حالیہ سیلاب سے پاکستانی معیشت کو 822 ارب کا نقصان، 65 لاکھ سے زائد افراد متاثر
اشاعت کی تاریخ: 17th, October 2025 GMT
پاکستان کی معیشت کو حالیہ سیلابوں کے باعث 822ارب روپے کے بھاری نقصانات کا سامنا کرنا پڑا ہے، جن سے ملک کے 70اضلاع میں 65لاکھ سے زائد افراد متاثر ہوئے۔منصوبہ بندی اور اقتصادی امور ڈویژن کی سرکاری دستاویزات کے مطابق سیلاب کے باعث زراعت اور انفرا اسٹرکچر (بنیادی ڈھانچہ)سب سے زیادہ متاثر ہونے والے شعبے ہیں۔ رپورٹ میں کہا گیا ہے کہ پاکستان کو اپنی تاریخ کے شدید ترین مون سون سیلابوں میں سے ایک کا سامنا ہے، جس سے انفرا اسٹرکچر، روزگار، اور بنیادی خدمات کو تباہ کن نقصان پہنچا۔ابتدائی تخمینوں میں نقصان 744ارب روپے بتایا گیا تھا، جو اب بڑھ کر 822ارب روپے تک جا پہنچا ہے۔رپورٹ کے مطابق سیلابوں سے 229763مکانات کو نقصان پہنچا، جن میں سے 59258مکمل طور پر تباہ اور 170505جزوی طور پر متاثر ہوئے،آفت کے نتیجے میں 1037افراد جاں بحق اور 1067زخمی ہوئے۔
.ذریعہ: Nawaiwaqt
پڑھیں:
سونا ریکارڈ مہنگا، فی تولہ کی قیمت میں 14ہزار روپے سے زائد کا ضافہ
کراچی (اردو پوائنٹ تازہ ترین اخبار ۔ 17 اکتوبر 2025ء ) ملک میں سونا ایک بار پھر تاریخی بلندی پر جا پہنچا، فی تولہ قیمت میں 14 ہزار روپے سے زائد اضافہ ریکارڈ، جبکہ عالمی مارکیٹ میں فی اونس سونا 141 ڈالر مہنگا ہوگیا۔ آل پاکستان صرافہ جیمز اینڈ جیولرز ایسوسی ایشن کے مطابق جمعے کو 24 قیراط کا فی تولہ سونا 14 ہزار 100 روپے کے بڑے اضافے کے بعد تاریخ کی بلند ترین سطح 4 لاکھ 56 ہزار 900 روپے پر پہنچ گیا، جو گزشتہ کاروباری روز 4 لاکھ 42 ہزار 800 روپے تھا۔ اسی طرح 24 قیراط کا 10 گرام سونا 12 ہزار 89 روپے کے اضافے سے 3 لاکھ 91 ہزار 718 روپے کا ہوگیا، جو گزشتہ روز 3 لاکھ 79 ہزار 629 روپے تھا، جبکہ 22 قیراط کا 10 گرام سونا 11 ہزار 82 روپے کے اضافے سے 3 لاکھ 59 ہزار 87 روپے تک پہنچ گیا، جو پہلے 3 لاکھ 48 ہزار 5 روپے تھا۔(جاری ہے)
بین الاقوامی مارکیٹ میں بھی سونے کی فی اونس قیمت میں 141 ڈالر کا اضافہ ہوا، جس کے بعد یہ فی اونس 4 ہزار 358 ڈالر ہوگئی، جو گزشتہ روز 4 ہزار 217 ڈالر تھی۔
اسی طرح فی تولہ 24 قیراط چاندی کی قیمت 167 روپے بڑھ کر 5 ہزار 504 روپے ہوگئی، جو پہلے 5 ہزار 337 روپے تھی، جبکہ 10 گرام چاندی 143 روپے کے اضافے سے 4 ہزار 718 روپے ہوگئی، جو گزشتہ روز 4 ہزار 575 روپے تھی۔ ایسوسی ایشن کے مطابق عالمی مارکیٹ میں چاندی کی قیمت بھی 1.67 ڈالر کے اضافے کے بعد فی اونس 54.17 ڈالر تک جا پہنچی۔
رانا ثنا کی سیاسی جماعتوں کو میثاق استحکام، سر جوڑ کر بیٹھنے کی دعوت