانوں سے کھیلنے اور ماحولیاتی قوانین کی سنگین خلاف ورزی کسی صورت برداشت نہیں کی جائے گی۔ انہوں نے اعلان کیا کہ ملوث مالکان کے خلاف فوری قانونی کارروائی شروع کی جا رہی ہے، جس میں بھٹہ سیل کرنا، سنگین جرمانے اور مزید سخت اقدامات بھی شامل ہوں گے۔اسسٹنٹ کمشنر نے کہا کہ محکمہ ماحولیات سندھ کی خصوصی ٹیم کی رپورٹ کی روشنی میں مزید جگہوں کا بھی معائنہ کیا جائے گا اور ایسے تمام بھٹوں کے خلاف سخت آپریشن جاری رہے گا جو ماحول اور انسانی زندگیوں کو خطرے میں ڈال رہے ہیں۔
ہانگ کانگ کے رہائشی کمپلیکس میں قیامت خیز آگ سے ہلاکتیں 55 تک پہنچ گئیں