وزیراعلیٰ بدلنے سے دہشت گردی کے خلاف جنگ نہیں رکےگی
اشاعت کی تاریخ: 21st, October 2025 GMT
سٹی42: وزیر مملکت برائے داخلہ طلال چوہدری نےکہا ہے کہ وزیراعلیٰ بدلنے سے دہشت گردی کے خلاف جنگ نہیں رکےگی۔ انہوں نے وزیراعلیٰ خیبر پختونخواکے نئے وزیراعلیٰ سہیل آفریدی کو و 'بزدار ٹو' قرار دیا اور کہا کہ ضرورت وزیراعلیٰ کو نہیں سوچ کو بدلنےکی ہے۔
وفاقی دارالحکومت میں پارلیمنٹ ہاؤس کے باہر میڈیا س کے نمائندوں کے سوالوں کے جواب دیتے ہوئے طلال چوہدری نے کہا کہ وزیراعلیٰ بدلنے سے دہشت گردی کے خلاف جنگ نہیں رکےگی، خیبر پختونخوا نے خود تو بلٹ پروف گاڑیاں خریدی نہیں، وفاق نے دی تو کہتے ہیں پرانی ہیں، یہ گاڑیاں دہشت گردی کے خلاف جنگ کے لیے دی گئیں ،افسوس ہے اس پر سیاست کی گئی۔
بالی ووڈ کے مشہور ترین مزاحیہ اداکار انتقال کر گئے
وفاق کی پولیس کو دی گئیں بلٹ پروف گاڑیاں ناقص اور پرانی ہیں، واپس کیا جائے: سہیل آفریدی
طلال چوہدری کا کہنا تھا کہ خیبرپختنونخوا پولیس کےلیے جدید گاڑیاں فراہم کی تھیں، بلٹ پروف گاڑیاں پولیس کے اعلیٰ افسران استعمال کرتے ہیں، گاڑیاں عالمی معیار کے مطابق ہیں،ایک گاڑی کی قیمت 10 کروڑ روپے ہے،گاڑیوں میں بلٹ اور بم پروف کے تمام لوازمات پورے ہیں، وزیر اعظم شہباز شریف کی ہدایت پر خیبر پختونخوا پولیس کےلیے گاڑیاں دی گئیں، وفاقی حکومت نے مالی مشکلات کے باوجود خیبر پختونخوا پولیس کےلیےگاڑیاں فراہم کیں۔
سوشل میڈیا پر وزیراعظم اور وزیراعلیٰ کو سنگین دھمکیاں دینےوالا گرفتار
وزیر مملکت برائے داخلہ نے واضح کیا کہ خیبر پختونخوا کے نئے وزیر اعلیٰ سہیل آفریدی کی سوچ بچگانہ ہے، وہ بانی پی ٹی آئی کو خوش کرنےکے لیے ڈرامےکر رہے ہیں، دہشت گردی کے خلاف جنگ نیشنل ایکشن پروگرام ہے،خواہ کتنے ہی وزیراعلیٰ بدل دیں، دہشتگردوں کے خاتمہ کیلئے نیشنل ایکشن پروگرام جاری رہےگا۔
طلال چوہدری نے وزیر اعلیٰ خیبرپختونخوا کو تحریک انصاف کے سابق وزیر اعلیٰ پنجاب عثمان بزدار سے تشبیہ دیتے ہوئےکہا کہ خیبرپختونخوا میں سہیل بزدار کو دانستہ لگایا گیا۔
اسلام آباد کے نجی شاپنگ مال میں خاتون سے گینگ ریپ ؛ 2 ملزم گرفتار
ان کا کہنا تھا کہ وزیراعلیٰ اس پولیس کے ساتھ کیسے کھڑا ہوگا جنہیں اس نے ہتھیار تک نہ دیئے۔ خیبر پختونخوا پولیس کو جو ملنا چاہیے تھا اس سے بھی انہیں محروم کیا گیا۔ بلٹ پروف گاڑی میں خود بیٹھ کر سہیل آفریدی نہتی پولیس کو جنگ میں دھکیل دے گا۔ یہ ریاستی فیصلہ ہےکہ پاکستان میں انتہا پسندانہ سوچ نہیں ہونی چاہیے۔
کم عقل قیادت اور ٹی ایل پی جیسی سوچ؛ پاکستان دونوں کا متحمل نہیں ہوسکتا
جوانی میں بال سفید؛ حیران کن فائدے سامنے آگئے
وزیر مملکت برائے داخلہ طلال چوہدری نے کہا کہ خیبر پختون خوا جیسی کم عقل قیادت اور ٹی ایل پی جیسی سوچ والا، پاکستان ان دونوں جیسی منفی سیاست کا متحمل نہیں ہوسکتا۔
اسلام آباد میں پریس کانفرنس کرتے ہوئے انہوں نے کہا کہ وزیراعلیٰ کے پی دہشت گردی کے خلاف جنگ میں غیر سنجیدہ ہیں، کے پی کو دی گئی گاڑیوں کو انہوں نے ناقص قرار دیا اور وصول کرنے سے انکار کیا، یہی گاڑیاں وزرا استعمال کرتے تھے، افسوس کی بات ہے گاڑیوں کو سیاست کی نذر کردیا، ایک بلٹ پروف گاڑی کی قیمت 10 کروڑ روپے ہے، اگر آپ کو یہ ماڈل پسند نہیں تھا تو وزیراعلیٰ اپنی گاڑی دے دیتے، یہ گاڑیاں 600 ارب سے سے خریدی گئیں جبکہ کے پی حکومت کو یہ گاڑیاں اپنے فنڈز سے خریدنی چاہییں تھی۔
ٹی ایل پی دہشتگرد اور تحریک فساد ایک سکے کے دو رخ
افغانستان سے بات کرنے کی کے پی حکومت کی پیشکش پر انہوں نے کہا کہ ہمیں کس سے کب بات کرنی ہے یہ تمہارا نہیں حکومت کا کام ہے، کے پی کی قیادت کے پی کو نقصان دے رہی ہے، ہم نہیں چاہتے کہ کسی بھی جگہ ایسا قدم اٹھایا جائے جو غیرسیاسی معاملہ ہو، ہم چاہتے ہیں جس کے پاس کے پی میں مینڈیٹ ہے وہ اسے محفوظ کرے، ہمارے اسلام آباد کے اسپتالوں میں مریضوں کی اکثریت کے پی والوں کی ہے کیوں کہ کے پی میں کوئی اچھا اسپتال نہیں، جن کا مینڈیٹ ہے ہے وہ کے پی میں کام کریں۔
.
ذریعہ
ذریعہ: City 42
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار