میمن ویلفیئرسوسائٹی سعودی عرب (ماسا) کی سالانہ تعلیمی تقریب تقسیم ایوارڈز
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
جدہ (سید مسرت خلیل پھلواری) میمن ویلفیئر سوسائٹی سعودی عرب (ماسا) کی 13ویں سالانہ تعلیمی تقریب تقسیم ایوارڈزجدہ کے مقامی ہال میں منعقد ہوئی۔ تقریب کے مہمان خصوصی عزت ماٰب خالد مجید قونصل جنرل پاکستان جدہ تھے۔ جنہوں نے میمن برادری کے ان طلبا و طالبات کی تعلیمی میدان میں لگن اورمحنت کو تسلیم کرتے ہوئے ایوارڈز اور سرٹیفکیٹس سے نوازا۔ تقریب کی نظامت عمران مسقطیہ نے کی ۔ تقریب کی کاروائی کا آغاز تلاوت کلام پاک سے ہوا جس کی سعادت مریم فرحان نے حاصل کی۔ زرمین احمد نے ترجمہ پیش کیا۔ نعت رسول مقبولﷺ علی خالد نے پیش کیا۔ ماسا کےصدر وسیم عبدالرزاق تائی نے خطبہ استقبالیہ پیش کیا۔ کامیاب طلبہ و طالبات کو مبارکباد دی اور ان کی تعلیمی کامیابیوں کو سراہا۔ جنرل سکریٹری صادق سوراتھیا نے نوجوانوں سے خطاب کرتے ہوئے اس بات پر زور دیا کہ علم کے بغیرعمل بے معنی ہے اورتعلیم کے بغیر شخصی ترقی ادھوری ہے۔ مہمان خصوصی قونصل جنرل پاکستان خالد مجید نے پُروقارتقریب کے انعقاد پرخوشی کا اظہارکرتے ہوئے ماسا کے عہداداران اور اراکین کو مبارکباد دی۔ کامیاب طالب علموں کی حوصلہ افزائی اور مستقبل میں ان کی ترقی کے لئے دعا کی۔ انھوں نے تالیوں کی گونج میں ماسا کے سرگرم رضا کار خالد اسکندر کو ان کی سماجی اور فلاحی خدمات پر2025 کا عبدالستارایدھی ایوارڈ پیش کیا۔ قونصل جنرل نے اپنے خطاب میں قونصلیٹ اورجانب سے بھرپورتعاون کا اعادہ بھی کیا۔ اس موقع پرقونصلیت افسران ، پریس قونصلرمحمد عرفان اور عملہ کے دیگر ممبران بھی موجود تھے۔ تقریب میں ورلڈ میمن آرگنائزیشن کے بانی لیجنڈری عبدالرزاق یعقوب (اے آر وائی) کی صاحبزادی شبانہ عبدالرزاق اورکامران غنی نے دبئی سے بطور مہمانِ خاص شرکت کی۔ تقریب کے اختتام پر صدر، نائب صدر، اور جنرل سکریٹری نے تمام اسپانسرز اور میڈیا کے نمائندوں کے تعاون کے لیے ان کا شکریہ ادا کیا۔ اختتام پر تمام مہمانوں کو ڈنر پیش کیا گیا۔
ذریعہ
ذریعہ: Jasarat News
کلیدی لفظ: پیش کیا
پڑھیں:
پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم
پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔
تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔
ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔
انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔
اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔
یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔
تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی