الخدمت کی 22ویں ہیلتھ ایشیا نمائش میں بھرپور شرکت
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-08-8
کراچی(اسٹاف رپورٹر) الخدمت کے شعبہ صحت نے ایکسپو سینٹر کراچی میں منعقد ہونے والی 22ویں ہیلتھ ایشیا نمائش میں بھرپور شرکت کی اوراپنے جدید ریڈیولوجی، لیبارٹری اور بلڈ بینک کے شعبہ جات میں فراہم کی جانے والی اعلیٰ معیار کی خدمات کو نمایاں طور پر پیش کیا۔نمائش میں الخدمت ڈائیگنوسٹکس کا اسٹال توجہ کا مرکز بنا رہا، جہاں بڑی تعداد میں ماہرین صحت، طلبہ، اور عام شہریوں نے دورہ کیا۔اس موقع پر ایگز یکٹو ڈائریکٹر راشد قریشی ، ڈائریکٹر ڈائیگنو سٹک سروسز ؎ڈاکٹر عظیم الدین نے بھی اسٹال کا دورہ اور کاوش کو سراہا، منیجر شعبہ صحت انوار عالم بھی موجود تھے ۔الخدمت کے نمائندوں نے اسٹالز پر آنے والے افراد کو مختلف ٹیسٹ، ریڈیولوجیکل سہولیات اور بلڈ بینک کے نظام کے بارے میں تفصیلی معلومات فراہم کیں۔اس موقع پر چیف ایگز یکٹو الخدمت نوید علی بیگ نے الخدمت ڈائیگنوسٹکس کے اسٹال کا دورہ کیا اور ٹیم کے اقدام کو سراہا۔ انہوں نے کہا کہ الخدمت ڈائیگنوسٹکس کا مشن عوام کو جدید،معیاری اور سستی تشخیصی سہولیات فراہم کرنا ہے تاکہ کوئی شخص علاج یا ٹیسٹ سے محروم نہ رہے۔انہوں نے مزید کہا کہ الخدمت ڈائیگنوسٹک پر لوگوں کا دن بدن اعتماد بڑھ رہا ہے ،جہاں روزانہ کئی سو مریضوں کو درست اور بروقت تشخیصی سہولیات فراہم کی جا رہی ہیں۔ایگز یکٹو ڈائریکٹر راشد قریشی نے کہا کہ الخدمت کی جانب سے اسٹال لگانے کا مقصد شہریوں کو آگاہی فراہم کرناتھا تاکہ وہ اس نتیجے میں الخدمت کی جدید ترین ٹیسٹنگ اور ریڈیولوجی خدمات ایک ہی چھت کے نیچے اعتماد کے ساتھ حاصل کر سکیں۔ہیلتھ ایشیا نمائش میں آنے والے ماہرین صحت، ڈاکٹروں اور طلبہ نے الخدمت کے اسٹال میں گہری دلچسپی ظاہر کی اور اسے صحت عامہ کے فروغ کے لیے ایک مثبت قدم قرار دیا۔
ذریعہ: Jasarat News
پڑھیں:
عوام بنیادی سہولیات سے محروم، حکومت ناکام ہوگئی ہے، جے یو آئی کوئٹہ
اپنے بیان میں جے یو آئی کوئٹہ کے رہنماؤں نے کہا کہ اگر فوری طور پر گیس پریشر کی بحالی کو یقینی نہ بنایا گیا تو احتجاج پر مجبور ہونگے۔ اسلام ٹائمز۔ جمعیت علماء اسلام ضلع کوئٹہ کے امیر مولانا عبد الرحمٰن رفیق اور سیکرٹری جنرل حاجی عین اللہ شمس نے کوئٹہ شہر اور گردونواح میں گیس پریشر کی شدید کمی پر سخت تشویش اور غم و غصے کا اظہار کرتے ہوئے کہا ہے کہ کوئٹہ کو صحیح معنوں میں گیس کی فراہمی میں ناکام حکومت بلند و بانگ دعووں سے گریز کرے۔ بھاری رقوم کے بلز نے عوام کی کمر توڑ دی ہے۔ موسم سرما کے ساتھ ہی عوام گیس لوڈشیڈنگ اور پریشر میں کمی کے عذاب سے دوچار ہیں، جس سے گھریلو زندگی مفلوج ہوچکی ہے۔ عوام کو بنیادی سہولتوں سے محروم رکھنا حکومت کی ناکامی اور غفلت کا کھلا ثبوت ہے۔
جمعیت کے رہنماؤں نے کہا کہ گیس کی پیداوار بلوچستان سے ہوتی ہے، مگر سب سے زیادہ محرومی بھی اسی صوبے کے عوام کے حصے میں آتی ہے، جو انتہائی افسوسناک اور ناقابل برداشت عمل ہے۔ انہوں نے متعلقہ حکام کو خبردار کیا کہ اگر فوری طور پر گیس پریشر کی بحالی اور منصفانہ تقسیم کو یقینی نہ بنایا گیا تو جے یو آئی عوامی احتجاج اور بھرپور عوامی رابطہ مہم شروع کرنے پر مجبور ہوگی۔ انہوں نے صوبائی اور وفاقی حکومت سے مطالبہ کیا کہ کوئٹہ کے عوام کو ان کا حق دیا جائے اور گیس پریشر کی مصنوعی کمی پر قابو پانے کے لیے فوری اقدامات کیے جائیں۔
حکومت مدارس و مساجد کے امور میں دخل اندازی نہیں کرے گی، وزیر داخلہ کی علمائےاہلسنت کو یقین دہانی