لاہور،8 ہزار سے زائد دھواں دار گاڑیوں کا چالان
اشاعت کی تاریخ: 25th, October 2025 GMT
لاہور:وزیر ٹرانسپورٹ پنجاب بلال اکبر خان نے کہا ہے کہ دھواں چھوڑنے والی 8 ہزار سے زائد گاڑیوں کا چالان اور 5500 سے زائد گاڑیاں بند کردی گئی ہیں۔
دھواں چھوڑتی اور بغیر فٹنس سرٹیفیکٹ گاڑیوں کے خلاف ٹرانسپورٹ ڈپارٹمنٹ کی غیر معمولی کارروائیوں پر رپورٹ جاری کر دی گئی۔
رپورٹ کے مطابق رواں سال اب تک لاہور میں تقریباً 90 ہزار سے زائد گاڑیوں کا وہیکل انسپکشن اینڈ سرٹیفکیشن سسٹم اسٹیشنز سے معائنہ کیا گیا اور اس دوران معیار پر پورا اترنے والی 55 ہزار گاڑیوں کو فٹنس سرٹیفکیٹ جاری کیے گئے۔
دھواں چھوڑنے والی تقریبا 8 ہزار سے زائد گاڑیوں کا چالان جبکہ 5500 سے زائد گاڑیاں بند کی گئیں۔ بغیر فٹنس سرٹیفیکٹ کے چلنے والی 3500 سے زائد گاڑیاں بھی بند کی گئیں۔
علاوہ ازیں اوورلوڈنگ میں ملوث 14000 سے زائد گاڑیوں کے چالان جبکہ جاری کارروائیوں کے دوران مجموعی طور پر 8 کروڑ 50 لاکھ روپے کے جرمانے عائد کیے گئے۔مختلف خلاف ورزیوں پر 2200 گاڑیوں کے خلاف مقدمات درج جبکہ 1800 ڈرائیورز و گاڑی مالکان گرفتار کیے گئے۔
وزیر ٹرانسپورٹ بلال اکبر خان نے 24 گھنٹے دھواں چھوڑتی گاڑیوں کے خلاف کارروائی کی ہدایت کر رکھی ہے اور ایسی گاڑیوں کیساتھ کوئی رعایت نہ برتنے کا اظہار کیا ہے۔
ان کا کہنا تھا کہ ا سموگ کے تدارک کےلیے ضروری ہے کہ مالکان اپنی گاڑیوں کی بر وقت مرمت کروائیں۔ تمام اضلاع میں خلاف ورزی کرنے والوں کو سخت کارروائی کا سامنا کرنا پڑے گا۔اسموگ کا روگ جڑ سے اکھاڑنے کےلیے ہر ضروری اقدام اٹھایا جاتا رہے گا۔
.
ذریعہ: Al Qamar Online
کلیدی لفظ: سے زائد گاڑیوں گاڑیوں کا گاڑیوں کے
پڑھیں:
لاہور میں چھٹی کے دن دودھ اور گوشت کی بڑی مقدار تلف
data-id="863a0a8" data-element_type="widget" data-widget_type="theme-post-content.default">
251208-08-10
لاہور (آن لائن) چھٹی کے دن لاہور میں آنے والے دودھ اور گوشت کی چیکنگ کے دوران ڈی جی پنجاب فوڈ اتھارٹی عاصم جاوید کی ٹیموں نے سخت کریک ڈاؤن کیا۔ علی الصبح لاہور کے داخلی راستوں اور ٹولنٹن مارکیٹ میں سپلائرز اور مارکیٹس کی تفصیلی چیکنگ کی گئی۔اس کارروائی کے دوران ایک لاکھ 50 ہزار لیٹر دودھ، 81 ہزار 500 کلو گوشت، اور 2 ہزار 185 کلو بیمار یا مردہ مرغیاں تلف کی گئیں۔ 25 دودھ بردار گاڑیاں، 20 میٹ گودام اور مختلف سپلائرز کی چیکنگ کی گئی۔ڈی جی فوڈ اتھارٹی عاصم جاوید نے بتایا کہ 8 ملک اینڈ میٹ سپلائرز کو بھاری جرمانے عاید کیے گئے۔ تلف شدہ مرغیاں نزلہ، کم وزن اور مختلف امراض میں مبتلا پائی گئی تھیں۔ بیمار اور کم وزن مرغیاں ٹولنٹن مارکیٹ کی دکانوں پر سپلائی کی جانے والی تھیں۔
وفاق اور صوبوں کے درمیان وسائل کی تقسیم کیلئے قومی مالیاتی کمیشن کا اجلاس آج ہوگا