تھریڈز میں گروپ چیٹس کا فیچر صارفین کیلئے متعارف
اشاعت کی تاریخ: 17th, October 2025 GMT
میٹا نے تھریڈز میں گروپ چیٹس کا فیچر متعارف کرا دیا ہے۔
اب اس سوشل میڈیا پلیٹ فارم کے صارفین متعدد دوستوں سے بیک وقت چیٹ کرسکیں گے اور ہر ایک کو الگ الگ ڈائریکٹ میسجز بھیجنے کی ضرورت نہیں ہوگی۔
میٹا کے مطابق تھریڈز صارفین ایک نئے میسج کے ذریعے گروپ چیٹ کو تشکیل دے سکتے ہیں۔
اس گروپ چیٹ میں وہ 50 ایسے افراد کو ایڈ کرسکتے ہیں جو ان کو فالو کر رہے ہوں گے۔
گروپ چیٹ کا نام بھی تبدیل کیا جاسکتا ہے تاکہ اس کے موضوع کا تعین ہوسکے۔
یہ سارا عمل فیس بک میسنجر کے گروپ میسجز جیسا ہی ہے۔
کمپنی کے مطابق گروپ چیٹ سپورٹ کو دنیا بھر میں متعارف کرانے کا سلسلہ شروع ہوگیا ہے، مگر برطانیہ اور آسٹریلیا میں اسے پیش نہیں کیا جا رہا۔
میٹا کے ایک ترجمان نے بتایا کہ مستقبل میں تھریڈز صارفین کے لیے ان باکس منیجمنٹ ٹولز کو بہتر بنایا جائے گا اور وہ تھریڈز صارفین کو گروپ چیٹس کا حصہ بننے کی دعوت ایک لنک شیئر کرکے دے سکیں گے۔
گروپ میسجنگ کا فیچر اس وقت متعارف کرایا گیا ہے جب تھریڈز کی جانب سے ڈائریکٹ میسجز کا فیچر یورپی یونین میں پیش کیا جا رہا ہے۔
.ذریعہ: Daily Mumtaz
پڑھیں:
میٹا کا بڑا فیصلہ: 15 دسمبر سے میسنجر ڈیسک ٹاپ ایپ مکمل بند کرنے کا اعلان
data-id="863a0a8" data-element_type="widget" data-widget_type="theme-post-content.default">
سان فرانسسکو: میٹا نے اپنے صارفین کے لیے ایک اہم اور غیر متوقع اعلان کرتے ہوئے بتایا ہے کہ میک او ایس اور ونڈوز پر چلنے والی میسنجر کی ڈیسک ٹاپ ایپس کو 15 دسمبر 2025 سے بند کیا جا رہا ہے۔
اس فیصلے کے بعد کمپیوٹر استعمال کرنے والے صارفین صرف فیس بک یا میسنجر کی آفیشل ویب سائٹس کے ذریعے ہی چیٹ کر سکیں گے۔
میٹا کے ترجمان کے مطابق صارفین کو اس تبدیلی کے بارے میں جلد ہی نوٹیفکیشن موصول ہوگا، جس کے بعد ڈیسک ٹاپ ایپ تک رسائی ممکن نہیں رہے گی، تاہم کمپنی نے اس اقدام کی کوئی واضح وجہ بیان نہیں کی۔
ماہرین کا خیال ہے کہ میٹا کی توجہ اب زیادہ تر موبائل پلیٹ فارمز اور ویب بیسڈ چیٹنگ کے تجربے پر مرکوز ہو چکی ہے، کیونکہ زیادہ تر صارفین اب انہی ذرائع کو استعمال کرتے ہیں۔
میٹا سپورٹ پیج پر جاری تفصیلات کے مطابق صارفین کو اپنی چیٹس محفوظ رکھنے کے لیے “سکیور اسٹوریج” کو فعال کرنا ہوگا۔ اس کے لیے صارفین کو ڈیسک ٹاپ ایپ میں پروفائل پکچر کے اوپر موجود گیئر آئیکون پر جا کر “پرائیویسی اینڈ سیفٹی” میں جانا ہوگا، پھر “اینڈ ٹو اینڈ انکرپٹڈ چیٹس” کے آپشن میں جا کر “میسج اسٹوریج” پر کلک کریں اور وہاں “ٹرن آن سکیور اسٹوریج” کو فعال کر دیں۔
اس کے ساتھ ایک پن کوڈ بھی سیٹ کرنا ہوگا تاکہ چیٹس محفوظ انداز میں آرکائیو ہو جائیں۔
یاد رہے کہ میٹا نے پہلی بار 2014 میں میسنجر کو فیس بک سے الگ کیا تھا تاکہ صارفین کو ایک خصوصی میسجنگ پلیٹ فارم فراہم کیا جا سکے۔ بعد ازاں کمپنی نے انسٹاگرام اور میسنجر کو یکجا کرنے کی کوشش بھی کی مگر یہ تجربہ کامیاب نہیں ہوا۔ اب ڈیسک ٹاپ ایپس کی بندش سے عندیہ ملتا ہے کہ میٹا اپنی ترجیحات بدل چکا ہے اور موبائل ایپلیکیشنز کو ہی مستقبل کی بنیاد بنانا چاہتا ہے۔
ٹیکنالوجی ماہرین کے مطابق یہ فیصلہ میٹا کی پالیسی میں بڑی تبدیلی کی علامت ہے، جو نہ صرف اس کی پراڈکٹ اسٹریٹیجی پر اثر ڈالے گا بلکہ صارفین کے استعمال کے انداز کو بھی تبدیل کرے گا۔
گورنر خیبر پختونخوا نے علی امین گنڈاپور کا استعفیٰ اعتراض لگا کر واپس کردیا