راولپنڈی میں نومبر کے دوران آگ لگنے کے واقعات میں اضافہ
اشاعت کی تاریخ: 4th, December 2025 GMT
راولپنڈی(ویب ڈیسک )ضلع راولپنڈی میں نومبر کے دوران آگ لگنے کے واقعات میں اضافہ دیکھنے میں آیا، جہاں ریسکیو 1122 کو مجموعی طور پر 116 مختلف واقعات رپورٹ ہوئے۔ ریسکیو ٹیموں نے بروقت کارروائی کرتے ہوئے نہ صرف آگ پر قابو پایا بلکہ قیمتی جانوں اور کروڑوں روپے کے ممکنہ نقصان کو بھی بچایا۔ ضلعی انتظامیہ کے مطابق آگ لگنے کے واقعات کی بنیادی وجوہات میں شارٹ سرکٹ ، گیس لیکج اور لاپرواہی کے واقعات شامل ہیں ۔ترجمان ریسکیو کے مطابق راولپنڈی میں نومبر کے مہینے کے دوران ریسکیو 1122 کو آگ لگنے کے 116 واقعات موصول ہوئے ۔ ترجمان ریسکیو کے مطابق ٹیمیں فوری طور پر جائے حادثہ پر پہنچیں اور پیشہ ورانہ انداز میں امدادی کارروائیاں انجام دیں ۔ ان واقعات میں مجموعی طور پر 8 افراد زخمی ہوئے، جبکہ فائر فائٹرز نے بروقت کارروائی کرتے ہوئے آگ کو مزید پھیلنے سے روکا۔ ریسکیو اہلکاروں اور ضلعی ریسکیو انتظامیہ کی کوششوں سے تقریباً 251 ملین روپے مالیت کو ممکنہ نقصان سے بچایا گیا ۔ ابتدائی تحقیقات کے مطابق آگ لگنے کی اہم وجوہات میں شارٹ سرکٹ، سگریٹ نوشی میں لاپرواہی، گیس لیکج اور دیگر مختلف عوامل شامل ہیں۔ترجمان کا کہنا ہے کہ ریسکیو سروس راولپنڈی آگ کے واقعات میں کمی لانے کے لیے فائر سیفٹی رولز کے نفاذ، فائر سیفٹی ٹریننگ اور آگاہی پروگرام بھی جاری رکھے ہوئے ہے تاکہ شہریوں کو ایسے حادثات سے محفوظ رکھا جا سکے۔
.ذریعہ: Daily Mumtaz
کلیدی لفظ: واقعات میں آگ لگنے کے کے واقعات کے مطابق
پڑھیں:
جولائی تا نومبر تجارتی خسارے میں 37.17 فیصد اضافہ
اسلام آباد:رواں مالی سال 2025-26ء کے پہلے پانچ ماہ میں تجارتی خسارے اور درآمدات میں اضافہ ہوا جب کہ برآمدات میں کمی آگئی۔
وفاقی ادارہ شماریات کے مطابق رواں مالی سال جولائی تا نومبر تجارتی خسارے میں 37.17 فیصد اضافہ ہوا اور تجارتی خسارہ 15 ارب 46 کروڑ 90 لاکھ ڈالر پر پہنچ گیا۔
ادارہ شماریات کے مطابق نومبر میں سالانہ بنیاد پر تجارتی خسارہ 32.79 فیصد بڑھا تاہم ماہانہ بنیاد پر تجارتی خسارہ 11.86 فیصد کم ہوکر 2 ارب 85 کروڑ 50 لاکھ ڈالر رہا۔
رپورٹ کے مطابق جولائی تا نومبر درآمدات 13.26 فیصد بڑھ کر 28 ارب 31 کروڑ 30 لاکھ ڈالر رہیں جبکہ نومبر میں درآمدات 5 ارب 25 کروڑ 30لاکھ ڈالر رہیں۔
ادارہ شماریات کے مطابق جولائی تا نومبر برآمدات 6.39 فیصد کم ہو کر 12 ارب 84 کروڑ 40 لاکھ ڈالر رہیں، نومبر میں سالانہ بنیاد پر برآمدات میں 15.35 فیصد اور ماہانہ بنیاد پر 15.80فیصد کمی واقع ہوئی جبکہ نومبر میں برآمدات 2 ارب 39کروڑ 80لاکھ ڈالر رہیں۔
کراچی ایک ماہ کے دوران 93 ہزار سے زائد ای چالان، کروڑوں کے جرمانے