سی سی ڈی کے انسپکٹر اور اہلکاروں پر شہری اغواء کا الزام
اشاعت کی تاریخ: 29th, October 2025 GMT
کاہنہ کے علاقے میں ایک شہری ولید کو مبینہ طور پر سی سی ڈی کے انسپکٹر جاوید اور کچھ اہلکاروں نے اغواء کر لیا۔
ذرائع کے مطابق، ولید کو گھر کے قریب سے اغواء کیا گیا اور بعد میں اہل خانہ سے لاکھوں روپے تاوان وصول کرنے کے بعد اسے رہا کر دیا گیا۔ اغواء میں شامل اہلکاروں میں توصیف کانسٹیبل بھی شامل تھے۔
پولیس نے معاملے کا مقدمہ درج کر کے تفتیش شروع کر دی ہے اور مزید تفصیلات سامنے آنے کا انتظار ہے۔
ذریعہ: Daily Mumtaz
پڑھیں:
سابق آئی سی سی میچ ریفری کا بھارت پر کرکٹ میں اثر و رسوخ استعمال کرنے کا الزام
سابق آئی سی سی میچ ریفری کرس براڈ نے انکشاف کیا ہے کہ انہیں ایک موقع پر بھارت کے حق میں نرمی برتنے کی ہدایت دی گئی تھی تاکہ سست اوور ریٹ کی خلاف ورزی پر ٹیم کو جرمانے سے بچایا جا سکے۔
کرس براڈ، جنہوں نے مختلف فارمیٹس میں 622 بین الاقوامی میچز میں نگرانی کے فرائض انجام دیے، نے یہ انکشاف دی ٹیلی گراف کو دیے گئے ایک انٹرویو میں کیا۔ ان کے مطابق یہ واقعہ کرکٹ میں بھارت کے بڑھتے ہوئے اثر و رسوخ کی ایک نمایاں مثال ہے۔
براڈ نے اس میچ کا نام نہیں بتایا، تاہم کہا کہ بھارت 4 اوور پیچھے تھا اور ٹیم کو جرمانے کا سامنا تھا، اسی دوران انہیں ایک فون کال موصول ہوئی جس میں کہا گیا کہ نرمی دکھاؤ، کچھ وقت نکالو، کیونکہ یہ بھارت ہے۔
مزید پڑھیں: استنبول مذاکرات میں تعطل، پاکستان کے منطقی مؤقف کو عالمی سطح پر پذیرائی
انہوں نے بتایا کہ ہدایت ملنے کے بعد ٹیم کو جرمانے سے بچانے کے لیے اوور ریٹ کو قانونی حد کے اندر لانے کی کوشش کی گئی۔ اگلے ہی میچ میں پھر یہی ہوا، (سورَو گنگولی) نے کسی کی بات نہیں مانی، میں نے دوبارہ فون کیا تو کہا گیا، اب کارروائی کرو۔
کرس براڈ، جنہوں نے فروری 2024 تک آئی سی سی میچ ریفری کی حیثیت سے خدمات انجام دیں، کا کہنا تھا کہ وہ اپنا کام جاری رکھنا چاہتے تھے، مگر ان کا معاہدہ تجدید نہیں کیا گیا۔
انہوں نے مزید کہا کہ مجھے اپنا کام جاری رکھنے میں خوشی ہوتی، لیکن 20 سال تک میں نے سیاسی اور عملی دباؤ سے بچنے کی کوشش کی۔ اب پیچھے مڑ کر دیکھوں تو لگتا ہے کہ 20 سال کافی لمبا عرصہ تھا۔
مزید پڑھیں: ٹی 20 کرکٹ میں سب سے زیادہ رنز، بابر اعظم نئے ریکارڈ سے کتنے دور؟
براڈ کے مطابق سابق جنوبی افریقی کرکٹر ونس وین ڈر بیجل کے بطور آئی سی سی امپائرز مینیجر عہدہ چھوڑنے کے بعد بھارتی اثر مزید بڑھ گیا۔
وین ڈر بیجل کے دور میں ہمیں پیشہ ورانہ سپورٹ حاصل تھی کیونکہ وہ خود کرکٹ پس منظر سے تھے، مگر ان کے جانے کے بعد مینجمنٹ کمزور ہو گئی۔ اب بھارت کے پاس زیادہ تر فنڈز ہیں اور اس نے آئی سی سی پر غالب پوزیشن حاصل کر لی ہے۔
کرس براڈ نے آخر میں کہا کہ مجھے خوشی ہے کہ میں اب اس نظام کا حصہ نہیں ہوں، کیونکہ اب یہ عہدہ پہلے سے کہیں زیادہ سیاسی ہوچکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی دی ٹیلی گراف سابق آئی سی سی میچ ریفری سورَو گنگولی کرس براڈ
لاہور میں مذہبی جماعت کے 954 پرتشدد مظاہرین گرفتار، جدید ٹیکنالوجی سے شناخت ممکن