کراچی: کے پی ٹی فلائی اوور کے قریب مبینہ پولیس مقابلہ، دو ڈاکو ہلاک
اشاعت کی تاریخ: 22nd, October 2025 GMT
ڈسٹرکٹ کیماڑی میں کے پی ٹی فلائی اوور کے قریب مبینہ پولیس مقابلے کے دوران دو ملزمان ہلاک ہوگئے۔
تفصیلات کے مطابق جیکسن تھانے کی حدود میں کیماڑی گیٹ نمبر 15 کے قریب واقعے کے پی ٹی فلاق اوور سے متصل روڈ پر دو موٹر سائیکل سوار ملزمان نے ویگو گاڑی میں سوار شہری سے لوٹ مار کی کوشش کی۔
ایس ایس پی کیماڑی کیپٹن فیضان علی کے مطابق ملزمان نے ویگو گاڑی میں سوار افراد کے شیشہ نا کھولنے پر گاڑی کے شیشے توڑنے کی بھی کوشش کی۔ تاہم، قریب موجود شاہین پولیس کے اہلکاروں نے ملزمان کو روکنے کی کوشش کی اس ہی دوران ملزمان نے پولیس پر فائرنگ کی جوابی فائرنگ کے نتیجے میں دونوں ملزمان مارے گئے۔
ایس ایس پی کیماڑی کے مطابق ملزمان ٹریفک جام میں پھنس جانے والے شہریوں سے لوٹ مار کرتے تھے، وارداتوں کی اطلاع پر ہی شاہین پولیس اہلکاروں کو تعینات کیا گیا تھا۔
ایدھی حکام کے مطابق ہلاک ملزمان کی لاشوں کو سول اسپتال منتقل کیا گیا جبکہ فائرنگ کی زد میں آکر ایک راہ گیر بھر زخمی ہوا۔ ہلاک ملزمان اور زمین راہ گیر کو اسپتال منتقل کردیا گیا جہاں زخمی شخص کی شناخت 20 سالہ مبشر ولڈ نسیم اللہ کے نام سے ہوئی ہے۔ جبکہ ہلاک ڈاکوؤں کی شناخت فیضان عرف فیضی اور ارسلان عرف اچھو کے نام سے کرلی گئی ہے۔ پولیس نے ملزمان کا کریمنل ریکارڈ حاصل کرلیا ، دونوں عادی جرائم پیشہ ہیں۔ ہلاک ملزم فیضان کے خلاف تین مقدمات جبکہ ارسلان کے خلاف سنگین نوعیت کے نو درج مقدمات کی تفصیلات حاصل کرلی گئی ہیں۔
پولیس حکام کے مطابق گرفتار ملزمان کے قبضے سے اسلحہ اور واردات میں استعمال موٹر سائیکل بھی ملی ہے۔
.
ذریعہ
ذریعہ: Express News
کلیدی لفظ: کے مطابق
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی