جدہ میں پاکستان پیپلز پارٹی سعودی عرب کے زیر اہتمام سانحۂ کارساز کے شہداء کے لیے دعائیہ تقریب
اشاعت کی تاریخ: 20th, October 2025 GMT
جدہ میں پاکستان پیپلز پارٹی سعودی عرب کے زیر اہتمام سانحۂ کارساز کے شہداء کے لیے دعائیہ تقریب WhatsAppFacebookTwitter 0 20 October, 2025 سب نیوز
جدہ ( خالد نواز چیمہ)
سانحۂ کارساز کے شہداء کی یاد میں پاکستان پیپلز پارٹی سعودی عرب کے زیر اہتمام ایک پُروقار دعائیہ تقریب کبابش ریسٹورنٹ جدہ میں منعقد ہوئی۔ تقریب کی صدارت صدر پیپلز پارٹی سعودی عرب تصور چوہدری نے فرمائی، جبکہ مہمانِ خصوصی پاکستان سے تشریف لائے سابق وزیرِ مملکت برائے امورِ داخلہ جناب تسنیم احمد قریشی تھے۔
تقریب کا آغاز تلاوتِ قرآنِ پاک سے ہوا جو جناب جعفر رانا نے کی، جبکہ ہدیہ نعت ناظمِ تقریب آفتاب ترابی نے پیش کیا۔
اس موقع پر پاکستان مسلم لیگ (ن) سعودی عرب کے چیئرمین چوہدری محمد اکرم، چیئرمین انویسٹر فورم اور سابق مشیر وزیر اعلیٰ پنجاب چوہدری اظہر وڑائچ نے خصوصی شرکت کی۔ پاکستانی کمیونٹی کے سرکردہ افراد نے بھی بڑی تعداد میں شرکت کر کے شہداء کو خراجِ عقیدت پیش کیا۔
سینیئر نائب صدر پیپلز پارٹی سعودی عرب ملک جاوید حسین اعوان نے اپنے خطاب میں شہدائے کارساز کو “سرخ سلام” پیش کرتے ہوئے کہا کہ پیپلز پارٹی کے کارکنوں کی یہ قربانیاں تاریخ میں ہمیشہ سنہری حروف سے لکھی جائیں گی۔
اسی طرح پیپلز پارٹی جدہ سٹی کے صدر راجہ اعجاز حسین جنجوعہ نے بھی اپنے خطاب میں سانحہ کارساز کے شہداء کو زبردست خراجِ تحسین پیش کیا۔
چوہدری محمد اکرم چیئرمین مسلم لیگ (ن) نے کہا کہ “چشم فلک نے وہ منظر بھی دیکھا جب کارکن اپنے بریدہ بدن کو بھول کر اپنی قائد محترمہ بے نظیر بھٹو کی خیریت دریافت کر رہے تھے۔ ایسے وفادار اور نظریاتی کارکن کسی بھی سیاسی جماعت کا اصل سرمایہ ہوتے ہیں۔”
صدر تصور چوہدری نے اپنے خطاب میں شہدائے کارساز کو خراجِ عقیدت پیش کرتے ہوئے کہا کہ پارٹی کارکنوں نے جمہوریت کے استحکام کے لیے عظیم قربانیاں دیں جنہیں ہمیشہ یاد رکھا جائے گا۔
آخر میں مہمانِ خصوصی تسنیم احمد قریشی نے سانحۂ کارساز کا آنکھوں دیکھا حال بیان کیا اور پارٹی کے نظریاتی کارکنوں کی قربانیوں کو زبردست خراجِ عقیدت پیش کیا۔
تقریب کے میزبان کبابش آرٹس کونسل جدہ کے چیئرمین ملک علی خورشید سلطان نے معزز مہمانوں کا شکریہ ادا کیا، جبکہ دعائے فاتحہ کبابش آرٹس کونسل کے سیکرٹری جنرل سید عمران شاہ نے کروائی۔
تقریب کے اختتام پر پرتکلف عشائیہ دیا گیا جس میں ریاض شاہین آفریدی، اسد اکرم، چوہدری خالد نواز چیمہ، طارق چوہدری، عمر نذیر جٹ، راجہ رفیق، ارسلان اعوان، ملک تکاثر سمیت متعدد کمیونٹی ارکان نے شرکت کی۔
تقریب کی نظامت ڈپٹی سیکرٹری جنرل پیپلز پارٹی آفتاب ترابی نے انجام دی اور شہدائے کارساز کو منظوم خراجِ عقیدت پیش کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعظیم دیوارِ چین پر پہلے پاک چائنا فیشن شو کا انعقاد پاک فوج کے دباؤ کی وجہ سے پاک افغان مذاکرات ممکن ہوئے، پختونخوا کے عوام کی رائے سپر ٹیکس؛ سپریم کورٹ میں ٹیکس پر سینیٹ کی تجاویز اور قومی اسمبلی کے اختیارات پر بحث انسداد دہشتگری عدالت کا علیمہ خان کو گرفتار کرکے پیش کرنے کا حکم ڈپٹی ڈائریکٹر این سی سی آئی اے کی بازیابی کیلئے پولیس کو3 روز کی مہلت فیصل مسجد میں نامناسب لباس میں داخلے، ویڈیوز بنانے پر پابندی کی درخواست پر نوٹس پاک افغان تجارت دوبارہ شروع ہوگی، افغانستان پاکستانی بندرگاہ استعمال کرسکے گا، خواجہ آصفCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: پیپلز پارٹی سعودی عرب کارساز کے شہداء سعودی عرب کے کے لیے
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار