سویڈن میں تیز رفتار بس نے اسٹاپ پر کھڑے لوگوں کو کچل دیا، کئی ہلاکتیں
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
سویڈن کے دارالحکومت اسٹاک ہوم میں ایک تیز رفتار بس نے اسٹاپ پر موجود شہریوں کو کچل ڈالا۔
خبر رساں اداروں کے مطابق اس افسوس واقعے میں کئی افراد جان کی بازی ہار گئے جبکہ کچھ لوگ زخمی حالت میں اسپتال منتقل کیے گئے۔ واقعے کے بعد حکام نے علاقے کو فوری طور پر گھیرے میں لے کر ریسکیو آپریشن شروع کر دیا۔
غیر ملکی خبر ایجنسی کے مطابق سویڈن کی پولیس نے ابتدائی معلومات میں بتایا کہ یہ افسوسناک واقعہ اسٹاک ہوم کے قلب میں اس وقت پیش آیا جب ایک بس اچانک اپنا کنٹرول کھو کر بس اسٹاپ سے ٹکرا گئی۔ پولیس کا کہنا ہے کہ فی الحال یہ واضح نہیں کہ یہ حملہ تھا یا محض ایک حادثہ، لیکن دونوں امکانات کو سامنے رکھ کر تفتیش جاری ہے۔ واقعے کی نوعیت اور وجوہات جاننے کے لیے متعلقہ ماہرین کو طلب کر لیا گیا ہے۔
اسٹاک ہوم ریسکیو سروس کے ترجمان نے تصدیق کرتے ہوئے بتایا کہ کم از کم 6 افراد اس حادثے کا نشانہ بنے ہیں، مگر ہلاک یا زخمی ہونے والوں کی حتمی تعداد کے بارے میں ابھی کوئی تفصیل فراہم نہیں کی گئی۔
ترجمان نے بتایا کہ حادثے کے وقت بس پر کوئی مسافر موجود نہیں تھا، جس کی وجہ سے اس غیر معمولی واقعے کے حوالے سے مزید سوالات پیدا ہوتے ہیں۔ جائے حادثہ پر فائر بریگیڈ، ریسکیو ٹیمیں اور طبی امدادی دستے مسلسل سرگرم ہیں۔
پولیس نے مزید بتایا کہ بس کے ڈرائیور کو حراست میں لے لیا گیا ہے، تاہم اس سے حملے یا دہشت گردی کے امکان کو ثابت نہیں کیا جا سکتا۔ انہوں نے واضح کیا کہ اب تک کی شواہد میں کسی ٹھوس حملے کے عنصر کی نشاندہی نہیں ہوئی، لیکن ہر پہلو کا جائزہ لیا جا رہا ہے۔
پولیس ہلاک ہونے والوں کی تعداد، عمر یا شناخت کے بارے میں کوئی تفصیل جاری نہیں کر رہی، تاکہ متاثرہ خاندانوں کی رازداری قائم رکھی جائے۔
حکام کے مطابق یہ حادثہ عالمی شہرت یافتہ رائل انسٹی ٹیوٹ آف ٹیکنالوجی یونیورسٹی کے قریب پیش آیا، جس کے باعث علاقے میں فوری طور پر سیکورٹی ہائی الرٹ کر دی گئی اور شہریوں کو دور رہنے کی ہدایت جاری کر دی گئی۔ جائے وقوعہ کی شواہد اکٹھے کیے جا رہے ہیں جبکہ بس کے فنی پہلوؤں کی بھی جانچ کی جا رہی ہے تاکہ یہ سمجھا جا سکے کہ گاڑی کے نظام میں کوئی خرابی تھی یا معاملہ کچھ اور تھا۔
.
ذریعہ
ذریعہ: Jasarat News
کلیدی لفظ: بتایا کہ
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا