علاقائی سالمیت پر کسی بھی خلاف ورزی کا فیصلہ کن جواب دیا جائے گا، فیلڈ مارشل
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: چیف آف آرمی اسٹاف فیلڈ مارشل حافظ عاصم منیر کاکہناہے کہ پاکستان خطے میں پائیدار امن اور استحکام چاہتا ہے لیکن کسی بھی ملک یا گروہ کی جانب سے ملکی سالمیت کے خلاف براہِ راست یا خفیہ کارروائی برداشت نہیں کی جائے گی۔
جی ایچ کیو راولپنڈی میں 17ویں نیشنل ورکشاپ بلوچستان کے شرکاء سے گفتگو کرتے ہوئے فیلڈ مارشل نے واضح کیا کہ بلوچستان پاکستان کی پہچان ہے، یہاں کے عوام باصلاحیت، محب وطن اور وطن سے گہری وابستگی رکھنے والے ہیں، صوبے کی ترقی کے لیے اجتماعی کوششیں ناگزیر ہیں کیونکہ یہی ملک کے روشن مستقبل کی ضمانت ہیں۔
آرمی چیف نے اس موقع پر کہا کہ بلوچستان میں سماجی و معاشی استحکام کے لیے ریاستی سطح پر بڑے پیمانے پر اقدامات کیے جا رہے ہیں تاکہ عوامی فلاح و بہبود کو یقینی بنایا جا سکے، صوبے کے قدرتی وسائل اور انسانی صلاحیتوں کو بروئے کار لا کر خوشحالی کا نیا دور شروع کیا جا سکتا ہے۔
فیلڈ مارشل عاصم منیر نے زور دیا کہ سول سوسائٹی اور نوجوان ملک کا قیمتی سرمایہ ہیں، انہیں ذاتی یا سیاسی مفادات سے بالاتر ہو کر صوبے کی تعمیر و ترقی میں کردار ادا کرنا چاہیے۔
انہوں نے کہا کہ بھارت کی پشت پناہی رکھنے والے عناصر اور فتنۃ الخوارج جیسے دہشت گرد گروہ بلوچستان کے امن اور ترقی کے دشمن ہیں، ریاست ان تمام تخریب کاروں کے خلاف فیصلہ کن کارروائیاں جاری رکھے ہوئے ہے تاکہ صوبے کو مکمل طور پر پرامن بنایا جا سکے۔
فیلڈ مارشل نے واضح کیا کہ پاک فوج ملکی سلامتی کے ہر پہلو پر گہری نظر رکھے ہوئے ہے، اور عوام کے جان و مال کے تحفظ کے لیے کسی بھی جارحیت یا خلاف ورزی کا منہ توڑ جواب دیا جائے گا۔
ورکشاپ کے اختتام پر شرکاء نے آرمی چیف سے مختلف سوالات کیے جن کا انہوں نے تفصیلی اور کھلے انداز میں جواب دیا۔
ذریعہ
ذریعہ: Jasarat News
کلیدی لفظ: فیلڈ مارشل
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ