پی ٹی آئی عوامی جمہوریت پر یقین رکھتی ہے، ڈکٹیٹرشپ قبول نہیں، فہیم خان
اشاعت کی تاریخ: 8th, December 2025 GMT
اپنے بیان میں رہنما پی ٹی آئی نے کہا کہ فوری طور پر ملک میں حقیقی سیاسی استحکام کی ضرورت ہے، جس کا واحد راستہ عوامی مینڈیٹ کے احترام، آئین و قانون کی بالادستی اور آزاد عدلیہ و آزاد میڈیا کے کردار کو تسلیم کرنے سے گزرتا ہے۔ اسلام ٹائمز۔ پاکستان تحریک انصاف کراچی کے سینئر نائب صدر و سابق ایم این اے فہیم خان نے اپنے بیان میں کہا کہ پاکستان کی عوام نے عام انتخابات میں پی ٹی آئی کو واضح اکثریت سے کامیاب کرایا اور 180 سے زائد نشستیں دلوا کر عمران خان کے عوامی مینڈیٹ پر اپنی مہر ثبت کی، افسوسناک طور پر اس عوامی مینڈیٹ پر کھلم کھلا ڈاکہ ڈالا گیا، جس کے نتیجے میں آج ملک نہ معاشی استحکام رکھتا ہے نہ سیاسی، ملک کو تجربہ گاہ بنانے والے کرپٹ حکمرانوں نے ہر طرف تباہی کے مناظر پیدا کر دیئے ہیں جن کی کوئی ذمہ داری قبول کرنے کو تیار نہیں۔ فہیم خان نے کہا کہ پاکستان تحریک انصاف عوامی جمہوریت پر پختہ یقین رکھتی ہے اور یہی وجہ ہے کہ پی ٹی آئی کو دیوار سے لگانے کی کوششیں دراصل پاکستان کے عوام کو دیوار سے لگانے کے مترادف ہیں۔
ان کا مزید کہنا تھا کہ فیصلے عوامی امنگوں کے مطابق کرنے کا وقت ہے، کیونکہ کسی فردِ واحد کی مرضی پر نہ ملک چل سکتا ہے اور نہ جمہوریت پروان چڑھ سکتی ہے۔ انہوں نے کہا کہ عمران خان پاکستان کی عوام کے دلوں میں بستے ہیں اور ان کے خلاف استعمال کیے جانے والے تمام ہتھکنڈے بارہا ناکام ہوئے اور آئندہ بھی ناکام ہوں گے۔ انہوں نے کہا کہ فوری طور پر ملک میں حقیقی سیاسی استحکام کی ضرورت ہے، جس کا واحد راستہ عوامی مینڈیٹ کے احترام، آئین و قانون کی بالادستی اور آزاد عدلیہ و آزاد میڈیا کے کردار کو تسلیم کرنے سے گزرتا ہے، جب تک انصاف کی بنیادیں مضبوط نہیں ہوں گی اور عوام کے فیصلوں کو مقدم نہیں رکھا جائے گا، ملک کسی بھی صورت ترقی کی راہ پر گامزن نہیں ہوسکتا۔
ذریعہ
ذریعہ: Islam Times
کلیدی لفظ: عوامی مینڈیٹ پی ٹی آئی نے کہا کہ
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار