سیاحت کے فروغ کیلیے لاہور تا شیخوپورہ ڈبل ڈیکر بس سروس کا آغاز
اشاعت کی تاریخ: 20th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور (آن لائن)حکومت پنجاب نے صوبے میں سیاحت کے فروغ کے لیے لاہور سے شیخوپورہ کے لیے 2 ڈبل ڈیکر بسوں کی سروس کا باضابطہ آغاز کر دیا ہے۔ پنجاب ٹورازم اینڈ آرکیالوجی ڈیپارٹمنٹ کے تحت یہ بس سروس ہفتہ اور اتوار کے روز لاہور سے شیخوپورہ کے تاریخی اور ثقافتی مقامات تک چلائی جائے گی۔ بس کا فی کس کرایہ 1200 روپے مقرر کیا گیا ہے۔پہلے سیاحتی ٹور میں مسافروں نے پیر وارث شاہ کے مزار اور ہرن مینار کی سیر کی۔ سیاحوں نے ہرن مینار میں بوٹنگ، سائیکلنگ اور تصویری یادیں محفوظ کرنے کا خوب لطف اٹھایا۔ علاوہ ازیں شیخوپورہ میں ہیر خوانی کی خصوصی تقریب کا اہتمام کیا گیا جس سے ماحول روایتی رنگ میں ڈھل گیا۔شہریوں اور سیاحوں نے پنجاب حکومت کے اس اقدام کو شیخوپورہ میں سیاحت کے فروغ کی سمت ایک تاریخی قدم قرار دیا ہے۔ ان کا کہنا تھا کہ دو روزہ سیاحتی ٹور سے نہ صرف لاہور بلکہ دیگر اضلاع کے شہریوں میں بھی تاریخی مقامات کی سیر کا شوق بڑھا ہے۔ڈپٹی کمشنر شیخوپورہ شاہد عمران مارتھ نے کہا کہ شیخوپورہ کو ٹورازم کا حب بنایا جا رہا ہے تاکہ تاریخی ورثہ عوام تک پہنچ سکے۔ ایڈیشنل سیکرٹری ٹورازم صدف ظفر کا کہنا تھا کہ حکومت کا مقصد مقامی معیشت کو فروغ دینا اور صوبے کے تاریخی ورثے کی ترویج کرنا ہے۔
ذریعہ: Jasarat News
پڑھیں:
ستھرا پنجاب دنیا کا سب سے بڑا پروگرام ہے، مریم اورنگزیب
، مریم اورنگزیب - فوٹو: اسکرین گریبپنجاب کی سینئر وزیر مریم اورنگزیب نے کہا ہے کہ ڈیڑھ سال کے عرصے میں پنجاب حکومت نے نمایاں کام کیے، عوامی فلاح و بہبود کے کئی اقدامات کیے گئے، ستھرا پنجاب دنیا کا سب سے بڑا پروگرام ہے۔
لاہور میں پریس کانفرنس کرتے ہوئے انہوں نے کہا کہ پہلے صفائی کا کسی قسم کا نظام موجود نہیں تھا، پنجاب کی 13 کروڑ کی آبادی اس منصوبے سے مستفید ہو رہی ہے، ستھرا پنجاب کے ذریعے آپ کے گھر، گلیاں، شہر، دیہات صاف کروا رہے ہیں۔
مریم اورنگزیب نے کہا کہ حکومت نے اپنی ذمہ داری پوری کی ہے، اب عوام نے اپنا فرض پورا کرنا ہے۔
سینئر وزیر پنجاب کا کہنا ہے کہ مشرقی ہواؤں سے بھارتی شہروں کی آلودگی لاہور میں داخل ہوگی۔
انہوں نے کہا کہ ٹریفک قوانین پر حکومت انفورسمنٹ کر سکتی ہے، قانون بنا سکتی ہے، قانون میں تبدیلی کرسکتی ہے، آپ نے اگر ہیلمٹ پہنا ہے تو اس سے مریم نواز کو کوئی فرق نہیں پڑتا۔
مریم اورنگزیب نے مزید کہا کہ موٹر سائیکل پر دو شیشے لازمی قرار دے دیے گئے ہیں، قانون عمل میں آئے گا، قانون کی انفورسمنٹ ہوگی، جب بچہ گھر سے بائیک یا گاڑی لے کر نکلے تو اسے قانون پر عملداری کا بتانا والد کی ذمہ داری ہے۔
انہوں نے کہا کہ اگر موٹر بائیک کالا دھواں چھوڑ رہا ہے تو ہزاروں لوگ متاثر ہوتے ہیں، اب قانون نافذ ہوچکا ہے، اس پر عملدرآمد کریں گے۔
اداکار ایتھن براؤن 52 برس کی عمر میں چل بسے