جمیکا کو صدی کے طوفان کا سامنا‘ 7افراد ہلاک
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
کنگسٹن (انٹرنیشنل ڈیسک) کیریبین جزائی کے ملک جمیکا کو صدی کے سب سے بڑے طوفان ملیسا کے باعث تباہی کا سامنا ہے۔ طوفان جمیکا سے ٹکرانے کے بعد کیوبا کی جانب بڑھ رہا ہے جہاں طوفان کے خطرات سے بچنے کے لیے ممکنہ اقدامات کیے جارہے ہیں۔ کیوبا کے مختلف علاقوں سے اب تک 7 لاکھ سے زائد لوگ طوفان سے نقصان کے اندیشے کے باعث اپنے گھر چھوڑ کر محفوظ علاقوں میں منتقل ہوچکے ہیں۔ امریکی نیشنل ہریکن سینٹر کا بتانا ہے کہ کیٹیگری 5 کے اس خطرناک طوفان کے باعث جمیکا میں 185 کلو میٹر فی گھنٹہ کی رفتار سے ہوائیں چلی ہیں جب کہ طوفان اب کیٹیگری 4 میں بدل گیا ہے۔ رپورٹ کے مطابق شدید بارش، سیلاب اور لینڈ سلائیڈنگ کا خطرہ بھی ہے جب کہ طوفان سے اب تک 7 افراد ہلاک ہوئے ہیں ۔ ان میں 3 کا تعلق جمیکا، 3 کا ہیٹی اور ایک کا ڈومینیشا ریپبلک سے ہے۔ جمیکا کے وزیراعظم نے کہا ہے کہ ملک میں کوئی بھی انفرا اسٹرکچر ایسا نہیں جو کیٹیگری 5 کے طوفان کو برداشت کر سکے۔ اسے 174 برسوں میں جمیکا سے ٹکرانے والا سب سے طاقتور طوفان قرار دیا جا رہا ہے۔ طوفان نے جنوبی جمیکا کے سینٹ الیزبتھ علاقے میں لینڈ فال کیا، جس کے نتیجے میں درخت، بجلی کے کھمبے اور گھروں کی چھتیں اڑ گئیں اور 50ہزار سے زائد افراد بجلی سے محروم ہو گئے جبکہ مواصلاتی نظام بھی درہم برہم ہو گیا۔ حکام کا کہنا ہے کہ طوفان کے باعث ہیٹی اور ڈومینیکن ریپبلک میں بھی جانی و مالی نقصان ہوا ہے۔ عالمی ریڈ کراس نے بڑے پیمانے پر تباہی اور 15لاکھ افراد کے متاثر ہونے کا خدشہ ظاہر کر دیا ہے۔ جمیکا کی حکومت نے ایمرجنسی نافذ کرتے ہوئے فوجی دستے تعینات کر دیے ہیں، جب کہ متاثرہ علاقوں سے انخلا کی کارروائیاں جاری ہیں ۔ تمام تعلیمی ادارے، ہوائی اڈے اور بندرگاہیں ہنگامی طور پر بند کر دی گئی ہیں۔ جمیکا میں طوفان کے باعث سینٹ الزبتھ کا علاقہ مکمل طور پر زیرِ آب آگیا،جب کہ اسپتال اور رہائشی عمارتوں کو بھی نقصان پہنچا ہے۔ اس کے علاوہ ہیٹی اور ڈومینیکن ریپبلک میں موسلادھار بارشوں کے نتیجے میں 4 افراد ہلاک ہوگئے۔
ذریعہ
ذریعہ: Jasarat News
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ