ریاض: فائر اینڈ ریسکیو اسپورٹ کی ورلڈ چیمپیئن شپ 26 اکتوبر سے شروع ہوگی
اشاعت کی تاریخ: 20th, October 2025 GMT
سعودی عرب کے دارالحکومت ریاض میں 26 اکتوبر سے یکم نومبر 2025 تک ورلڈ چیمپیئن شپ اِن فائر اینڈ ریسکیو اسپورٹ کا انعقاد ہوگا۔
یہ ایونٹ وزارتِ داخلہ کی زیرِ نگرانی جنرل ڈائریکٹوریٹ آف سول ڈیفنس اور انٹرنیشنل اسپورٹ فیڈریشن آف فائر فائٹرز اینڈ ریسکیورز کے اشتراک سے منعقد کیا جا رہا ہے۔
اس عالمی مقابلے میں دنیا بھر سے 300 سے زائد مرد و خواتین کھلاڑی حصہ لیں گے جو حقیقی فائر فائٹنگ اور ریسکیو آپریشنز کی مشقوں پر مبنی چار مقابلوں میں اپنی مہارت کا مظاہرہ کریں گے۔ ان میں ہُک لیڈر کلائمب، 100 میٹر ہرڈلز، 400 میٹر ریلے ریس اور فائر ایکسٹنگوشنگ چیلنج شامل ہیں۔
مزید پڑھیں: ریاض میں فائر اینڈ ریسکیو اسپورٹ ورلڈ چیمپئن شپ کا افتتاح 28 اکتوبر کو ہوگا
مقابلوں کے پری لیمینری، سیمی فائنل اور فائنل راؤنڈز چار روز تک جاری رہیں گے۔ اس چیمپیئن شپ کا مقصد فائر فائٹرز کی جسمانی فٹنس، تکنیکی تیاری اور فیلڈ مہارت کو فروغ دینا ہے تاکہ وہ ایمرجنسی حالات میں زیادہ مؤثر کردار ادا کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ریاض سعودی عرب فائر اینڈ ریسکیو اسپورٹ.
ذریعہ
ذریعہ: WE News
کلیدی لفظ: ریاض فائر اینڈ ریسکیو اسپورٹ فائر اینڈ ریسکیو اسپورٹ
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
پاکستان نے ورلڈ کپ 2028 کیلیے براہ راست کوالیفائی کر لیا