ٹرمپ اور امیر قطر کی دوحہ میں اہم ملاقات، غزہ میں امن فوج بھیجنے کا امکان
اشاعت کی تاریخ: 26th, October 2025 GMT
امریکی صدر ڈونلڈ ٹرمپ نے ملائیشیا کے دورے کے دوران قطر کے دوحہ میں امیر شیخ تمیم بن حمد الثانی اور وزیراعظم شیخ محمد بن عبدالرحمٰن الثانی سے طیارے میں ملاقات کی۔ اس موقع پر صدر ٹرمپ نے مشرقِ وسطیٰ میں امن کے لیے قطر کے کردار کو سراہا اور کہا کہ “ہم نے مشرق وسطیٰ میں ناقابلِ یقین امن قائم کیا ہے اور قطر نے اس میں اہم کردار ادا کیا ہے۔”
صحافیوں سے گفتگو میں صدر ٹرمپ نے کہا کہ وہ چین کے صدر شی جن پنگ سے ملاقات کے مثبت نتائج کی توقع رکھتے ہیں اور امید کرتے ہیں کہ چین مزید ٹیرف سے بچنے کے لیے معاہدے پر راضی ہو جائے گا۔
غزہ کی صورتحال پر بات کرتے ہوئے صدر ٹرمپ نے کہا کہ جلد ایک ٹاسک فورس تشکیل دی جائے گی اور ضرورت پڑنے پر قطر غزہ میں امن فوج بھیجنے کے لیے تیار ہے۔ انہوں نے حماس سے بھی مطالبہ کیا کہ یرغمالیوں کی لاشیں فوری طور پر واپس کی جائیں، بصورت دیگر امن معاہدے کے شریک ممالک کارروائی کریں گے۔ امریکا اگلے 48 گھنٹوں میں صورتحال پر گہری نظر رکھے گا۔
صدر ٹرمپ کے ایشیا دورے کا مقصد چین، جنوبی کوریا اور جاپان کے سربراہان سے ملاقاتیں کرنا اور شمالی کوریا کے رہنما کم جونگ اُن سے تجارتی و علاقائی مسائل کے حل کے لیے بات چیت کرنا بھی شامل ہے۔
ذریعہ: Daily Mumtaz
کلیدی لفظ: کے لیے
پڑھیں:
امیر جماعت اسلامی کراچی منعم ظفر خان سے پیپلزپارٹی سندھ کے جنرل سیکرٹری سینیٹر وقار مہدی ادارہ نور حق میں ان کے بڑے بھائی کے انتقال پر ملاقات و تعزیت کررہے ہیں
data-id="863a0a8" data-element_type="widget" data-widget_type="theme-post-content.default">
251025-08-37