اجتماع عام تقریب نہیں، عزم وتجدید وفا کا پیغام ہے، رخشندہ منیب
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
251115-08-28
حیدرآباد (نمائندہ جسارت) جماعت اسلامی حلقہ خواتین صوبہ سندھ کی ناظمہ رخشندہ منیب نے اندرون سندھ کا دورہ کیا۔ سندھ کی ناظمات اضلاع کے اجلاس میں لاہور مینار پاکستان پر 21-22-23 نومبر کوہونے والے اجتماع عام کی تیاریوں کے سلسلے میں تمام کمیٹیوں کے کام کی نگرانی کی اور ذمے داران کو جامع بریفنگ دی۔اس موقع پر مختلف کمیٹیوں کی کارکردگی، اہداف اور آئندہ لائحہ عمل پر تفصیلی گفتگو کی۔ ناظمہ صوبہ نے شرکاء کو اجتماع عام کی اہمیت، تنظیمی نظم و ضبط اور تحریکی پیغام کی مؤثر ترسیل پر زور دیا ۔ انہوں نے اس یقین کا اظہار کیا کہ خواتین کی محنت، نظم اور جذبہ و عمل سے اجتماعِ عام ایک تاریخی اجتماع ثابت ہوگا۔نائب ناظمہ سندھ اور ناظمہ اجتماع عام عذرا جمیل و دیگرذمے داران بھی ان کے ہمراہ تھیں۔ناظمہ صوبہ نے مزیدکہا کہ اجتماعِ عام صرف ایک پروگرام نہیں، یہ عزم و تجدیدِ وفا کا پیغام ہے۔انہوں نے کمیٹی ذمے داران کو ہدایت کی کہ ہر شعبہ اپنی ذمے داری کو عبادت سمجھ کر ادا کرے، تاکہ اجتماع کا پیغام ہر دل میں جگہ بنائے اور بدل دو نظام کا نعرہ پوری قوت سے ابھر کر سامنے آئے۔اجلاس میں انتظامات، نظم و ضبط، مہمان نوازی، ٹرانسپورٹ، تزئین و آرائش، میڈیا، تربیت اور رہنمائی سمیت تمام کمیٹیوں نے اپنی رپورٹس پیش کیں۔ رخشندہ منیب نے پیش رفت کا جائزہ لیتے ہوئے آئندہ مراحل کے لیے واضح ہدایات جاری کیں۔اجلاس میں معتمدہ سندھ اور ناظمہ اجتماعِ عام عذرا جمیل، نائب ناظمات اسما ادریس، فخر النساء اور عائشہ ظہیر سمیت صوبائی ٹیم کی متعدد ذمے داران شریک تھیں۔اندرون سندھ کے ذیلی اضلاع حیدرآباد، دادو، سانگھڑ، میرپور خاص اور مٹیاری کی ناظمات نے بھی اپنی تفصیلی رپورٹس پیش کیں۔رخشندہ منیب نے یقین کا اظہار کرتے ہوئے کہا کہ خواتین کا نظم، محنت اور جذبہ عمل اس اجتماع کو ایک تاریخی اجتماع بنائے گا اوربدل دو نظام کا نعرہ ہی عوامی امیدوں کا ترجمان بن کر سامنے آئے گا۔
حیدر آباد، جماعت اسلامی حلقہ خواتین صوبہ سندھ کی ناظمہ رخشندہ منیب اجتماع عام لاہور کی تیاریوں کے سلسلے میںسندھ کی ناظمات اضلاع کے اجلاس سے خطاب کررہی ہیں
ذریعہ
ذریعہ: Jasarat News
کلیدی لفظ: سندھ کی
پڑھیں:
پاکستان انسٹی ٹیوٹ آف فیشن ڈیزائن میں قائممقام وائس چانسلر کی تعیناتی کیلیے سینیٹ کا اجلاس طلب
پاکستان انسٹی ٹیوٹ آف فیشن ڈیزائن میں قائمقام وائس چانسلر کی تعیناتی کیلیے سینیٹ کا اہم اجلاس31 جولائی کو طلب کر لیا گیا جس میں صدر پاکستان و چانسلر کی ہدایات پر قائمقام وی سی کی تعیناتی سے متعلق ایجنڈے پر دوبارہ غور کیا جائے گا۔
تفصیلات کے مطابق صدر پاکستان نے 24اپریل کو ریفرنس وزارت تعلیم کو بھجوایا ہے جس میں بطور چانسلر پاکستان انسٹی ٹیوٹ آف فیشن ڈیزائن ایکٹ کی شق8(6)کے تحت سینٹ کے 17ویں اجلاس کے ایجنڈا نمبر13پر دوبارہ غور کرنے کی ہدایات جاری کی ہیں۔
دستیاب دستاویز کے مطابق 5 جنوری2026 کو ہونے والے سینیٹ کے17ویں اجلاس میں سابق وائس چانسلر پروفیسر حناطیبہ خلیل کو بطور وائس چانسلر کام جاری رکھنے کی منظوری دی گئی حالانکہ پروفیسر حنا طیبہ خلیل دو ٹرم مکمل کر چکی تھیں۔
سینیٹ کی قائمہ کمیٹی برائے تعلیم نے بھی پاکستان انسٹی ٹیوٹ آف فیشن ڈیزائن کے سینٹ اجلاس (جس میں حناطیبہ خلیل کو قائمقام وائس چانسلر ذمہ داریاں جاری رکھنے کی منظوری دی) کو کالعدم قرار دینے کی سفارش کر رکھی۔
قائمہ کمیٹی کی چیئرپرسن بشری انجم بٹ نے اجلاس کے دوان کہا تھا کہ عبوری وائس چانسلر کی تعیناتی سے متعلق ایوان صدر نے واضح کیا تھا کہ ایجنڈے کی منظوری نہیں لی گئی تھی۔
ذرائع نے بتایا کہ بشری انجم بٹ نے پاکستان انسٹی ٹیوٹ آف فیشن ڈیزائن کی وائس چانسلر کی تعیناتی سے متعلق ریفرنس ایوان صدر کو بھجوایا جس میں کہا گیا کہ انسٹی ٹیوٹ کے فیکلٹی ممبران ،افسران اور سٹیک ہولڈرز کی جانب سے الزامات لگائے کہ پروفیسر حناطیبہ خلیل وائس چانسلر بد انتظامی اور اختیارات کے غلط استعمال کی پریکٹس میں ملوث ہیں۔
انسٹی ٹیوٹ کی پروکیورمنٹ اور مالی معاملات میں بے ضابطگیوں سمیت انسٹی ٹیوٹ میں گورننس کے بدترین صورتحال ہے، اس کے علاوہ گرلز ہاسٹل کی تعمیر سے متعلق 450 ملین کے ٹینڈرز میں مبینہ بے ضابطگیاں بھی ہوئی ہیں۔
ایوان صدر نے سینیٹر بشری انجم بٹ کی جانب سے بھجوائے گئے ریفرنس پر اپنی سفارشات وزارت تعلیم کو بھجوا دی ہیں،
وزارت تعلیم کے ذرائع نے سینیٹ اجلاس کی تصدیق کرتے ہوئے کہا ہے کہ ایوان صدر کی ہدایات کی روشنی میں سینئر فیکلٹی ممبر کو ہی قائمقام وائس چانسلر پاکستان انسٹی ٹیوٹ آف فیشن ڈیزائن تعینات کیا جائے گا اور اس حوالے سے سنیارٹی لسٹ منگوا لی گئی ہے،
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا