واٹس ایپ نے اینڈرائیڈ صارفین کے لیے نئے اسٹوریج فیچر کی تیاری شروع کردی
اشاعت کی تاریخ: 26th, October 2025 GMT
واٹس ایپ نے اینڈرائیڈ صارفین کے لیے اسٹوریج مینجمنٹ کو آسان بنانے کے لیے نیا فیچر متعارف کرانے کی آزمائش شروع کر دی ہے۔
ویبیٹا انفو کے مطابق میٹا کی زیرِ ملکیت واٹس ایپ ایک ایسے نئے شارٹ کٹ پر کام کر رہی ہے جو صارفین کو چیٹ ونڈو ہی سے اسٹوریج اسپیس مانیٹر کرنے اور غیر ضروری فائلز حذف کرنے کی سہولت فراہم کرے گا، تاکہ سیٹنگز میں جانے کی ضرورت نہ پڑے۔
یہ بھی پڑھیں: واٹس ایپ صارفین کو نوسربازوں سے بچانے کے لیے میٹا کی منصوبہ بندی
یہ فیچر صارفین کو ان تازہ ترین فائلز کی نشاندہی اور صفائی میں مدد دے گا جو واٹس ایپ اسٹوریج پر قبضہ کیے ہوئے ہیں۔
یہ نیا فیچر واٹس ایپ بیٹا برائے اینڈرائیڈ کے تازہ ترین ورژن میں چند منتخب صارفین کے لیے متعارف کرایا گیا ہے۔ فی الحال یہ سہولت صرف چند بیٹا ٹیسٹرز کے لیے دستیاب ہے، تاہم کمپنی جلد ہی اسے وسیع پیمانے پر متعارف کرانے کا ارادہ رکھتی ہے۔
شیئر کی گئی اسکرین شاٹس کے مطابق نیا شارٹ کٹ وہی اسٹوریج مینجمنٹ آپشنز فراہم کرے گا جو ایپ کی اسٹوریج ٹیب میں موجود ہیں۔
یہ بھی پڑھیں: پاکستان میں واٹس ایپ ہیکنگ سمیت سائبر جرائم میں 35 فیصد اضافہ
اس اپ ڈیٹ کے ذریعے صارفین تمام چیٹس میں شیئر کی گئی فائلز کا خلاصہ دیکھ سکیں گے، جو بڑی سے چھوٹی ترتیب میں ہوں گی تاکہ باآسانی غیر ضروری مواد کی نشاندہی کی جاسکے۔
مزید برآں، صارفین کو ایک ساتھ متعدد فائلز ڈیلیٹ کرنے کی سہولت بھی ملے گی، جبکہ اہم میڈیا فائلز کو حادثاتی طور پر حذف ہونے سے بچانے کے لیے انہیں اسٹار یا پن کیا جا سکے گا۔
یہ اہم اپ ڈیٹ صارفین کے لیے ڈیوائس مینجمنٹ کے عمل کو مزید سہل اور مؤثر بنانے کے لیے تیار کی جا رہی ہے۔
یہ بھی پڑھیں: واٹس ایپ نے کال شیڈول کرنے کی نئی سہولت متعارف کر دی
واضح رہے کہ واٹس ایپ کا یہ نیا اسٹوریج مینجمنٹ شارٹ کٹ فی الحال تیاری کے مرحلے میں ہے اور صرف ان صارفین کے لیے دستیاب ہے جو گوگل پلے بیٹا پروگرام کے ذریعے رجسٹرڈ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹوریج اینڈرائیڈ صارفین فیچر میٹا واٹس ایپ ویبیٹا انفو.ذریعہ: WE News
کلیدی لفظ: اسٹوریج اینڈرائیڈ صارفین فیچر میٹا واٹس ایپ ویبیٹا انفو صارفین کے لیے صارفین کو واٹس ایپ
پڑھیں:
گھریلو صارفین کیلئے صبح تا رات بلاتعطل گیس فراہم کرنے کا اعلان
ویب ڈیسک :سوئی ناردرن گیس کمپنی نے سردیوں میں گھریلو صارفین کو صبح 5 بجے سے رات 10 بجے تک بلاتعطل گیس فراہم کرنے کا اعلان کردیا۔
سوئی ناردرن گیس کمپنی نےگیس فراہمی کاشیڈول واپس لے لیا, نئے شیڈول کے مطابق گھریلو صارفین کوصبح 5 سے رات 10 بجے تک گیس بلا تعطل ملے گی۔
سینئرجنرل مینجر سوئی نادرن گیس جواد نسیم کا کہنا ہے کہ گیس وافر موجود ہے اور گھریلو صارفین ہماری اولین ترجیح ہیں۔
ڈولفن سکواڈ کی کارروائی؛ 2مشکوک ملزمان گرفتار ، اسلحہ برآمد
جن علاقوں میں گیس تعطل آتا ہے وہاں کمپریسر کا استعمال ہوتا ہے۔ صارفین گیس کا استعمال ضرورت کے مطابق کریں ضیاع نہ کریں۔
ایرانی کرنسی بحران کا شکار‘ ایک امریکی ڈالر 12 لاکھ ریال کاہوگیا