بالی ووڈ اداکارہ سلینا جیٹلی کا شوہر پر تشدد کا الزام، بڑے ہرجانے کا دعویٰ کردیا
اشاعت کی تاریخ: 25th, November 2025 GMT
بالی ووڈ اداکارہ اور سابق مس انڈیا سلینا جیٹلی نے اپنے شوہر پیٹر ہاگ کے خلاف ایک مقامی عدالت میں گھریلو تشدد کی شکایت دائر کر دی ہے، جس میں انہوں نے شدید جذباتی، جسمانی، جنسی اور زبانی تشدد کے الزامات عائد کیے ہیں۔
درخواست کی سماعت منگل کو جوڈیشل مجسٹریٹ ایس سی تاڈے کے روبرو ہوئی، جنہوں نے پیٹر ہاگ کو نوٹس جاری کرتے ہوئے کیس کی اگلی سماعت 12 دسمبر مقرر کر دی۔
یہ بھی پڑھیں: ’لوگوں نے کہا بھینس کی طرح لگتی ہو‘، سابق مس انڈیا فائنلسٹ نے وزن میں حیران کن کمی کیسے کی؟
کرنجوالا اینڈ کمپنی کے ذریعے دائر کی گئی درخواست میں سلینا جیٹلی نے مؤقف اختیار کیا ہے کہ شادی کے بعد ان کے شوہر نے نہ صرف ان پر کام کرنے پر پابندی لگائی بلکہ مبینہ طور پر مسلسل بدسلوکی اور تشدد کا نشانہ بھی بنایا۔ اداکارہ کے مطابق پیٹر ہاگ کا رویہ جارحانہ ہے اور انہیں شراب نوشی کی عادت ہے، جس کے باعث وہ شدید ذہنی اذیت کا شکار رہیں۔
درخواست میں کہا گیا ہے کہ تشدد کے متعدد واقعات کے بعد سلینا جیٹلی کو آسٹریا میں اپنا گھر چھوڑ کر بھارت واپس آنا پڑا۔ دونوں نے 2010 میں شادی کی تھی اور ان کے تین بچے ہیں، جو اس وقت اپنے والد کے ساتھ آسٹریا میں مقیم ہیں۔
یہ بھی پڑھیں: ایئرانڈیا کی پرواز میں مسافر آپس میں لڑ پڑے، لینڈنگ کے بعد ایک کو حراست میں لے لیا گیا
درخواست میں مزید یہ بھی بتایا گیا کہ پیٹر ہاگ نے رواں سال اگست میں آسٹریا کی ایک عدالت میں طلاق کی درخواست دائر کی تھی۔ سلینا جیٹلی نے اپنی درخواست میں 50 کروڑ روپے معاوضے اور 10 لاکھ روپے ماہانہ خرچے کا مطالبہ کیا ہے، جبکہ انہوں نے اپنے بچوں تک رسائی کے حقوق بھی مانگے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پیٹر ہاگ سابق مس انڈیا سلینا جیٹلی.ذریعہ: WE News
کلیدی لفظ: بالی ووڈ سابق مس انڈیا سلینا جیٹلی درخواست میں سلینا جیٹلی
پڑھیں:
سنیل منج کا نام کس بالی وڈ اداکار سے متاثر ہوکر رکھا گیا؟
پاکستان کی آٹو موبائل انڈسٹری کی معروف شخصیت سنیل منج نے اپنے منفرد نام کے بارے میں دلچسپ بات بتائی ہے۔ جیو پوڈکاسٹ میں شریک ہو کر سنیل منج نے اس سوال کا جواب دیا کہ ان کا نام بالی وڈ کے ایک مشہور اداکار سنیل دت سے متاثر ہو کر رکھا گیا تھا۔
سنیل منج نے بتایا کہ ان کا نام ان کی دادی نے رکھا تھا اور یہ ہندی زبان کے لفظ “سنیل” سے لیا گیا ہے، جس کا مطلب ہے “خوبصورت” اور “نیک”۔
سنیل منج کا کہنا تھا کہ انہیں اپنے نام سے بہت محبت ہے، تاہم پاکستان میں اکثر ان کے نام کی وجہ سے مزاحیہ واقعات پیش آتے رہتے ہیں۔ وہ بتاتے ہیں کہ جب لوگ صرف ”
سنیل” سنتے ہیں تو کچھ لوگ سوچتے ہیں کہ شاید وہ مسلمان نہیں ہیں، اور ان کا تعلق بھارت سے ہے۔ لیکن جب پورا نام “سنیل سرفراز منج” پڑھا جاتا ہے، تو لوگوں کو سمجھ آجاتا ہے کہ وہ پاکستانی ہیں۔
سنیل منج نے اپنی بات چیت میں اس بات کا بھی ذکر کیا کہ لوگ اکثر ان کے نام کے حوالے سے مفروضے بناتے ہیں، لیکن ان کے لیے یہ نام ایک خاص اہمیت رکھتا ہے، اور وہ اس پر فخر کرتے ہیں۔
ماضی کی تلخ یادیں بھول چکے، پاکستان بنگلہ دیش کو بھائی کی طرح دیکھتا ہے، مولانا فضل الرحمان