بیٹری سے متعلق غلط فہمیاں جو فضائی سفر کے لیے خطرہ بن گئیں
اشاعت کی تاریخ: 23rd, October 2025 GMT
بین الاقوامی فضائی نقل و حمل ایسوسی ایشن (IATA) کے ایک تازہ سروے میں انکشاف کیا گیا ہے کہ دنیا بھر کے نصف فضائی مسافر لیتھیئم بیٹریز کے حوالے سے غلط معلومات رکھتے ہیں، جو ہوائی سفر کے لیے سنگین خطرہ بن سکتی ہیں۔
سروے کے مطابق، 50 فیصد مسافر غلطی سے سمجھتے ہیں کہ لیتھیئم بیٹری سے چلنے والے چھوٹے آلات کو چیک اِن بیگ میں رکھا جا سکتا ہے، جبکہ 45 فیصد یہ یقین رکھتے ہیں کہ پاور بینک بھی سامان کے حصے (ہولڈ) میں بھیجے جا سکتے ہیں۔
یہ بھی پڑھیے چین میں پاور بینکس کے ساتھ فضائی سفر پر پابندی کیوں لگائی گئی؟
مزید برآں، ایک تہائی (33%) مسافروں کو بڑی بیٹریوں اور اضافی پاور بینکس سے متعلق قوانین کا علم نہیں جو ممکنہ طور پر جہاز میں آگ لگنے جیسے خطرناک حادثات کا باعث بن سکتا ہے۔
آئی اے ٹی اے کی وارننگ: بیٹریز محفوظ ہیں، مگر غلط استعمال خطرناک ہےآئی اے ٹی اے، جو دنیا کی 350 سے زائد ایئر لائنز کی نمائندگی کرتی ہے، نے واضح کیا کہ لیتھیئم بیٹریاں اگرچہ محفوظ ہیں، لیکن غلط پیکنگ یا نقصان کی صورت میں یہ حادثات کو جنم دے سکتی ہیں۔ یہ غلط فہمیاں واضح اور درست رہنمائی کی شدید ضرورت کو ظاہر کرتی ہیں۔
ان غلط فہمیوں کے ازالے کے لیے آئی اے ٹی اے نے کثیر لسانی ڈیجیٹل آگاہی مہم شروع کی ہے، جس میں دلچسپ ویڈیوز اور گرافکس کے ذریعے مسافروں کو جہاز میں بیٹری کے درست استعمال کے بارے میں آگاہ کیا جا رہا ہے۔
یہ رہنمائی مواد ایئر لائنز کی ویب سائٹس، موبائل ایپس، اور سوشل میڈیا پر دستیاب ہوگی۔
بیٹری کے ساتھ سفر، 7اہم حفاظتی اصولکم سے کم بیٹریاں رکھیں: صرف وہی آلات لائیں جن کی واقعی ضرورت ہے۔
خبردار رہیں: اگر کوئی آلہ گرم ہو، دھواں دے یا خراب لگے تو فوراً عملے کو اطلاع دیں۔
بیٹری سائز چیک کریں: 100 واٹ گھنٹے سے بڑی بیٹریوں (جیسے ڈرون یا پاور ٹولز میں استعمال ہونے والی) کے لیے ایئرلائن سے اجازت لیں۔
آلات اپنے پاس رکھیں: موبائل، لیپ ٹاپ، کیمرہ اور پاور بینک کو کبھی بھی چیک اِن بیگ میں نہ رکھیں۔
گیٹ پر احتیاط: اگر آپ کا ہینڈ بیگ ہولڈ میں بھیجا جا رہا ہو، تو اس سے پہلے تمام بیٹریاں نکال لیں۔
ڈھیلی بیٹریوں کی حفاظت: اضافی بیٹریاں یا پاور بینک اصل پیکنگ میں رکھیں یا ٹرمینلز کو ٹیپ سے ڈھانپ دیں۔
ایئر لائن سے تصدیق کریں: مختلف ممالک کے قوانین مختلف ہو سکتے ہیں، اس لیے اپنی ایئرلائن کی پالیسی ضرور دیکھیں۔
آئی اے ٹی اے کے ترجمان نے کہا کہ لیتھیئم بیٹریوں کے غلط استعمال سے جہاز میں آگ لگنے کے واقعات بڑھ رہے ہیں، اس لیے ایئر لائنز کو چاہیے کہ وہ رہنمائی کے مواد کو وسیع پیمانے پر مسافروں تک پہنچائیں۔
یہ بھی پڑھیے سائنسدانوں نے ہوائی سفر مزید محفوظ بنا دیا، نئی ٹیکنالوجی متعارف
ان کا کہنا ہے کہ یہ اشیاء درست طریقے سے استعمال کی جائیں تو محفوظ ہیں، لیکن معمولی لاپرواہی بھی جان لیوا ثابت ہو سکتی ہے۔
یاد رہے کہ آئی اے ٹی اے دنیا بھر کی ایئر لائنز کی نمائندہ تنظیم ہے جو عالمی فضائی ٹریفک کا 80 فیصد سے زائد حصہ کور کرتی ہے۔
اس کا مقصد ایوی ایشن انڈسٹری میں حفاظت، کارکردگی اور آگاہی کو فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی فضائی سفر میں احتیاطیں.ذریعہ: WE News
کلیدی لفظ: ٹیکنالوجی فضائی سفر میں احتیاطیں لیتھیئم بیٹری آئی اے ٹی اے ایئر لائنز کے لیے
پڑھیں:
پاور سیکٹر میں اصلاحات، بجلی کمپنیوں کی نجکاری، الیکٹرک وہیکل چارجنگ سستی کرینگے: اویس لغاری
اسلام آباد (اپنے سٹاف رپورٹر سے) وفاقی وزیر برائے توانائی سردار اویس احمد خان لغاری نے کہا کہ پاکستان توانائی کے شعبے میں تیز رفتار اصلاحات اور صاف توانائی کے فروغ کے ذریعے خطے میں ایک اہم قائدانہ کردار ادا کر رہا ہے، حکومت پاور سیکٹر کی بحالی اور جدت کے لیے بڑے پیمانے پر اصلاحات کر رہی ہے۔ ان خیالات کا اظہار انہوں نے لاہور یونیورسٹی آف مینجمنٹ سائنسز (لمز) میں دوسری ایشیاء انرجی ٹرانزیشن سمٹ سے بذریعہ زوم خطاب کرتے ہوئے کیا۔ اس موقع پر سابق وفاقی وزیر خزانہ ڈاکٹر شمشاد اختر، سابق جسٹس منصور علی شاہ، پروگرام ڈائریکٹر مصطفیٰ امجد، ڈاکٹر طارق جدون، ڈاکٹر عمیس عبدالرحمان، حمزہ علی ہارون سمیت ملکی و غیر ملکی ماہرین اور طلبہ کی کثیر تعداد موجود تھی۔ انہوں نے کہا کہ دنیا اس وقت توانائی اور موسمیاتی حکمرانی کے ایک نازک موڑ پر کھڑی ہے۔ انہوں نے کہا کہ ایشیا دنیا کی 48 فیصد توانائی کھپت کا مرکز ہے جبکہ عالمی آبادی کا 60 فیصد براعظم ایشیا میں رہتا ہے، جس سے یہ خطہ عالمی انرجی ٹرانزیشن کا محور بن چکا۔ وزیرِ توانائی کے مطابق ایشیا میں قابلِ تجدید توانائی میں سرمایہ کاری گزشتہ دہائی میں900 فیصد تک بڑھ چکی ہے۔ انہوں نے کہا کہ پاکستان میں عوامی سطح پر ہونے والی سولر ریولوشن غیر معمولی رفتار سے آگے بڑھی ہے اور اب تک 50 گیگا واٹ کے قریب سولر پینلز ملک میں درآمد ہو چکے ہیں۔ وزیرِ توانائی نے کہا کہ پاکستان اس وقت اپنی 52 فیصد بجلی صاف اور قابلِ تجدید ذرائع سے حاصل کر رہا ہے جبکہ 2035ء تک اس حصہ کو 90 فیصد سے زائد تک لے جانے کا ہدف مقرر کیا گیا ہے۔ انہوں نے کہا کہ حکومت پاور سیکٹر کی بحالی اور جدت کے لیے بڑے پیمانے پر اصلاحات کر رہی ہے، جن میں ڈسکوز کی نجکاری، سمارٹ میٹرنگ، بجلی کی ترسیل نظام کی ڈیجیٹلائزیشن، سرکلر ڈیٹ میں کمی، 118 ہیلپ لائن کا قیام، نیشنل گرڈ کی تنظیمِ نو، زرعی ٹیوب ویلوں کی سولرائزیشن اور الیکٹرک وہیکل چارجنگ ٹیرف میں کمی جیسے اقدامات شامل ہیں۔ وفاقی وزیر منصوبہ بندی و ترقی پروفیسر احسن اقبال نے کہا کہ موسمیاتی تبدیلی دنیا کے لیے سب سے بڑا چیلنج ہے۔ پاکستان نے ترقی یافتہ ممالک اور بین الاقوامی مالیاتی اداروں پر زور دیا کہ وہ کلائمیٹ فنانسنگ میں اپنا کردار بڑھائیں۔
وزیراعظم لندن سے وطن واپس پہنچ گئے