تاریخی چوری، 102 ملین ڈالر مالیت کے شاہی زیورات 4 چور 4 منٹ میں لے اڑے
اشاعت کی تاریخ: 23rd, October 2025 GMT
دن دہاڑے ہونے والی فلمی انداز کی ایک چوری نے فرانس کو ہلا کر رکھ دیا ہے۔ لوور میوزیم (Louvre Museum) سے 102 ملین ڈالر مالیت کے تاریخی شاہی زیورات چوری ہو گئے۔ ماہرین کا کہنا ہے کہ یہ قیمتی جواہرات شاید اب کبھی بازیاب نہ ہوں۔
چوری ہونے والے نوادرات میں 2 تاج، 2 بروچ، ایک نیلم ہار، ایک جوڑا کان کی بالیوں کا، ایک سنگِ زمرد کا ہار اور ایک اکیلی بالی شامل ہیں۔
یہ تمام اشیاء انیسویں صدی کی شاہی جواہراتی کاریگری کی بہترین مثالیں سمجھی جاتی ہیں، جو صرف زیبائش نہیں بلکہ فرانسیسی طاقت اور ثقافتی وقار کی علامت تھیں۔
4 منٹ کی کارروائی، فرار موٹربائیکس پرفرانسیسی استغاثہ کے مطابق، 4 نقاب پوش افراد نے اتوار کی صبح صرف 4 منٹ میں یہ چوری انجام دی۔
2 افراد نے چیری پِکر لفٹ کے ذریعے گالری دی آپولون (Galerie d’Apollon) میں داخل ہو کر شیشے کے کیس توڑے، جبکہ باقی 2 موٹربائیکس پر فرار ہو گئے۔
چوروں نے صبح 9:34 بجے داخل ہو کر 9:38 پر فرار اختیار کیا، اور اس دوران ایک تاج سڑک پر گرا کر چلے گئے جو بعد میں ٹوٹا ہوا حالت میں ملا۔
چوری شدہ خزانے: نپولین اور ایوجینی کے جواہرات غائبچوری ہونے والی اشیاء میں شامل ہیں:
نپولین سوم کی جانب سے ملکہ ایوجینی کو شادی پر دیا گیا موتیوں اور 2 ہزار ہیروں سے مزین تاج۔
نیلم اور ہیرے سے جڑا تاج اور ایک ہار و بالی جو ملکہ میری امیلی نے بھی پہنے۔
نپولین بوناپارٹ کی دوسری بیوی ماری لوئیز آف آسٹریا کے لیے تیار کیا گیا زمرد اور ہیروں کا ہار اور جوڑا بالیوں کا۔
ایوجینی کی ملکیت ایک ہیروں سے مزین بروچ اور بڑا بوڈیس بو۔
یہ تمام جواہرات فرانسیسی شاہی کلیکشن کا حصہ تھے جنہیں 1887 کی نیلامی سے بچا لیا گیا تھا۔
یورپی ڈائمنڈ ماہر ٹوبیاس کورمِند نے کہا کہ اگر ان قیمتی جواہرات کو الگ کر کے فروخت کر دیا گیا تو یہ ہمیشہ کے لیے تاریخ سے مٹ جائیں گے۔
ماہرین کے مطابق، چور ممکنہ طور پر ان جواہرات کو توڑ کر الگ الگ فروخت کریں گے تاکہ وہ قابلِ شناخت نہ رہیں۔
آرٹ ریکوری انٹرنیشنل کے ماہر کرسٹوفر مارینیلو نے کہا کہ یہ کوئی فلمی ’چوری برائے کسی خفیہ کلیکٹر‘ نہیں تھی۔ یہ عام جرائم پیشہ لوگ ہیں جو بس جو کچھ ملے چرا لیتے ہیں۔
یہ واقعہ فرانس کے لیے قومی شرمندگی کا باعث بن گیا ہے۔ رکنِ پارلیمنٹ ماکسیم مشلے نے کہا کہ ایوجینی کا تاج جو چوری کے بعد ٹوٹا ہوا نالی میں پایا گیا، اب ایک ایسے ملک کی علامت بن گیا ہے جو اپنی شان و شوکت کھو چکا ہے۔
لوور میوزیم پہلے ہی سیاحوں کے ہجوم، پرانے نظام اور احتجاج کرنے والے ملازمین کی وجہ سے دباؤ میں تھا۔ اب یہ نیا واقعہ حکومت کے لیے ایک اور بحران بن گیا ہے۔
“لوپن” کی حقیقت: چوری یا تخیل؟دلچسپ بات یہ ہے کہ چوری Netflix کے مشہور فرانسیسی شو ’Lupin‘ کی یہ کہانی سے حیرت انگیز حد تک ملتی جلتی ہے، جس میں بھی لوور سے شاہی تاج چوری کیا جاتا ہے۔
تاہم حقیقی دنیا میں، ماہرین کا کہنا ہے کہ ایسے چور زیادہ تر دولت کے لالچی ہوتے ہیں، نہ کہ کسی ’آرٹ کلیکٹر‘ کے لیے کام کرنے والے۔
ڈچ آرٹ ڈیٹیکٹیو آرتھر برانڈ کے مطابق ’یہ جواہرات اب اتنے مشہور ہو چکے ہیں کہ کوئی بھی انہیں خریدنے کی ہمت نہیں کرے گا۔ آپ انہیں نہ بیچ سکتے ہیں، نہ اپنی اولاد کو دے سکتے ہیں۔ یہ بس غائب ہو جائیں گے۔‘
فرانسیسی حکومت نے زیورات چوروں کا کھوج لگانے کے لیے 100 سے زائد تفتیش کاروں کو تعینات کیا ہے، مگر ماہرین کو خدشہ ہے کہ چور پہلے ہی جواہرات کو الگ کر کے بین الاقوامی بلیک مارکیٹ میں بھیج چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فرانس ملکہ ایوجینی نپولین بونا پارٹ.
ذریعہ
ذریعہ: WE News
کلیدی لفظ: ملکہ ایوجینی نپولین بونا پارٹ کہ ایوجینی سکتے ہیں کے لیے
پڑھیں:
بلوچستان کی ترقی قومی ترجیح، وسائل کی منصفانہ تقسیم کے لیے تاریخی فیصلے کیے، وزیراعظم شہباز شریف
وزیراعظم شہباز شریف نے کہا ہے کہ بلوچستان پاکستان کا رقبے کے لحاظ سے سب سے بڑا اور انتہائی اہم صوبہ ہے، جس کے عوام نے قیامِ پاکستان سے لے کر آج تک ملک کی ترقی اور استحکام میں کلیدی کردار ادا کیا ہے۔ انہوں نے کہا کہ وفاقی حکومت بلوچستان کی ترقی، خوشحالی اور عوام کی فلاح کو قومی ترجیح سمجھتی ہے اور وسائل کی منصفانہ تقسیم کے لیے ماضی میں بھی اہم فیصلے کیے گئے، جنہیں آئندہ بھی جاری رکھا جائے گا۔
بلوچستان نیشنل ورکشاپ کے شرکاء سے خطاب کرتے ہوئے وزیراعظم نے کہا کہ 1947 میں بلوچستان کی مختلف ریاستوں نے منظم انداز میں پاکستان میں شمولیت اختیار کی، جبکہ 1948 میں بلوچ اور پشتون قبائلی و سیاسی قیادت نے قائداعظم محمد علی جناح کی قیادت پر اعتماد کا اظہار کرتے ہوئے پاکستان کا حصہ بننے کا فیصلہ کیا۔ انہوں نے کہا کہ بلوچستان کی مخلص قیادت نے ذاتی مفادات پر قومی مفاد کو ترجیح دی، جس کے نتیجے میں صوبہ ملک کی تعمیر و ترقی کے سفر میں شریک ہوا۔
وزیراعظم نے کہا کہ اگرچہ آبادی کے لحاظ سے بلوچستان ملک کا سب سے چھوٹا صوبہ ہے، تاہم جغرافیائی اعتبار سے یہ سب سے بڑا صوبہ ہے، جہاں شہر، قصبے اور دیہات ایک دوسرے سے طویل فاصلے پر واقع ہیں۔ یہی وجہ ہے کہ وہاں تعلیم، صحت، انفراسٹرکچر اور دیگر بنیادی سہولتوں کی فراہمی کے لیے نسبتاً زیادہ وسائل درکار ہوتے ہیں۔
شہباز شریف نے کہا کہ 2010 کے قومی مالیاتی کمیشن (این ایف سی) ایوارڈ میں بلوچستان کے مالی حقوق کو تسلیم کرتے ہوئے اس کے حصے میں نمایاں اضافہ کیا گیا۔ انہوں نے بتایا کہ دیگر صوبوں، خصوصاً پنجاب نے رضاکارانہ طور پر بلوچستان کے حق میں فیصلہ کیا، جبکہ پنجاب نے سالانہ 11 ارب روپے اضافی حصہ دینے کی ذمہ داری قبول کی۔
وزیراعظم نے کہا کہ یہ کسی قسم کا احسان یا رعایت نہیں تھی بلکہ ایک خاندان کی طرح بھائی چارے اور قومی یکجہتی کے جذبے کے تحت کیا گیا فیصلہ تھا۔ انہوں نے بتایا کہ پنجاب 2010 سے اب تک بلوچستان کے لیے تقریباً 150 ارب روپے کا اضافی حصہ فراہم کر چکا ہے، جو وفاق اور صوبوں کے درمیان تعاون اور یکجہتی کی بہترین مثال ہے۔
انہوں نے اس عزم کا اظہار کیا کہ بلوچستان کی پائیدار ترقی، عوام کی خوشحالی اور صوبے میں ترقیاتی منصوبوں کی تکمیل کے لیے وفاقی حکومت ہر ممکن تعاون جاری رکھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم