کراچی میں 22ویں ہیلتھ ایشیا نمائش کا انعقاد: 24 ممالک کے وفود کی شرکت متوقع
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی : پاکستان میں صحت اور ٹیکنالوجی کے امتزاج کو فروغ دینے کے لیے 22ویں ہیلتھ ایشیا انٹرنیشنل نمائش 23 تا 25 اکتوبر 2025ء کو کراچی ایکسپو سینٹر میں منعقد ہو رہی ہے۔
یہ ایونٹ اسپیشل انویسٹمنٹ فسیلیٹیشن کونسل (SIFC) کے تعاون سے منعقد کیا جا رہا ہے، جو صحت کے شعبے میں عالمی سرمایہ کاری اور جدت کے فروغ کی جانب ایک بڑا قدم سمجھا جا رہا ہے۔
نمائش کے منتظمین کے مطابق اس بار ای کامرس گیٹ وے پاکستان اور وزارتِ صحتِ پاکستان کی مشترکہ کاوشوں سے ایک ایسا پلیٹ فارم تیار کیا گیا ہے جہاں ملکی و غیر ملکی ماہرین، سرمایہ کار اور صحت کے شعبے سے وابستہ ادارے ایک دوسرے کے تجربات سے استفادہ کر سکیں گے۔
اس بڑے ایونٹ میں 24 ممالک کے وفود کی شرکت متوقع ہے، جن میں چین، روس، ایران، ترکیہ، برطانیہ، ہنگری اور دیگر ممالک شامل ہیں۔ توقع کی جا رہی ہے کہ تین روزہ یہ نمائش تقریباً 150 ملین امریکی ڈالرز کے کاروباری حجم کا باعث بنے گی، جو پاکستان میں صحت کی صنعت کے لیے خوش آئند پیش رفت ہوگی۔
نمائش کے دوران مستقبل کے اسپتال اور ڈیجیٹل ہیلتھ کے موضوعات پر خصوصی کانفرنسز اور سیشنز منعقد ہوں گے، جہاں عالمی ماہرین اپنی تحقیق، ایجادات اور ٹیکنالوجی کے استعمال پر روشنی ڈالیں گے۔ ان موضوعات کا بنیادی مقصد صحت کے نظام کو ڈیجیٹلائزیشن کی طرف لے جانا اور مریضوں کو جدید ترین سہولتوں سے آراستہ کرنا ہے۔
ایونٹ ڈائریکٹر کا کہنا تھا کہ یہ پلیٹ فارم پاکستان میں صحت کی سہولتوں کو بہتر بنانے، اسپتالوں میں جدید آلات کے استعمال اور مریضوں کے بوجھ میں کمی کے لیے ایک مؤثر کردار ادا کرے گا۔
انہوں نے بتایا کہ ہیلتھ ایشیا 2025 کے ذریعے پاکستان صحت کے شعبے میں ایک نئے انقلاب کی جانب بڑھ رہا ہے، جہاں ٹیکنالوجی، تحقیق اور سرمایہ کاری ایک دوسرے کے ساتھ جڑ کر پائیدار نظام تشکیل دیں گے۔
ایس آئی ایف سی کی سرپرستی میں ہونے والی اس نمائش کو نہ صرف پاکستان کے لیے بلکہ خطے کے ممالک کے لیے بھی صحت کے میدان میں تعاون، سرمایہ کاری اور علم کے تبادلے کا ایک اہم سنگ میل قرار دیا جا رہا ہے۔
.
ذریعہ
ذریعہ: Jasarat News
کلیدی لفظ: صحت کے رہا ہے کے لیے
پڑھیں:
مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
اسلام آباد، گزشتہ مہینے پاکستان میں 3ہزار 161نئی کمپنیاں رجسٹرڈ(companies registerd) ہوئیں جس کے بعد رجسٹرڈ کمپنیوں کی مجموعی تعداد 2لاکھ 97 ہزار 239 تک پہنچ گئی۔ ڈیجیٹلائزیشن کے باعث 99.9 فیصد کمپنیاں آن لائن رجسٹر کی گئیں۔
ایس ای سی پی کے مطابق صوبائی اور علاقائی لحاظ سے مئی کے دوران سب سے زیادہ ایک ہزار 643 کمپنیاں پنجاب میں رجسٹر ہوئیں، جبکہ وفاقی دارالحکومت اسلام آباد میں 596 اور سندھ میں 479 کمپنیاں رجسٹر کی گئیں۔
خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر کی گئیں۔ انفارمیشن ٹیکنالوجی اور ای کامرس کا سیکٹر سرفہرست رہا، جہاں آئی ٹی میں سب سے زیادہ 598 نئی کمپنیاں رجسٹر ہوئیں۔
اس کے بعد ٹریڈنگ میں 503 ، سروسز سیکٹر میں 404 ، رئیل اسٹیٹ اور کنسٹرکشن میں 303 جبکہ سیاحت اور ٹرانسپورٹ کے شعبے میں 206 نئی کمپنیوں نے رجسٹریشن کرائی۔ مئی میں 17 ممالک کے سرمایہ کاروں نے پاکستان میں سرمایہ کاری کی۔
مزید پڑھیں:بجٹ 2026-27، پائیڈ کی کم از کم ماہانہ تنخواہ 45 ہزار روپے مقرر کرنے کی تجویز
چین سرفہرست رہا جہاں کے نواسی شیئر ہولڈرز نے کمپنیوں میں ڈائریکٹر شپ حاصل کی۔ تمام غیر ملکی کمپنیوں کا مجموعی ادا شدہ سرمایہ تیرہ کروڑ چورانوے لاکھ روپے ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ