ہم ایران کیساتھ بہتر اور پائیدار تعلقات کے خواہاں ہیں، عراق
اشاعت کی تاریخ: 7th, December 2025 GMT
دوحہ ایکسپو 2025ء میں فؤاد حسین کا کہنا تھا کہ بغداد، کوشش کرتا ہے کہ امریکہ و ایران کے درمیان صورتحال بہتر رہے۔ اسلام ٹائمز۔ عراق کے وزیر خارجہ "فؤاد حسین" نے دوحہ ایکسپو 2025ء میں اس بات پر زور دیا کہ وہ واشنگٹن اور تہران کے ساتھ تعلقات میں توازن برقرار رکھنا چاہتے ہیں۔ انہوں نے کہا کہ ایک جانب عراق، امریکہ سے اسٹریٹجک تعلقات رکھتا ہے تو دوسری جانب ایران ہمارا ہمسایہ بھی ہے۔ اسی لئے بغداد کی ہمیشہ کوشش رہی ہے کہ وہ دونوں کے ساتھ اپنے تعلقات کو مستحکم اور پائیدار بنائے۔ فؤاد حسین نے متنبہ کیا کہ ہمسایہ اور دوست ممالک کے درمیان کسی بھی قسم کی کشیدگی، براہ راست عراق کے سیاسی منظرنامے کو متاثر کرے گی۔ انہوں نے یاد دلایا کہ ماضی میں بھی ان دو اہم عناصر کے درمیان تناو کے عراق پر داخلی اثرات مرتب ہوئے تھے۔ اس لئے بغداد ان دونوں ممالک کے درمیان پارٹی بننے سے گریز کرتا ہے اور ساتھ ہی کوشش کرتا ہے کہ امریکہ و ایران کے درمیان صورت حال بہتر رہے۔ اس امر کے لئے ضروری ہے کہ دقیق اور پیشہ وارانہ اقدامات کئے جائیں تاکہ دونوں فریقین کے ساتھ دوطرفہ تعلقات کو متوازن اور مستحکم طریقے سے برقرار رکھا جا سکے۔
.
ذریعہ
ذریعہ: Islam Times
کلیدی لفظ: کے درمیان
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم