بلاول سے پی پی رہنمائوں کی ملاقاتیں : ترقیاتی منصوبوں پر تبادلہ خیال
اشاعت کی تاریخ: 23rd, October 2025 GMT
کراچی (نوائے وقت رپورٹ) چیئرمین پیپلز پارٹی بلاول سے ایم این اے عبدالقادر پٹیل نے بلاول ہاؤس کراچی میں ملاقات کی اور حلقہ انتخاب کے عوامی مسائل کے حل پر بریفنگ دی۔ بلاول سے رکن سندھ اسمبلی ساجد جوکھیو بھی ملے۔ سٹیل ٹائون‘ گلشن حدید سمیت مختلف علاقوں میں عوامی مسائل سے آگاہ کیا۔ ساجد جوکھیو نے عوامی مسائل کے حل سے متعلق اقدامات پر بریفنگ دی۔ میئر کراچی مرتضیٰ وہاب نے شہر میں جاری عوامی‘ فلاحی اور ترقیاتی منصوبوں کے حوالے سے آگاہ کیا۔
.ذریعہ: Nawaiwaqt
پڑھیں:
کوئٹہ، ایم ڈبلیو ایم رہنماؤں کی گیس کمپنی کے ذمہ دار سے ملاقات، مسائل پر گفتگو
علامہ علی حسنین کی سربراہی میں وفد نے سردیوں میں گیس پریشر میں کمی اور دفتر کی بندش سے متعلق تحفظات کا اظہار کرتے ہوئے ان مسائل کو جلد از جلد حل کرنیکا مطالبہ کیا۔ اسلام ٹائمز۔ مجلس وحدت مسلمین پاکستان کے ایک اعلیٰ سطحی وفد نے مجلس وحدت مسلمین بلوچستان کے رہنماء علامہ علی حسنین حسینی کی سربراہی میں سوئی سدرن گیس کمپنی کے ڈپٹی جنرل مینجر محمد راحیل سے اہم ملاقات کی۔ ایم ڈبلیو ایم کے بیان کے مطابق یہ ملاقات شہریوں کو درپیش گیس سے متعلق عوامی مسائل کے حل کے سلسلے میں منعقد ہوئی، جس میں مختلف علاقوں میں عوام کو پیش آنے والی مشکلات پر تفصیلی تبادلۂ خیال کیا گیا۔ وفد نے بالخصوص مالی باغ آفس کی بندش کے بعد عوام کو درپیش مسائل اور شکایات کے ازالے کے لیے فوری اور مؤثر اقدامات اٹھانے پر زور دیا۔ علامہ علی حسنین حسینی نے اس بات پر گہری تشویش کا اظہار کیا کہ مالی باغ آفس کی بندش کے باعث شہریوں کو نہ صرف دفتری امور میں دشواریوں کا سامنا ہے، بلکہ شکایات کے بروقت حل میں بھی رکاؤٹیں پیدا ہو رہی ہیں۔
اس موقع پر موسم سرما کے پیش نظر مختلف علاقوں میں گیس پریشر میں کمی کے مسئلے پر بھی تفصیلی گفتگو کی گئی۔ علامہ علی حسنین حسینی نے کہا کہ سردیوں میں گیس پریشر کی کمی عام شہریوں کے لیے شدید مشکلات کا باعث بنتی ہے، لہٰذا اس مسئلے کا بروقت حل عوامی سہولت کے لئے نہایت ضروری ہے۔ ایم ڈبلیو ایم کے وفد نے سوئی سدرن گیس کمپنی کے حکام سے مطالبہ کیا کہ وہ عوامی مشکلات کو مدنظر رکھتے ہوئے فوری عملی اقدامات کریں، تاکہ سردیوں کے موسم میں شہریوں کو بلا تعطل گیس کی فراہمی یقینی بنائی جا سکے۔ سوئی سدرن گیس کمپنی کے حکام نے وفد کو یقین دہانی کرائی کہ عوامی سہولت کے پیش نظر تمام ممکنہ اقدامات کیے جائیں گے، اور شہریوں کے مسائل کے حل کے لئے ترجیحی بنیادوں پر اقدامات اٹھائے جائیں گے۔
غربت کا خاتمہ عزتِ نفس اور انصاف کا تقاضا ہے، وزیراعلیٰ سندھ