اسحاق ڈار کی پولینڈ کے ہم منصب کیساتھ مشترکہ پریس کانفرنس، تعلقات کو نئی بلندیوں تک لے جانے کا عزم
اشاعت کی تاریخ: 23rd, October 2025 GMT
پاکستان کے ڈپٹی وزیراعظم و وزیر خارجہ اور پولینڈ کے ڈپٹی وزیراعظم و وزیر خارجہ نے مشترکہ پریس اسٹیک آؤٹ کیا، اس موقع پر دونوں رہنماؤں کا کہنا تھا کہ دونوں ملک باہمی احترام اور مساوی شراکت کی بنیاد پر اپنے تعلقات کو نئی بلندیوں تک لے جائیں گے۔
یہ بھی پڑھیں:اسحاق ڈار سے یورپی یونین کے نئے سفیر کی ملاقات، دوطرفہ تعلقات مضبوط بنانے پر اتفاق
پریس کانفرنس میں میں دونوں ممالک نے دوطرفہ تعلقات کو مزید مستحکم بنانے اور علاقائی و عالمی امور پر اشتراکِ عمل کی اہمیت پر زور دیا۔
Deputy Prime Minister / Foreign Minister Senator Mohammad Ishaq Dar @MIshaqDar50 received the Deputy Prime Minister & Foreign Minister of Poland H.
The two leaders held a tête-à-tête meeting and exchanged… pic.twitter.com/OlKaBF1h2e
— Ministry of Foreign Affairs – Pakistan (@ForeignOfficePk) October 23, 2025
پریس کانفرنس کے دوران بتایا گیا کہ اس ملاقات کا مقصد اقتصادی، تجارتی اور سیاسی شراکت داری کو فروغ دینا ہے، خاص طور پر توانائی، انفراسٹرکچر، اور دفاعی شعبوں میں تعاون کے امکانات پر بات چیت ہوئی۔
دونوں رہنماؤں نے کہا کہ دونوں ملک باہمی احترام اور مساوی شراکت کی بنیاد پر اپنے تعلقات کو نئی بلندیوں تک لے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: تعلقات کو
پڑھیں:
پاک فضائیہ کی بنیاد رکھنے میں پولینڈ کا اہم کردار ہے، اسحاق ڈار
نائب وزیر اعظم اسحاق ڈار کا کہنا ہے کہ پاکستان پولینڈ کے ساتھ تعلقات کو بہت اہمیت دیتا ہے، پاک فضائیہ کی بنیاد رکھنے میں پولینڈ کا اہم کردار ہے۔
پولینڈ کے نائب وزیراعظم اور وزیرخارجہ رادوسواف شکورسکی کے ہمراہ مشترکہ پریس بریفنگ میں اسحاق ڈار نے کہا کہ نائب وزیراعظم پولینڈ کے دورۂ پاکستان کا خیر مقدم کرتے ہیں، پاکستان اور پولینڈ کے درمیان تاریخی اور منفرد تعلق قائم ہے۔
انہوں نے کہا کہ پاکستان پولینڈ کو اپنا اہم شراکت دار سمجھتا ہے، وفود کی سطح پر مذاکرات میں دوطرفہ تعلقات کو مزید مستحکم کرنے پر اتفاق ہوا، دونوں ملکوں کے درمیان تجارت اور تعاون کے فروغ کے بے پناہ مواقع موجود ہیں۔
اسحاق ڈار کا کہنا تھا کہ پولینڈ کے وزیر خارجہ رادوسواف شکورسکی کا استقبال کر کے مسرت ہوئی، یہ ان کا پاکستان کا دوسرا دورہ ہے، ان کےلیے یہ خطہ اجنبی نہیں ہے۔
اسحاق ڈار نے کہا کہ علاقائی روابط کا فروغ اجتماعی ترقی کے لیے ناگزیر ہے۔
وزیر خارجہ نے مزید کہا کہ پاکستان نے دوسری جنگ عظیم میں ہزاروں پولش مہاجرین کو پناہ دی، پولش ایئر فورس افسر نے پاک فضائیہ میں خدمات سرانجام دیں۔
نائب وزیراعظم کا کہنا تھا کہ آج باہمی تعاون اور آئی ایس ایس آئی اور پولش انسٹی ٹیوٹ کے درمیان تعاون پر مفاہمتی یادشتوں پر بات ہوئی۔ رادوسواف شکورسکی کا دورہ پاک پولش تعلقات میں بہتری کے لیے سنگ میل ہے۔
ان کا کہنا تھا کہ ہم نے فتنہ الخوارج کے پاکستان پر حملوں پر تحفظات کا اظہار کیا۔
شاندار میزبانی پر پاکستان کا شکریہ ادا کرتا ہوں: نائب وزیراعظم پولینڈپریس کانفرنس کے دوران نائب وزیراعظم پولینڈ رادوسواف شکورسکی نے کہا کہ شاندار میزبانی پر پاکستان کا شکریہ ادا کرتا ہوں، نائب وزیراعظم اسحاق ڈار کے ساتھ مفید بات چیت ہوئی۔
انہوں نے کہا کہ تجارت، معیشت سمیت دیگر شعبوں میں تعاون پر تبادلہ خیال ہوا۔ معدنیات اور توانائی کے شعبے میں تعاون پر بھی بات چیت ہوئی، پاکستان اور پولینڈ کے درمیان تعاون کی یادداشتوں پر دستخط خوش آئند ہے۔
ان کا کہنا تھا کہ اقوام متحدہ کے چارٹر کے تحت غزہ میں امن چاہتے ہیں، پولینڈ مستحکم اور پُرامن جنوبی ایشیا کا خواہاں ہے۔
واضح رہے کہ اس سے قبل پاکستان اور پولینڈ کے درمیان مفاہمت کی یادداشتوں پر دستخط کی تقریب ہوئی جس میں پاکستان اور پولینڈ کے نائب وزرائے اعظم نے شرکت کی۔
پی ٹی آئی کی محبت میں سرکاری نوکری چھوڑنے والے شخص عمران خان کے بارے میں اب کیا کہتے ہیں؟