دیوالی پر جماعت اسلامی مینارٹی ونگ کا مندروں کا دورہ
اشاعت کی تاریخ: 23rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)دیوالی کے موقع پر جماعت اسلامی مینارٹی ونگ کراچی کے صدر ایڈووکیٹ یونس سوہن کی قیادت میں ایک وفد نے شہر کے مختلف مندروں کا دورہ کیا۔ اس موقع پر مینارٹی ونگ کے عہدیداران اور مختلف اضلاع کے نمائندگان بھی ان کے ہمراہ تھے۔ وفد نے ہندو برادری کو دیوالی کی مبارکباد پیش کی اور ان کے مذہبی تہوار کی خوشیوں میں شرکت کی۔یونس سوہن ایڈووکیٹ نے اس موقع پر گفتگو کرتے ہوئے کہا کہ جماعت اسلامی رنگ، نسل اور مذہب سے بالاتر ہو کر ہر انسان کو برابر کا شہری سمجھتی ہے۔ پاکستان ایک ایسا ملک ہے جہاں تمام مذاہب کے ماننے والوں کو اپنی عبادت گاہوں میں مذہبی رسومات کی ادائیگی کی مکمل آزادی حاصل ہے،جماعت اسلامی اس بات پر یقین رکھتی ہے کہ بین المذاہب ہم آہنگی، رواداری اور انسانی خدمت ہی پرامن معاشرے کی بنیاد ہیں۔ انہوں نے کہا کہ جماعت اسلامی نے ہمیشہ ملک میں بسنے والی تمام اقلیتوں کے حقوق کی آواز بلند کی ہے۔ ہم چاہتے ہیں کہ پاکستان میں ہر شہری بلاخوف و خطر اپنی عبادت، ثقافت اور روایت کے مطابق زندگی گزار سکے۔ دیوالی روشنی، محبت اور خیر سگالی کا پیغام دیتی ہے، ہم امید کرتے ہیں کہ یہ روشنی نفرتوں کے اندھیروں کو مٹا دے گی۔اس موقع پر سیکرٹری جنرل پرویز برکت، ڈپٹی سیکرٹری انیل سنگھ، ضلع جنوبی کے صدر میگ جی، منشا مسیح اور دیگر ذمے داران بھی موجود تھے۔ وفد نے مختلف مندروں میں پوجا کے انتظامات کا جائزہ لیا، ہندو برادری کے رہنماؤں سے ملاقات کی اور باہمی اتحاد و بھائی چارے کے فروغ پر گفتگو کی۔یونس سوہن ایڈووکیٹ نے مزید کہا کہ جماعت اسلامی نہ صرف مسلمانوں بلکہ تمام مذاہب سے تعلق رکھنے والے پاکستانیوں کی خدمت کو اپنی ذمے داری سمجھتی ہے۔ جماعت اسلامی کی جدوجہد ایک انسان دوست اور عدل پر مبنی معاشرے کے قیام کے لیے ہے، جہاں ہر فرد کو انصاف اور احترام میسر ہو۔دیوالی کے اس موقع پر وفد نے شہری سطح پر امن، محبت اور یکجہتی کے پیغام کو عام کرنے کا عزم بھی کیا۔
جماعت اسلامی مینارٹی ونگ کراچی کے صدر ایڈووکیٹ یونس سوہن کی قیادت میں وفد دیوالی کے موقع پر مندر کا دورہ اور تحفہ دے رہے ہیں
ذریعہ: Jasarat News
کلیدی لفظ: جماعت اسلامی مینارٹی ونگ یونس سوہن وفد نے
پڑھیں:
فلاح و بہبود کے کاموں کے لیے عوامی کمیٹیاںبنا رہے ہیں‘منعم ظفر خان
data-id="863a0a8" data-element_type="widget" data-widget_type="theme-post-content.default">
251022-08-16
کراچی (اسٹاف رپورٹر) جماعت اسلامی ضلع شمالی کے تحت علاقہ اجمیر نگری کے عائشہ منور پردہ پارک میں ممبرز کنونشن و فیملی پروگرام منعقد کیا گیا پروگرام میں امیر جماعت اسلامی کراچی منعم ظفر خان، امیر ضلع شمالی طارق مجتبیٰ، سٹی و ٹاؤن کونسلرز، بلدیاتی نمائندگان اور علاقے کے افراد کی بڑی تعداد نے شرکت کی،امیر کراچی منعم ظفر خان نے اپنے خطاب میں کہا کہ جماعت اسلامی کے بلدیاتی نمائندے محدود بجٹ اور کم وسائل کے باوجود عوامی خدمت کو دینی فریضہ سمجھتے ہوئے سرگرم عمل ہیں اجڑے ہوئے پارکوں کی بحالی، ویران گلیوں میں روشنیوں کی ترسیل اور ٹوٹی سڑکوں کی تعمیر نو اس خدمت کا منہ بولتا ثبوت ہے۔ انہوں نے کہا کہ آئی ٹی کے شعبے میں جماعت اسلامی کی الخدمت فاؤنڈیشن کے ’’بنوقابل پروگرام‘‘ کے ذریعے ہزاروں نوجوانوں کو باعزت روزگار کے مواقع فراہم کیے جا رہے ہیں ۔انہوں نے مزید کہا کہ عوامی کمیٹیوں کی تشکیل کا مقصد عوام کو متحد و منظم کر کے اجتماعی جدوجہد کے ذریعے اپنے علاقوں کی فلاح و بہبود کے کام انجام دینا ہے ۔اس موقع پر امیر ضلع شمالی طارق مجتبیٰ نے خطاب کرتے ہوئے کہا کہ عوام اگر اپنے علاقے کو خوبصورت اور ترقی یافتہ دیکھنا چاہتے ہیں تو انہیں عوامی کمیٹیوں کے ساتھ وابستہ ہونا ہوگا ،یونین کونسل کے تعاون سے عوام اپنے علاقے کی بہتری کے لیے بھرپور کردار ادا کر سکتے ہیں، پروگرام کے دوران خواتین نظم کی جانب سے تشکیل دی گئی کمیٹیوں کی صدور اور نائب صدور کو بیجز لگائے گئے ،جماعت اسلامی کے عوامی خدمت کے اس جذبے کو شرکا نے بہت سراہا۔
اسرائیلی پابندیاں تباہ سرنگوں میں دفن یرغمالیوں کی لاشیں نکالنے میں رکاوٹ ہیں: حماس