پنجاب کی جیلوں میں مزید قیدیوں کی گنجائش پیدا کردی گئی، سہولیات میں بھی غیر معمولی اضافہ
اشاعت کی تاریخ: 15th, November 2025 GMT
پنجاب میں جیل ریفارمز کے ایجنڈے پر عملی پیش رفت کے تحت سنٹرل جیل لاہور (کوٹ لکھپت) میں قیدیوں کے لیے 5 نئی ڈبل اسٹوری بیرکس تیار کر لی گئی ہیں۔
ان بیرکس کا افتتاح چیئرمین ٹاسک فورس رانا منان خان اور سیکرٹری داخلہ ڈاکٹر احمد جاوید قاضی نے کیا، جبکہ آئی جی جیل خانہ جات میاں فاروق نذیر، ایڈیشنل سیکرٹری پریزن رومان بورانہ، ڈی آئی جی محسن رفیق اور سپرنٹنڈنٹ جیل اعجاز اصغر بھی موقع پر موجود تھے۔
2 ہزار قیدیوں کے لیے اضافی جگہنئی تعمیر شدہ بیرکس میں مجموعی طور پر 2 ہزار قیدیوں کو رکھنے کی گنجائش پیدا ہو گئی ہے، جو جیلوں میں بڑھتی ہوئی گنجائش کے مسئلے سے نمٹنے کی ایک اہم کوشش ہے۔
قیدیوں کے مسائل اور فلاح پر خصوصی توجہافتتاح کے موقع پر چیئرمین ٹاسک فورس اور سیکرٹری داخلہ نے بیرکس میں موجود اسیران سے ملاقات کی، ان کے مسائل سنے اور متعلقہ حکام کو فوری اقدامات کی ہدایات جاری کیں۔
غریب قیدیوں کیلئے مفت لیگل ایڈ فراہم کرنے کا اعلانموسم سرما کے پیش نظر تمام بیرکس میں گرم کمبل کی فراہمی کی ہدایت کی گئی۔ جبکہ جیل سائیکالوجسٹ کو ذہنی بیماریوں کے شکار قیدیوں کی باقاعدہ کاؤنسلنگ کی ہدایت کی گئی۔ علاوہ ازیں نئی بیرکس کے نزدیک پی سی او بوتھ اور میڈیکل سہولیات مہیا کرنے کا فیصلہ کیا گیا۔
افتتاح کے موقع پر چیئرمین ٹاسک فورس، سیکرٹری داخلہ اور دیگر افسران نے بیرکس کے احاطے میں پودے بھی لگائے۔
جیل ریفارمز پر تیز رفتار عملدرآمدرانا منان خان کے مطابق پنجاب بھر میں جیل اصلاحات پر تیزی سے عمل ہو رہا ہے۔ ان کا کہنا تھا کہ وزیراعلیٰ پنجاب کے وژن کے مطابق جیلوں کو ’اصلاحی مراکز ‘ میں بدلا جا رہا ہے جہاں اسیران کی تربیت، بحالی اور ہنرمندی پر خصوصی توجہ دی جا رہی ہے۔
انہوں نے بتایا کہ پنجاب کی مختلف جیلوں میں کارپٹ، ٹف ٹائل، فرنیچر، صابن، فینائل، ایل ای ڈی بلب، جوتے، دستانے، فٹ بال، کپڑے اور ٹرنک اعلیٰ معیار پر تیار کیے جا رہے ہیں۔ بہتر مارکیٹنگ کے ذریعے ان مصنوعات کو قیدیوں کی مالی معاونت کے لیے استعمال کیا جا سکتا ہے۔
’ملاقات ایپ‘سیکرٹری داخلہ ڈاکٹر احمد جاوید قاضی نے بتایا کہ محکمہ داخلہ نے قیدیوں سے ملاقات کے لیے ’ملاقات ایپ‘ متعارف کروا دی ہے، جس کے ذریعے شہری گھر بیٹھے ملاقات کی ایڈوانس بکنگ کرا سکتے ہیں۔ اب تک 850 سے زائد افراد اس سہولت سے فائدہ اٹھا چکے ہیں۔ ایڈوانس بکنگ کی سہولت پنجاب کی تمام جیلوں میں دستیاب ہے۔
ان کا مزید کہنا تھا کہ جیلوں کی سیکیورٹی بہتر بنانے کے لیے دنیا کے جدید ترین آلات نصب کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی صوبہ پنجاب کی جیلیں.
ذریعہ
ذریعہ: WE News
کلیدی لفظ: پاکستانی صوبہ پنجاب کی جیلیں سیکرٹری داخلہ جیلوں میں قیدیوں کی پنجاب کی کے لیے
پڑھیں:
جارحیت کی قیمت واشنگٹن کو بہت مہنگی پڑے گی، عباس عراقچی
تہران:ایران نے امریکی صدر ڈونلڈ ٹرمپ کی جانب سے ممکنہ نئی فوجی کارروائی کے اشاروں پر سخت ردعمل دیتے ہوئے خبردار کیا ہے کہ کسی بھی غیر ذمہ دارانہ عسکری اقدام کے نتائج امریکا کے لیے انتہائی مہنگے ثابت ہوں گے۔
ایرانی وزیر خارجہ سید عباس عراقچی نے سوشل میڈیا پلیٹ فارم ایکس پر جاری اپنے بیان میں کہا کہ امریکی انتظامیہ کے بعض بااثر حلقے زمینی حقائق کو نظر انداز کر رہے ہیں اور ان کی توجہ خطے کی موجودہ صورتحال کے بجائے 2028 کے صدارتی انتخابات پر مرکوز دکھائی دیتی ہے۔
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
انہوں نے کہا کہ واشنگٹن میں موجود کچھ عناصر حقیقت پسندانہ انداز میں حالات کا جائزہ لینے کے بجائے ایسے فیصلوں کی حمایت کر رہے ہیں جو خطے میں مزید کشیدگی کو جنم دے سکتے ہیں۔
ان کے بقول اگر امریکہ نے جذباتی یا غیر دانشمندانہ جارحیت کا راستہ اختیار کیا تو اس کی سیاسی اور سفارتی قیمت صدر ٹرمپ کو خود ادا کرنا پڑ سکتی ہے۔
عباس عراقچی کا کہنا تھا کہ طاقت کے استعمال یا دھمکیوں سے مسائل حل نہیں ہوں گے بلکہ اس سے خطے کی صورتحال مزید پیچیدہ اور خطرناک ہو جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار