ایم ڈی کیٹ ایڈمیشن ٹیسٹ کا انعقاد،ایک لاکھ 40 ہزار 125 طلبا کی شرکت
اشاعت کی تاریخ: 26th, October 2025 GMT
اسلام آباد(ویب ڈیسک)ملک بھرمیں میڈیکل اینڈڈینٹل کالجزایڈمیشن ٹیسٹ کا انعقاد کیاگیاجس میں مجموعی طور پر ایک لاکھ چالیس ہزار ایک سو پچیس طلبا نے شرکت کی۔
پی ایم ڈی سی کےمطابق ملک بھر میں ایم ڈی کیٹ ٹیسٹ کا کامیاب انعقاد کیا گیاجس کے لئےملک بھر میں 33 جبکہ اسلام آباد میں دو امتحانی مراکز قائم تھے،سعودی عرب کے دارالحکومت ریاض میں بھی ایک سینٹر بنایا گیاتھا۔
اسلام آباد میں بحریہ یونیورسٹی اورشہید ذوالفقار علی بھٹو یونیورسٹی میں امتحانی مراکز قائم تھے، بحریہ یونیورسٹی میں تقریباً تین ہزار جبکہ شہید ذوالفقار علی بھٹو یونیورسٹی میں ایک سو ستتر طلبہ و طالبات نے امتحان میں شرکت کی،اس موقع پرپولیس،رینجرز اور انتظامیہ کے اہلکار ڈیوٹی پر موجود رہے تاکہ کسی بھی ناخوشگوار واقعے سے بچا جا سکے۔
طلبا نےانتظامات کو مجموعی طور پر تسلی بخش قرار دیااورکہاکہ ٹیسٹ کے سوالات مناسب اور متوازن جبکہ چند سوال مشکل تھے۔
دوسری جانب والدین نے انتظامات پر عدم اطمینان کا اظہار کرتے ہوئے کہاکہ امتحانی سینٹرز کے باہر بیٹھنے یا انتظار کرنے کی مناسب جگہ موجود نہیں تھی، جس کے باعث انھیں شدید پریشانی کا سامنا کرنا پڑا۔
ذریعہ: Daily Mumtaz
پڑھیں:
سونے کی قیمت 19 ڈالر کی کمی ریکارڈ
عالمی مارکیٹ میں کمی کے بعد پاکستان میں فی تولہ سونے کی قیمت بھی 1 ہزار 900 روپے کی کمی سے 4 لاکھ 41 ہزار 862 روپے کی سطح پر آگئی۔ اسلام ٹائمز۔ عالمی اور پاکستانی مارکیٹوں میں سونے کی قیمتوں میں کمی ریکارڈ کی گئی۔ بین الاقوامی بلین مارکیٹ میں فی اونس سونے کی قیمت 19 ڈالر کی کمی سے 4 ہزار 195 ڈالر کی سطح پر آگئی۔ عالمی مارکیٹ میں کمی کے بعد ملک میں فی تولہ سونے کی قیمت بھی 1 ہزار 900 روپے کی کمی سے 4 لاکھ 41 ہزار 862 روپے کی سطح پر آگئی۔ اس کے علاوہ فی دس گرام سونے کی قیمت 1 ہزار 629 روپے گھٹ کر 3 لاکھ 78 ہزار 825 روپے کی سطح پر آگئی، تاہم اسکے برعکس فی تولہ چاندی کی قیمت بغیر کسی تبدیلی کے 6 ہزار 102 روپے اور فی دس گرام چاندی کی قیمت بھی بغیر کسی تبدیلی کے 5 ہزار 231 روپے کی سطح پر مستحکم رہی۔
پیوٹن 2 روزہ دورے پر بھارت پہنچ گئے، دو طرفہ تعلقات کی نئی سمت کیا ہوگی؟