کشمیری عوام حق خودارادیت ملنے تک اپنی پرامن جدوجہد جاری رکھیں گے، بلال صدیقی
اشاعت کی تاریخ: 30th, October 2025 GMT
ذرائع کے مطابق بلال صدیقی نے سینٹرل جیل سرینگر سے جاری ایک بیان میں کہا کہ جموں و کشمیر پر کئی دہائیوں سے طاقت، جبر اور دھوکے سے حکومت کی جا رہی ہے۔ اسلام ٹائمز۔ غیرقانونی طور پر بھارت کے زیر قبضہ جموں و کشمیر میں کل جماعتی حریت کانفرنس کے رہنما بلال احمد صدیقی نے کہا ہے کہ بھارت روز اول سے کشمیری عوام کے ساتھ غلاموں جیسا سلوک کر رہا ہے جبکہ وہ بھی آزادی، مساویانہ سلوک اور احترام کا حق رکھتے ہیں۔ ذرائع کے مطابق بلال صدیقی نے سینٹرل جیل سرینگر سے جاری ایک بیان میں کہا کہ جموں و کشمیر پر کئی دہائیوں سے طاقت، جبر اور دھوکے سے حکومت کی جا رہی ہے جبکہ عالمی برادری خصوصا اقوام متحدہ کی طرف سے کئے گئے وعدے ابھی تک پورے نہیں ہوئے۔ انہوں نے کہا کہ کشمیریوں کو ان کے سیاسی مستقبل کا تعین کرنے کے حق کی یقین دہانی کرائی گئی تھی لیکن ان کی قومی شناخت اور امنگوں کو منظم طریقے سے کچلا جا رہا ہے۔ انہوں نے کہا کہ بھارت نے دفعہ370 اور 35A کی منسوخی کے بعد جموں و کشمیر کے لوگوں کی شہری حیثیت کم کر کے انہیں براہ راست اپنے کنٹرول میں رکھا ہے، ان پر فوجی محاصرہ مسلط کر دیا ہے، اظہار رائے اور اجتماع کی آزادی پر پابندی جبکہ خطے میں آبادی کا تناسب تبدیل کرنے کی کوشش کی ہے۔ بلال صدیقی نے کہا کہ حقیقی شہریت کی بنیاد حقوق، انصاف اور مساوات پر ہوتی ہے اور کشمیریوں کو ان سب سے محروم کر دیا گیا ہے۔ انہوں نے کہا کہ کسی بھی حکومت کو یہ اخلاقی یا قانونی اختیار نہیں ہے کہ وہ کشمیری عوام کی تاریخ، شناخت یا سیاسی امنگوں کو مٹا سکے۔ انہوں نے اقوام متحدہ، انسانی حقوق کے بین الاقوامی علمبرداروں اور عالمی برادری سے اپیل کی کہ وہ کشمیریوں کے ساتھ ہونے والی سنگین ناانصافیوں کو تسلیم کریں۔ انہوں نے کہا کہ جموں و کشمیر کے لوگ اپنی پرامن جدوجہد اس وقت تک جاری رکھیں گے جب تک انہیں اقوام متحدہ کی طرف سے تسلیم شدہ حق خودارادیت نہیں دیا جاتا۔
.ذریعہ: Islam Times
کلیدی لفظ: انہوں نے کہا کہ بلال صدیقی
پڑھیں:
پاکستان کشمیریوں کی اخلاقی حمایت جاری رکھے گا،زرداری، شہباز شریف
مسئلہ جموں و کشمیر کے پرامن حل کے بغیر برصغیر کا دائمی امن و استحکام خواب ہی رہے گا
27اکتوبرکوبھارتی افواج نے اخلاقی اصولوں کی خلاف ورزی کی ،یوم سیاہ پر پیغامات
صدر مملکت آصف علی زرداری اور وزیراعظم محمد شہباز شریف نے اس عزم کو دہرایا ہے کہ پاکستان کشمیریوں کی سیاسی ، سفارتی اور اخلاقی حمایت جاری رکھے گا،یوم سیاہ کشمیر کے موقع پر اپنے الگ الگ پیغامات میں انہوں نے کہا کہ مسئلہ جموں و کشمیر کے پرامن حل کے بغیر برصغیر کا دائمی امن و استحکام خواب ہی رہے گا، صدر مملکت نے یومِ سیاہ کشمیر کے موقع پر اپنے پیغام میں کہا کہ 27اکتوبر 1947کو بھارتی افواج نے سرینگر میں داخل ہو کر نہ صرف بین الاقوامی قانون اور اخلاقی اصولوں کی کھلی خلاف ورزی کی بلکہ کشمیری عوام کی امنگوں کو بھی پامال کیا، جس کے نتیجے میں جدید تاریخ کے ایک سیاہ ترین باب کا آغاز ہوا۔ انہوں نے کہا کہ بھارتی تسلط کے تحت مقبوضہ جموں و کشمیر کے بے قصور مرد، خواتین اور بچے پچھلی کئی دہائیوں سے بدترین ریاستی جبر، تشدد اور بنیادی انسانی حقوق کی پامالیوں کا سامنا کر رہے ہیں۔انہوں نے کہا کہ ہر سال اس دن کو یومِ سیاہ کے طور پر منانے کا مقصد کشمیری عوام کی جرات مندانہ جدوجہد اور ان کی لازوال قربانیوں کو خراجِ تحسین پیش کرنا ہے جو اپنے ناقابل تنسیخ حقِ خودارادیت کے لیے ظلم و جبر کے سامنے سیسہ پلائی دیوار بنے ہوئے ہیں۔ بھارتی بربریت کے باوجود کشمیریوں کا حوصلہ آج بھی بلند ہے۔صدر آصف علی زرداری نے کہا کہ 5اگست 2019کے بعد بھارت نے اپنے مکروہ ہتھکنڈوں میں مزید شدت پیدا کر دی ہے۔ بھارتی حکومت نے مقبوضہ جموں و کشمیر کی خصوصی حیثیت کو یکطرفہ طور پر ختم کیا، فوجی محاصرہ نافذ کیا، کشمیریوں کی املاک تباہ کر کے اجتماعی سزا کا طریقہ اپنایا اور ایسے کالے قوانین نافذ کیے جو کشمیریوں کی بنیادی آزادیوں کو چھیننے کے مترادف ہیں۔ نقل و حرکت، رابطے اور اجتماع پر پابندیوں کے ساتھ ساتھ جعلی مقابلے، حراستی تشدد، ماورائے عدالت قتل اور جبری گمشدگیاں روزمرہ کا معمول بن چکی ہیں۔بھارت منظم انداز میں کشمیریوں کو ان کی اپنی ہی سرزمین پر اقلیت میں تبدیل کرنے کی کوشش کر رہا ہے۔
کالعدم تحریک طالبان کے مبینہ سہولت کار کی درخواست ضمانت خارج